इब्रानियों 4:11 - लाहौली बाइबिल

¹¹ झांह लेह हेनर दू नहच़िमी ठहरि इबिमी थल्जी महस मेहनत लोहनि, अंऊ ला मीहबी दू मीहतु उदाहरणो नकल लहज़ी माह जूंस अंऊ दोच़ी परमेश्वरो भाषे लहज़िमी रंङ साते इन्कार लेह च़रति। दोहपल हेनर दू नहच़िमी ठाहरीरिंङ इबि तरपोंई।

इब्रानियों 4:11 Iomraidhean Croise

मत्ती 11:12

अपेहल बे यूहन्ना बपतिस्मा रंड्राए प्रचार लेह शुरू लहतो दोहथल बेहच़ी तोग तचेक स्वर्गो राज जोरारंङ साते तुंखा शुबी लेहकी तोह, दंङ ड्रकशी दोरे दिबी नाश लहज़िमी कोशिश लहज़ी लेहकी तोतोर।

मत्ती 7:13

परमेश्वरो राज्यरिंङ इबिमी अम महस संगड़े तोह, पर बिनाशो हखा शिलज़ा अम बेले ए योह्च़े तोह; दंङ महस मीहरे तोतोर अच़ि दोर्तिंङ योर।

लूको 13:24

“परमेश्वरो राज्यरिंङ संगड़े पेतंङज़ि इबि खरे तोह, छना कुचे गेह केतंङ साते कुट्रातग कि महसे मीहरे इबिमी कोशिश लोहर पर इबि मरपोर।

लूको 16:16

“अपेहल तचेक यूहन्ना बपतिस्मा रंड्रा अंजा, दोपहल तचेक मूसा ओ कानून ए भविष्यवक्तातु खबर केहतु थल्जी रुठे अम कंड्रा तोईरे। दंङ परमेश्वरो राज्यो पाहठी रूठे खबरो प्रचार शुबी लेहकी तोहई, दंङ हर इच्च़ा मीह परमेश्वरो राज्य रिंङ शक्ति रंङ साते अपि लेहकी तोह।

यहून्नो 6:27

दुह बगतो थल्जी मेहनत थाह लांही अंऊ नाशवान तोह पर दुह बगतो थल्जी लांही अंऊ अनंत जीवन तचेक बंङज़ा, मतलब गेह मीहू योह दिह बगत रमोग, छना कुचे पिता परमेश्वरे गिह्बी झांह लहज़िमी अधिकार रांहषी ततो।”

प्रेरित 26:19

“दंङ हे रज्ज़ा अग्रिप्पा, गेह दू स्वर्गीय दर्शनों भाषे लहरिगा।”

इफिसियों 2:2

दू टेमारिंङ केरे संसारो दू मीहतु ठ्रोह श्रींङमातेंई अंऊ परमेश्वरा बि माह ञेंहच़ातोर, दंङ केरे मांजी आत्माओ प्रधान शेतानो अंऊ सर्गारिंङ तोह, हेंतेग ला दू मीहतिंङ काबू लहज़िमी कोशिश लहज़ी लेहकी तोह, अंऊ परमेश्वरो हुकुमो भाषे माह लहज़ातोर।

इफिसियों 5:6

दिरे मीहतु दोरच़ी मुर्ख था बणेक्तेंई अंऊ दि पापो थल्जी बहाना बणाएषिमी कोशिश लहज़ातंई। छना कुचे दिए कमो दोरच़ी परमेश्वरो रोहष हुकुम माह मनेक्च़ा दोतु टोईच़ी भड़केक्पा।

फिलिपियों 2:12

हे गिऊ प्यारे साथी विशवासी रे, अपेहल गेह केतंङ साते तोईग दोहपल केहच़ी हमेशा परमेश्वरो हुकुमो भाषे लहरिन। एंतेग अपेहल गेह ऊईतार शुहचे इलजी तोतोग, दंङ केतिंङ ऊई ला गप्पा मनेक्च़ी जूंशी तोह। बेह्द रंङ साते केहतु बिचंङ भत्ते तिंङ दुह चीज़ लेह जूंशी तोह अंऊ दुह मीहतु थल्जी सही तोह अंऊ दोतिंङ परमेश्वरे बचाएसी ततो।

कुलुस्सियों 3:6

मीहच़ी दि मांजी कम लहज़ा तोर, झांह लेह परमेश्वर पक्‍का ए दोतिंङ खरे सज़ा रमतो।

तीतुस 1:16

दोरे हप्सी शिक्षा रंड्रा कुट्रातोरे कि हेनर परमेश्वरा बि ञेंच़ातंई, पर दोतु कम दिबी गलत सबित लहच़ी केट्रा। छना कुचे दोरे महस झखंजी (घिनौने) ए हुकुम माह मनेक्च़ा तोतोर, दंङ दोरे अंऊ ला रूठे कम लहज़िमी जोगे माह तोहर।

तीतुस 3:3

छना कुचे हेनर ला तुहई, मुर्ख ए परमेश्वरो हुकुम माह मनेक्च़ा मीहरे, मीहतु दोरच़ी धोखा खोकसिमी तातंई, दंङ हेनर मदम हिटी ए संसारो चीज़ा तु गुलाम तोईरे, छना बैर-भाव, दंङ जलन तहच़ि रिंङ एनोह जीवन श्रींङज़ातेर, दंङ मीहतंङ साते नफरत लहज़ातेर, दंङ इदि-अई दिरंङ साते बैर तहच़ातेर।

इब्रानियों 3:12

हे गिऊ प्यारे साथी विशवासी रे, चोकस बंङज़ुंई, कि केहतु बिचंङ झांह ऊई ठ्रोह मदम ए अविश्वासी सेहम शुहबी माह जूंस, अंऊ श्रींङे परमेश्वरा बि ऊई तार रेन्ज़ा शोतो।

इब्रानियों 3:18

अपेहल परमेश्वरे पक्‍का रूपारिंङ घोषणा लहरी, कि अपेहल ला दू धरती रिंङ माह अपोंई अंऊर गेह दोतिंङ नह्च़ी रंड्रातग, दंङ दू पक्‍का रूपारिंङ दू मीहतु पाहठी कुट्रा अंऊ दोच़ी दोऊ भाषे माह लहरिर।

इब्रानियों 4:6

पर मीहतिंङ दुह आरामो ठहरि रिंङ इबिमी मोक्का विशवास ला तोह। इस्राएलो दोरे मीहरे, अंऊ दोतु बिचंङ मुण्डारिंङ रूठे खबरो घोषणा लाहतेन, दोरे इबिमी थल्जी असफल शुहचे इलिर छना कुचे दोच़ी परमेश्वरो भाषे माह लहरिर। पर मीहतिंङ दू नहच़िमी ठाहरीरिंङ इबिमी मौका हेंतेग ला तोह।

इब्रानियों 6:11

ञेंहच़ी माह जुंज़ातंई कि केरे सुस्त शुई। पर ञेंहच़ी जुंज़ातंई कि केहच़ी महस मेहनत लहज़ा तु ठ्रोह दाह ओ कम लहज़ी ज़ारी तंही, थल मुक्का तचेक धीरज़ ए विशवासा रंङ पक्‍का बणेंके बंङज़ेंई। दंङ पक्‍का उम्मीद तंही ताकि परमेश्वरो वाईदा बि खोक्शे तरपोंई।

2 पतरस 2:6

परमेश्वरे सदोम ए अमोरा शहरा बि सज़ा रेंई, दंङ दोतिंङ झांह ठ्रोह भस्म लहज़ी च़रति कि दोरे मेह लेहकी भस्म शुहचे इलिर। परमेश्वरे दुह मीहतिंङ खबरदार लहज़िमी थल्जी झांह लहरी, अंऊ तुंखा अंजा टेमारिंङ दोऊ बेह्द माह चेहच़ातेर।