इब्रानियों 4:12 - लाहौली बाइबिल

¹² छना कुचे परमेश्वरो वचन श्रींङे, असरदार दंङ अंऊ ला झुह्ट धारी तलवार बेहच़ी ला तेज तोह। दोई जहानो ए आत्माओ गांठ-गांठ ए, जोड़-जोड़ शत्‌ह लहच़ी, आर-पार तिरच़ा; दंङ सेहमो भावना ए विचार ओ जांच लहज़ा।

इब्रानियों 4:12 Iomraidhean Croise

लूको 8:11

कथाओ मतलब दी शुह; बेजो मतलब परमेश्वरो वचन शुह।

यहून्नो 12:48

अच़ि गेह तुच्छ चेहच़ा दंङ गिऊ गप्पार ग्रहण माह लहज़ा दोबि दोषी ठेहराएच़ा इच्च़ा तोह; मतलब अंऊ बचन गेह कुहषी तातग, दोई अंतिम ध्याड़ा रिंङ दोबि दोषी ठहराएपोतो।

यहून्नो 6:51

जीवनो रोटी अंऊ स्वर्गंङच़ि तक्सा, दुह गेह शुगाह। अगर अच़िया दिह रोटीऊ दोरच़ी ज़ोतो ता हमेशा श्रींङे बंङज़ोतो; दंङ अंऊ रोटी गेह रमोग, दुह गिऊ फुक शुह अंऊ गेह संसारो मीहतु जीवनो थल्जी बलिदान लोहग।”

प्रेरित 2:37

अपेहल मीहज़ी दिह रेड्रिर ता दोरे एनाह बि दोषी महसूस लहज़ी लेहतिर, दंङ दोरे पतरस ए ऊई प्रेरिता तंङ साते रुहक्च़ी लेहतिर, “हे बिशवासी न्वारे हेनर छि लोहनी?”

प्रेरित 4:31

अपेहल दोच़ी प्रार्थना लेह केहरिर, ता दुह ठहरि अंऊर दोरे ठ्रोहका तोईरे त्रुल्ज़ा इलि, दंङ दोरे भत्तेर पवित्र आत्मा रंङ साते पिंङे इलिर, दंङ परमेश्वरो बचन याहब रंङ साते सुनाएची लेहतिर।

प्रेरित 5:33

अपेहल सभा ओ मीहज़ी दिह रेड्रिर दोरे हट्रा इलिर, दंङ दोरे प्रेरितातिंङ सच़ी तरेर।

प्रेरित 7:38

दंङ दिह ए मूसा भविष्यवक्ता ओ रुपंङ हेनातु बाह-मेमे तंङ साते तोहई अपेहल दोरे सुनसान ठहरि इच्च़ा साते ठ्रोहका तोईरे, दोर्तिंङ मूसा बि परमेश्वरो दोरच़ी अनंत जीवनो बचन खोकसिरी, दंङ दोई दोरे बचन ञेंहतु कछंङ तचेक पिपि लहरी।

रोमियो 1:16

छना कुचे गेह यीशु मसीहू रूठे खबरो टोहकठे पूरा विशवास लहज़ातग, एनोह सामर्थो दोरच़ी परमेश्वर दू भत्ते तु उद्धार लहज़ा, अंऊ दि रूठे खबरो टोईच़ी विशवास लहज़ातोर, भत्ते बे मुन्डा यहुदी मीहतु दंङ दोतु अंऊ यहुदी मीह माह तोहर।

1 कुरिन्थियों 1:24

पर दोरे अतिंङ परमेश्वरे एनोह मीहरे शुहबी थल्जी अंङे चरच़तो, छि यहुदी छि ऊई जाति, दिए मसीहू सामर्थ ए परमेश्वरो ज्ञान तोह।

2 कुरिन्थियों 2:17

छना कुचे हेनर दू महसे तु बराबर माह तोंई, अंऊ परमेश्वरो बचन एनोह फायदा ओ थल्जी प्रचार लहज़ा; पर हेनर परमेश्वरो बचनो प्रचार सच्चाई ए मसीहू अधिकारारंङ साते लहज़ातंई, दि ञेंई कि परमेश्वर हेंदिंङ खंड्रा बंङज़ा तोह।

2 कुरिन्थियों 4:2

पर हेंज़ी षेह्द अपिमी जोगे ए गुप्तो कम छोड़ेके चरच़ातंई, दंङ माह ए चालाकी रंङ साते ज़ोवातंई, दंङ माह परमेश्वरो बचना रिंङ मिलावट लहज़ातंई, पर हेनर परमेश्वरो तुईज़ी सिर्फ हेले कंड्रातंई। परमेश्वरो तुईज़ी हर इच्च़ा गवाही रंड्री तरपोतो कि दि हेले तोह।

इफिसियों 5:13

अपेहल छा चीज़ो टोईच़ी छंङी चमकेक्पा दंङ भत्ते ज़ि दू खंड्रे तरच़ी कि दू चीज़ छना ठ्रोह तोह, छना कुचे अपेहल छंङी छा चीज़ प्रगट लहज़ा दंङ दू चीज़ एनेह ए छंङी शुहचे इबि।

इफिसियों 5:26

ताकि दोरे कलीसिया बि परमेश्वरो बचनो ति रंङ च़िए शुद्ध लेह पवित्र बणाके तरपोर।

इफिसियों 6:17

उद्धार मतलब परमेश्वरा बि बचाएच़िमी थल्जी सामर्थो टोबु लगाके तंही। पवित्र आत्माओ तलवार अंऊ परमेश्वरो बचन तोह दोबि कुरच़े च़रतुंई।

1 थिस्सलुनीकियों 2:13

झांह लेह ञेंरे ला रोज परमेश्वरो धन्यवाद लहज़ातंई, कि अपेहल केहच़ी दुह रूठे खबर थाशातंई अंऊ ञेंहच़ी केहतु बिचंङ प्रचार लाहतंई, दंङ केहच़ी दुह मीहतु मशत पर परमेश्वरो वचन समझेगी (दंङ अंऊ हेले परमेश्वरो दोरच़ी तोह) ग्रहण लहरिन; दंङ हेंतेग परमेश्वरो दि खबर केहतु अंद्रेग कम लहज़ी लेहकी तोह अंऊ मसीहू टोहकठे विशवास लहज़ातंई।

1 थिस्सलुनीकियों 5:23

शांति ऊ परमेश्वर एनेह ए केतिंङ भत्ते रीतिरंङ साते पवित्र लोहतो; दंङ केहतु भत्ते आत्मा, प्राण फुक हेंदु प्रभु यीशु मसीहू यह्च़ा वापिस अंजा तचेक दोष मेह बणाके तंही।

इब्रानियों 13:7

अंऊ केहतु अगुवा तोईरे, दंङ अच़ि केतिंङ परमेश्वरो बचन सुनाच़ी तातोर, दोतिंङ हिद तंही; दंङ ध्याना रंङ साते दोतु जीवन खंई, कि छना दोच़ी एनोह जीवन‍‍ श्रींङमातोर, दंङ सिमी मुक्का तचेक परमेश्वरो विशवासा रिंङ पक्‍का बणेंके बंङज़िरे। झांह लेह हेंदिंङ ला परमेश्वरो टोईच़ी ध्वांए ठ्रोह विशवास लहज़ी लेह्पोतो छना दोच़ी लहसी तरेर।

इब्रानियों 6:5

दोच़ी महसूस लहसी तातोर कि परमेश्वरो तरफे अंजा खबर रूठे तोह दंङ दोच़ी अंजा दू सामर्थो ला अनुभव लहसी तातोर।

याकूब 1:18

दोई एनोह ए हिटीरंङ साते हेंदिंङ हेले बचनो दोरच़ी खरकोई जीवन रांहषी ततो, दोई दि झांह लेह लहरी ताकि ञेंरे विशवासी हर दुह चीज़ो खास हिस्सा शोंई, अंऊ दोऊ दोरच़ी बणाषी शुह।

1 पतरस 1:23

केतिंङ इदि-अई दिरंङ साते दाह लेह जूंशी तोह छना कुचे केतिंङ परमेश्वरो दोरच़ी इच्च़ा खरकोई जीवन खोकसा तोह। केतिंङ दि जीवन इच्च़ा झांह ठ्रोह चीज़ो वहज़ा माह खोकसिरी अंऊ हमेशा ओ थल्जी बंङज़ोतो। मतलब, परमेश्वरो श्रींङे ए अनंत बचनो दोरच़ी खोकसा शुह।

प्रकाशित वाक्य 1:16

दुह एनोह सुचंङ गुह्ट्रे निह्ज कर तहरे, दंङ दोऊ मोह्द ओ तेज झुल्ला हासी धारी तलवार हुंच़ा तोहई; दंङ दोऊ मोह्द निहरो टेमो चमकेक्पा ऐके ओ ठ्रोह चमकेपी लेहकी तोहई।

प्रकाशित वाक्य 19:15

दोऊ आहच़ि इच्च़ा तेज तलवार हुंच़िरी अंऊ दोरच़ी दोई देश यहरच़े च़रपोतो। अरिला दोऊ अधिकारा बि स्वीकार माह लहज़ा दुह दोतिंङ भत्ते रिति रंङ सज़ा रमतो। दुह सर्वशक्तिमान परमेश्वरो भयंकर प्रकोपा बि ध्वांए केहच़ी च़रपोतो, छना इच्च़ा रसकुण्डो दोरच़ी दाखो रस बहाएक्च़ा।

प्रकाशित वाक्य 19:21

दोहथर, छंङसी रहंङों सवारी ज़ि दुह घ्वांण भत्ते सेनिकर सच़ी च़रति, दोई दोतिंङ दुह तलवारे ट्रिके च़रति अंऊ दोऊ आहरिंङ प्रगट शुई। प्यारे सिए इलिर मीहतु षाह ज़ेइमी थल्जी अच़ा अतिर अपेहल तचेक कि दोतु खोकटुंङ पिंङषा मेहलि।

प्रकाशित वाक्य 2:16

झांह लेह सेहम किरज़ु, अगर काह मदम कम लहज़ी बंद माह लोहन ता दंङ गेह युरनाह अपोग दंङ दुह मीहतु खिलाप दुह तलवार रंङ साते तेङसोग, अंऊ गिऊ आहच़ि हुंच़ा।

प्रकाशित वाक्य 2:23

दंङ गेह दुह मीहतिंङ सच़ी च़रपोग अंऊ दोऊ शिक्षा भाषे लहज़ातोर, दंङ भत्ते कलीसिया ञेंई च़रपोतो कि गेह ए तोतोग अंऊ हर इच्च़ा मीहू विचार ए मकसदो परख लहज़ातग। गेह केहतु बिचंङ हर इच्च़ा बि दोऊ कमो हिसाबे ईनाम रमोग।

प्रकाशित वाक्य 20:4

दोऊ थल गेह रें सिंहासन तंङरिगा, दंङ अंऊ मीहरे दोऊ टोईच़ी बंङज़ा तोईरे, दोतिंङ राज लहज़िमी अधिकार रांहषी तोहई। गेह दुह मीहतु आत्मा ला तंङरिगा, अतु पुंज़ा ट्रिके केहषी तोहई छना कुचे दोच़ी दि अंगीकार लहसी ताहरेर कि यीशु दोतु प्रभु तोहई, दंङ दोरे परमेश्वरो बचनो टोईच़ी विशवास लहज़ातेर। दुह मीहच़ी घ्वंण या दुह मुर्ति ओ पूजा माह लहरिर, दोच़ी एनोह फ्याह रिंङ या गुहट्ररिंङ घ्वंणो छाप ला लेहपच़ी माह तोहई। दि मीहरे यह्च़ा श्रींङे इलिर दंङ इच्च़ा हज़ार साल तचेक मसीह रंङ साते बंङज़ा राज लहरिर।