इब्रानियों 4:6 - लाहौली बाइबिल

⁶ पर मीहतिंङ दुह आरामो ठहरि रिंङ इबिमी मोक्का विशवास ला तोह। इस्राएलो दोरे मीहरे, अंऊ दोतु बिचंङ मुण्डारिंङ रूठे खबरो घोषणा लाहतेन, दोरे इबिमी थल्जी असफल शुहचे इलिर छना कुचे दोच़ी परमेश्वरो भाषे माह लहरिर। पर मीहतिंङ दू नहच़िमी ठाहरीरिंङ इबिमी मौका हेंतेग ला तोह।

इब्रानियों 4:6 Iomraidhean Croise

मत्ती 21:43

दिऊ थल्जी गेह केतंङ कुट्रातग कि परमेश्वरो राज्य केहतु दोरच़ी लेहपशे झांह ठ्रोह ऊईजाति तिंङ रमोतो अच़ि रुठे परिणाम हपोतो।

प्रेरित 28:28

दिऊ थल्जी, दि ठीक तोह कि केतिंङ दि पता लेहकी योतो कि परमेश्वरो दि उद्धार हेंतेग ऊईजाति तु थल्जी ला मौजूद तोह। दोरे ला दिबी स्वीकार लोहर।”

1 कुरिन्थियों 7:29

हे गिऊ प्यारे साथी विशवासी रे, गेह दि कुट्रातग, कि मसीहू वापिस अपिमी ध्याड़ा महस माह झांह लेह चाहे केहतु मेच़ा तोह या माह, दि पाहठी महस चिंद लहज़िमी ज़रूरत माह। पर प्रभु सेवा लहज़िमी पाहठी सोचेक्सा लंहि।

गलातियों 3:8

दंङ पवित्रशास्त्र रिंङ महस तुहई दि च़ेहसी तोहई कि, “कि परमेश्वर ऊईजाति तु दोतिंङ विशवासो हिसाबे धर्मी ठहराएपोतो, दिए वहज़ा तोह कि पवित्र शास्त्रारिंङ, अपेहल परमेश्वरे तुहई ए अब्राहमा बि दि रूठे खबर रंदे कि दंङ दोई दोरंङ साते कुई” “कनु दोरच़ी, गेह दि संसारो भत्ते मीहतिंङ आशीष रमोग।”

इब्रानियों 4:11

झांह लेह हेनर दू नहच़िमी ठहरि इबिमी थल्जी महस मेहनत लोहनि, अंऊ ला मीहबी दू मीहतु उदाहरणो नकल लहज़ी माह जूंस अंऊ दोच़ी परमेश्वरो भाषे लहज़िमी रंङ साते इन्कार लेह च़रति। दोहपल हेनर दू नहच़िमी ठाहरीरिंङ इबि तरपोंई।

इब्रानियों 4:2

छना कुचे हेंज़ी यीशु मसीहू पाहठी रूठे खबर थाह्सी तातंई। पर दोच़ी दिऊ टोहकठे विशवास माह लहरिर। झांह लेह, दू खबर दोतु थल्जी शुहके तोहई।

इब्रानियों 4:9

दिऊ थल्जी परमेश्वरो मीहतु थल्जी हेंतेग ला इच्च़ा ठहरि तेयार तोह, अंऊर दोरे रूठे रंङ रुमज़ा बंङज़ातोर। दोरे ध्वांए ठ्रोह नह्च़ोर छना परमेश्वरे निह्ज ध्याड़ो थल आराम लाहते।