इब्रानियों 4:10 - लाहौली बाइबिल

¹⁰ परमेश्वरे एनोह कम योह्च़े थल नह्सते। दंङ दि दू भत्ते तु थल्जी ला झांह तोह अंऊ परमेश्वरो कछंङ नह्च़ी यवातोर। दोरे एनोह कम योह्च़े थल नह्च़ोर।

इब्रानियों 4:10 Iomraidhean Croise

यहून्नो 19:30

अपेहल यीशु ज़ि दिह सिरका लेहप्ती, ता कुंई, “पुरा शुई” दंङ पुंज़ा योंखा लेह सीए इलि।

इब्रानियों 1:3

दू योह ए परमेश्वरो महिमा ओ छंङी दंङ हर तरफे परमेश्वरो ठ्रोह तोह। दंङ भत्ते संसारा बि दंङ एनोह शाक्तिशाली बचनो दोरच़ी, भत्ते संसारा बि खड़े लहज़ी तहज़ा। दोई मीहतिंङ दोतु पापो दोरच़ी शुद्ध लेह च़रति, दंङ दोऊ थल स्वर्गारिंङ महिमामय परमेश्वरो सुचंङ हासी विराजमान शुहचे इलि।

इब्रानियों 10:12

पर हेंदु यहुदी पुरोहित यीशु मसीह ज़ि हेंदु पापो माफी ओ थल्जी एनाबि हमेशा ओ थल्जी सिर्फ इच्च़ा बलिदानो रूपारिंङ चढ़ाके च़रति। दंङ हेंतेग दू बाह परमेश्वरो सुचंङ हासी सिहासनो टोहकठे इज्ज़तदार ठाहरीरिंङ बंङज़ा इलजी तोह।

इब्रानियों 4:9

दिऊ थल्जी परमेश्वरो मीहतु थल्जी हेंतेग ला इच्च़ा ठहरि तेयार तोह, अंऊर दोरे रूठे रंङ रुमज़ा बंङज़ातोर। दोरे ध्वांए ठ्रोह नह्च़ोर छना परमेश्वरे निह्ज ध्याड़ो थल आराम लाहते।

प्रकाशित वाक्य 14:13

दोऊ थल गेह यह्च़ा स्वर्गो दोरच़ी अतिंङ कुट्री रेड्रीगा दंङ दोई गिऊ हखा कुई: “दि गप्पारे देर्तिंङ च़ेऊ। हेंतेग बे, दुह मीहरे धन्य तोतोर अंऊ परमेश्वरो टोईच़ी विशवास लहज़ा सिए इलिर।” दोहपल पवित्र आत्मा दिऊ थल्जी सहमत शुहचे इलि, दोई कुई, “दि हेले तोह दोरे धन्य शुरे छना कुचे दोरे एनोह खरे मेहनतो दोरच़ी आराम खोकपोरे दंङ अंऊ कम दोच़ी लहज़ातोर दोऊ थल्जी दोतिंङ ईनाम खोकसोतो।”

प्रकाशित वाक्य 6:11

दोतु बिचंङ हर इच्च़ा बि छंङसी खमज़ेर रेंई। दंङ परमेश्वरे दोतु हखा कुई, “हेंतेग कि थल्जी आराम लंहि, छना कुचे हेंतेग ला केहतु रेह साथी ए केहतु साथी विशवासी तोतोर अतिंङ केहतु ठ्रोह सच़ी च़रपोर। अपेहल सच़ी केट्रिमी दोतु गिनती पूरे शुहचे योतो, दोहपल ए गेह बदला लेहपोग।”