इब्रानियों 4:2 - लाहौली बाइबिल

² छना कुचे हेंज़ी यीशु मसीहू पाहठी रूठे खबर थाह्सी तातंई। पर दोच़ी दिऊ टोहकठे विशवास माह लहरिर। झांह लेह, दू खबर दोतु थल्जी शुहके तोहई।

इब्रानियों 4:2 Iomraidhean Croise

प्रेरित 13:46

दोथर पोलुस ए बरनबास ए निडर शुहचे कुईर, “कि परमेश्वरो बचन मुण्डारिंङ केतिंङ यहुदी तिंङ सुनाएची ज़रूरी तोहई; पर केहच़ी दोबि ग्रहण माह लहज़ातन। झांह लेज़मी रिंङ साते केहच़ी दि साबित लाहतंई कि केरे अनंत जीवन खोकच़िमी जोगे माह तोहई, दिऊ थल्जी दा ञेंहरे योंई दंङ ऊईजाति मीहतु सुनाएपोंई।

प्रेरित 3:26

अपेहल परमेश्वरे एनोह सेवक यीशु बि सिए दोरच़ी श्रींङे लेह दोई दोबि भत्ते बे तुहई केरे इस्राएलो मीहतु कछंङ च़रति। कि केहतु बिचंङ च़ि हर इच्च़ा पापो जीवनो दोरच़ी परमेश्वरो हखा अपिमी मदत लोहतो।”

रोमियो 2:25

खतना लहज़िमी फायदा सिर्फ दुह ए मुक्का तोह अपेहल केहच़ी कानूनो मनेक्च़ातंई। पर अगर केरे कानूनो माह मनेक्च़ातंई, दंङ केरे खतना लहसी यहुदी मीहरे दुह मीहतु ठ्रोह ए तोतोंई अंऊ यहुदी माह तोतोर दंङ अतु खतना शुहचे माह।

रोमियो 3:3

अगर रे यहुदी परमेश्वरो थल्जी विशवासो जोगे माह तोईरे ता छि शुई? छि दिऊ मतलब दि तोह आ कि परमेश्वर दोतंङ साते लहसी वायदारिंङ विशवासो जोगे माह?

1 कुरिन्थियों 13:3

अगर गेह घेंङौ भत्ते टंगा ढबाह गरीबा तिंङ रे च़रपोग दंङ देर तचेक कि घेंङौ फुक रोट्रीमी थल्जी रें च़रपोग, पर दाह माह तहज़ातग दंङ गिऊ थल्जी छल्ले फायदा माह।

गलातियों 3:2

गेह केतंङ साते इच्च़ा सवाल लहच़ी तातग: छि केतिंङ पवित्र आत्मा मूसा ओ कानूनो भाषे लहज़ी रंङ साते खोकसते आ? माह! बिल्कुल ला माह! केतिंङ पवित्र आत्मा दिऊ थल्जी खोकसते छना कुचे केहच़ी दू रूठे खबरो टोहकठे विशवास लहज़ातंई अंऊ केहच़ी यीशु मसीहू पाहठी रेड्री तातंई।

गलातियों 3:8

दंङ पवित्रशास्त्र रिंङ महस तुहई दि च़ेहसी तोहई कि, “कि परमेश्वर ऊईजाति तु दोतिंङ विशवासो हिसाबे धर्मी ठहराएपोतो, दिए वहज़ा तोह कि पवित्र शास्त्रारिंङ, अपेहल परमेश्वरे तुहई ए अब्राहमा बि दि रूठे खबर रंदे कि दंङ दोई दोरंङ साते कुई” “कनु दोरच़ी, गेह दि संसारो भत्ते मीहतिंङ आशीष रमोग।”

गलातियों 4:13

केतिङ हिद शोतो कि बीमारीऊ वहज़ा ज़ि गिह्बी केतिंङ पहला फेरा रूठे खबर सुनाएच़िमी मोका खोकसते।

1 थिस्सलुनीकियों 1:5

छना कुचे हेंदु यीशु मसीहू पाहठी रूठे खबर केहतु कछंङ माह सिर्फ कुट्री रंङ साते ए पर पवित्र आत्मो सामर्थे ए भत्ते याहबा रंङ अंजा कि दि रूठे खबर हेले शुह, केहच़ी ञेंच़ातंई कि अपेहल ञेंरे केतंङ साते तोईनी दंङ ञेंहच़ी केहतु भलाई ऊ थल्जी छना ठ्रोह जीवन श्रींङज़ातंई।

1 थिस्सलुनीकियों 2:13

झांह लेह ञेंरे ला रोज परमेश्वरो धन्यवाद लहज़ातंई, कि अपेहल केहच़ी दुह रूठे खबर थाशातंई अंऊ ञेंहच़ी केहतु बिचंङ प्रचार लाहतंई, दंङ केहच़ी दुह मीहतु मशत पर परमेश्वरो वचन समझेगी (दंङ अंऊ हेले परमेश्वरो दोरच़ी तोह) ग्रहण लहरिन; दंङ हेंतेग परमेश्वरो दि खबर केहतु अंद्रेग कम लहज़ी लेहकी तोह अंऊ मसीहू टोहकठे विशवास लहज़ातंई।

1 तीमुथियुस 4:8

छना कुचे फुको कसरत ओ थोड़े फायदा तोह, पर परमेश्वरो भक्ति ओ कसरत भत्ते गप्पो थल्जी फायदेमंद तोह, छना कुचे दि इच्च़ा मीहबी ईनाम रंड्रीमी वाईदा लहज़ा अपेहल दुह दि धरती रिंङ श्रींङी बंङज़ा दंङ सिमी थल ला।

इब्रानियों 11:6

सिर्फ परमेश्वरो टोईच़ी विशवास लहज़िमी रंङ साते ए हेनर दोबि खुश लेह तरपोंई। छना कुचे परमेश्वरो कछंङ अंजा दोबि विशवास लहच़ी जूंशी तोह, कि दू तोह; दंङ दोरे अंऊ दोबि सच्चाई रंङ साते पेट्रातोर, दू दोतिंङ दोऊ ईनाम रंड्रा।

इब्रानियों 3:12

हे गिऊ प्यारे साथी विशवासी रे, चोकस बंङज़ुंई, कि केहतु बिचंङ झांह ऊई ठ्रोह मदम ए अविश्वासी सेहम शुहबी माह जूंस, अंऊ श्रींङे परमेश्वरा बि ऊई तार रेन्ज़ा शोतो।

इब्रानियों 4:6

पर मीहतिंङ दुह आरामो ठहरि रिंङ इबिमी मोक्का विशवास ला तोह। इस्राएलो दोरे मीहरे, अंऊ दोतु बिचंङ मुण्डारिंङ रूठे खबरो घोषणा लाहतेन, दोरे इबिमी थल्जी असफल शुहचे इलिर छना कुचे दोच़ी परमेश्वरो भाषे माह लहरिर। पर मीहतिंङ दू नहच़िमी ठाहरीरिंङ इबिमी मौका हेंतेग ला तोह।

याकूब 1:21

झांह लेह भत्ते मांजी ए बैर भाव शत्‌ह लेह च़रतेंई, दुह परमेश्वरो बचन नम्रतारंङ साते ग्रहण लेह च़रतेंई, अंऊ सेहमरिंङ केहषी तोह दंङ अच़ि केहतु प्राणो उद्धार लेह च़रच़ा।

1 पतरस 1:12

पर परमेश्वरे दि भविष्यवक्ता तिंङ कंड्रिरी कि दोतु खबर दोतु एनातु थल्जी मशत पर केहतु थल्जी तोहई। दू खबर यीशु मसीहू पाहठी रूठे खबर शुह अंऊ केहच़ी हेंतेग रेड्रातंई। परमेश्वरे स्वर्गंङ ज़ि एनोह पवित्र आत्मा चरच़तो कि केतिंङ रूठे खबर प्रचार लहज़िमी थल्जी मीहतु मदत लोहतो। दि भत्ते धोंण अद्धभुत तोह कि देर तचेक कि स्वर्ग दूत कि स्वर्गदूत ला खुशी रंङ दि चीज़ा बि खंड्रातोर।