इब्रानियों 4:3 - लाहौली बाइबिल

³ झांह लेह ञेंरे मीहरे अंऊ दू गप्पो टोईच़ी विशवास लहज़ातंई अंऊ परमेश्वरे कुहषी ततो, दू नहच़िमी ठाहरीरिंङ प्रवेश लोहनि। दंङ ऊईतु पाहठी, परमेश्वरे कुहतो, “गेह घेंङौ रोह्षा रिंङ कसम लहरिग, कि दोरे गिऊ नहच़िमी ठहरि इबि मरपोर।” हालांकि दि संसारो रचना लहज़िमी मुक्का बे तेयार शुहसी तोहई।

इब्रानियों 4:3 Iomraidhean Croise

मत्ती 13:35

कि अंऊ बचन भविष्यवक्ता तु दोरच़ी कुहषी तोह, दुह पूरा शुहबी जूंस; “गेह कथा कुट्रिमी थल्जी घेंङौ आह अल्बोग, गेह दुह गप्पारे अरी संसारो शुरुआतबे ब्याके तोईरे प्रगट लोहग।”

मत्ती 25:34

दंङ गेह रज्ज़ा घेंङौ सुचंङ हासी दोतंङ कोहग, हे गिऊ स्वर्गीय बाहऊ धन्य मीहरे, अतंई, दुह राज्यो हकदार शुहचे ईलांई, अंऊ संसारो शुरुआतबे केहतु थल्जी त्याहर लहसी तोह।

इफिसियों 1:4

परमेश्वरे सर्ग ए धरती बणाएषिमी तुहई, मसीहू दोरच़ी हेंदिंङ एनातु मीह शुहबिमी थल्जी अंङे च़रति। ताकि हेनर दोऊ नज़रारिंङ पवित्र ए निर्दोष शुहबी तरपोंई।

इब्रानियों 3:11

दंङ गेह रोषेक्च़ा ते कसम लहरिगा, कि दोरे, “दू ज़मीनारिंङ अंऊर गेह दोतिंङ नह्च़ी रंदेग दोर्तिंङ अपि माह जूंस।”

इब्रानियों 3:14

अगर हेनर हेंदु तुहई कि विशवासा बि थल मुक्का तचेक पक्‍का बणाके तोहनि, दंङ हेनर मसीहू सहभागी शुहचे योंई।

1 पतरस 1:20

दि संसारो रचना बे तुहई, परमेश्वरे दि सोचेके चरच़ाते कि यीशु मसीह छुड़ाएसा शोतो। पर दू केहतु मदत लहज़िमी थल्जी दि अंतिम ध्याड़ा रिंङ दि संसारारंङ प्रगट शुई।