इब्रानियों 4:16 - लाहौली बाइबिल

¹⁶ झांह लेह अतंई, हेनर मोह्ड़े याहबारंङ साते परमेश्वरो कछंङ अपोंई, अंऊ मोह्ड़े दाह रंङ साते पिंङषा तोह, दोहपल परमेश्वर हेंदिंङ दया ए मोह्ड़े दाह कंबोतो, दंङ अपेहल हेंदिंङ ज़रूरत शोतो दोहपल हेंदु मदत लोहतो।

इब्रानियों 4:16 Iomraidhean Croise

इफिसियों 3:12

हेनर मसीहरिंङ विशवास लहज़ातंई, दंङ झांह लेह हेनर हिम्मत ए आत्मविशवास रंङ साते परमेश्वरो कछंङ अपातंई।

इब्रानियों 7:25

दिऊ थल्जी अंऊ यीशु मसीहू दोरच़ी परमेश्वरो कछंङ अपातोर, दू दोतु पूरा-पूरा उद्धार लेह तरपोतो, छना कुचे दू दोतु थल्जी बिनती लहज़िमी हमेशा श्रींङे तोह।

इब्रानियों 13:6

झांह लेह हेंज़ी विशवासा रंङ साते कुट्रातंई, “प्रभु, गिऊ मदत लहज़ा; गेह माह बेओग; गिह्बी छल्ले बेह्द माह षोह्दो कि अच़िला मीह गेरंङ साते छि लेह तरपोतो।”

1 पतरस 2:10

भविष्यवक्ता होशे ज़ि केहतु पाहठी छि च़ेहसी तोह दुह केहतु पाहठी हेले तोह तुहई केरे परमेश्वरो मीहरे माह तोईनी, पर हेंतेग केरे परमेश्वरो मीह शुई। तुहई केरे परमेश्वरो दया माह सेहच़ाते पर हेंतेग केहच़ी दि ञेंच़ातंई छना कुचे दोई तुहई बेहच़ी केहतु टोईच़ी एनोह दया कांहषी ततो।

इफिसियों 2:18

मसीह ज़ि हेंदु थल्जी छिल्ला धिर लहरी दोऊ वहज़ा ज़ि हेंतेग हेनर भत्तेर इच्च़ा पवित्र आत्माओ दोरच़ी बाहऊ कछंङ अपि तरपोंई।

इब्रानियों 7:19

झांह लेह मूसा ओ कानून अंऊ ला गप्पा सिद्ध माह लहज़ा, पर दोऊ ठाहरीरिंङ हेंदु दोर इच्च़ा मोह्ड़े उम्मीद तोह अंऊ यीशु मसीह रिंङ तोह, अंऊ दोऊ दोरच़ी हेनर परमेश्वरो कछंङ अपि तरपोंई।

इब्रानियों 9:5

दिऊ अलावा बक्सो टोईच़ी तेजोमय करूब मिंदंङ झुह्ट पखारंङ साते बणाषी तोहई, अंऊ दि गप्पो इशारा तोहई कि परमेश्वर ठहरि टोहकठे तोह। दोतु अलसी पखार बक्सा ओ तोंरिखी हिस्सा कपची तरच़ातेर अतु टोहकठे शुई पुरच़ातेर ताकि मीहतु पाप माफ शोर। कि इच्च़ा-इच्च़ा लहज़ी दोतु बखान लेह मरच़ि।

इब्रानियों 3:6

पर मसीह योह रूपारिंङ एनोह टबरातु थल्जी विशवासो जोगे तोह दंङ दू टबर हेनर शुई, अगर हेनर हेंदु उम्मीद रिंङ हिम्मत ए घमण्ड लहज़ी जारी तोहनि ता, दंङ हेनर परमेश्वरो मीहरे शुहनि।