इब्रानियों 3:6 - लाहौली बाइबिल

⁶ पर मसीह योह रूपारिंङ एनोह टबरातु थल्जी विशवासो जोगे तोह दंङ दू टबर हेनर शुई, अगर हेनर हेंदु उम्मीद रिंङ हिम्मत ए घमण्ड लहज़ी जारी तोहनि ता, दंङ हेनर परमेश्वरो मीहरे शुहनि।

इब्रानियों 3:6 Iomraidhean Croise

मत्ती 10:22

दंङ गिऊ टोहकठे विशवास लहज़िमी रंङ साते भत्ते मीहच़ी केतंङ साते बैर लोहर; पर अंऊ दुखो अनंत तचेक गिऊ टोहकठे पक्‍का विशवासरिंङ बंङज़ोतो, परमेश्वरे दुह बचाके च़रपोतो।

मत्ती 16:18

दाह गेह ला कनिंङ कुट्रातग कि कांह पतरस शुनाह, दंङ गेह दिह रघटु टोईच़ी कलीसिया बंणाएपोग, दंङ अधोलोको पितंङरे दोऊ टोईच़ी अधिकार माह लोहर।

मत्ती 24:13

पर अंऊ जीवनो अंत तचेक गिऊ टोहकठे पक्‍का विशवासरिंङ बंङज़ोतो, परमेश्वरे दुह बचाके च़रपोतो।

रोमियो 11:22

झांह लेह परमेश्वरो कृपा ए सख्ती ऊ टोईच़ी ध्यान रोंऊ! अंऊ दहचे इलिर, दोतु टोहकठे सख्ती, ए केहतु टोईच़ी दया, केरे दोऊ दया रिंङ बणेंके बंङज़ेंई, माह ता, ट्रिके ते शत्‌ह लेह च़रपोर।

रोमियो 12:12

हेंदु कछंङ छि उम्मीद तोह दोऊ वहज़ा ज़ि खुशी मनेक्तुंई; मुसीबता रिंङ धीरज़ तंही भत्ते टेमारिंङ प्रार्थना लोहवा लंहि।

रोमियो 15:13

गेह प्रार्थना लहज़ातग कि परमेश्वर अंऊ उम्मीदो दाता तोह, केतिंङ विशवास लहज़िमी भत्ते पाहठी खुशी ए शांति रंङ साते पिंङे च़रपोतो, कि पवित्र आत्माओ सामर्थो दोरच़ी केहतु उम्मीद बणेंके योतो।

रोमियो 5:2

हेंदु विशवासो दोरच़ी, मसीह ज़ि हेंदिंङ दि मोह्ड़े दाह तचेक रैंज़ा हति अंऊर हेनर हेंतेग पिचे तोतोंई, ञेंरे दि गप्पारिंङ खुश शवातंई कि हेंदिंङ परमेश्वरो महिमा रि सहभागी शुहबिमी उम्मीद तोह।

1 कुरिन्थियों 3:16

केतिंङ पक्‍का पता तोह, कि केरे परमेश्वरो मन्दिर शुई, दंङ परमेश्वरो रांहषी आत्मा केहतु अंदरेग बास लहज़ा।

1 कुरिन्थियों 6:19

छि केहच़ी माह ञेंच़ातंई आ, कि केहतु फुक मन्दिर शुह अंऊर पवित्र आत्मा बंङज़ा, दंङ पवित्र आत्मा अंऊ केतिंङ परमेश्वरो तरफे खोकसा तोह, अंऊ केहतु अंदरेग बसेकी तोह, दंङ केरे परमेश्वरो शुई।

2 कुरिन्थियों 6:16

परमेश्वरो मन्दिरंङ मुर्तितु थल्जी छल्ले ठहरि माह। छना कुचे हेनर ता श्रींङे परमेश्वरो मन्दिर शुई; छना परमेश्वरे पवित्रशास्त्रा रिंङ च़ेहसी तोह, “गेह दि मीहतंङ साते बंङज़ोग दंङ दोतु बिचंङ ज़ोज़ा लोहग; दंङ गेह दोतु परमेश्वर शोहग, दंङ दोरे गिऊ मीहरे शोर।”

गलातियों 6:10

झांह लेह अंऊर तचेक मोका खोकसोतो हेनर भत्ते मीहतंङ साते भलाई लोहनि; खास लहज़ी साथी विशवासी तंङ साते।

गलातियों 6:9

हेनर रूठे कम लहज़िमी रंङ साते परेशान शुहबी माह जूंस, छना कुचे अगर हेनर परेशान माह शोंई, दंङ परमेश्वरो ठीक टेमारिंङ ईनाम खोकपोंई।

इफिसियों 3:12

हेनर मसीहरिंङ विशवास लहज़ातंई, दंङ झांह लेह हेनर हिम्मत ए आत्मविशवास रंङ साते परमेश्वरो कछंङ अपातंई।

कुलुस्सियों 1:23

पर केतिंङ विशवासा रिंङ इच्च़ा मुयांदो ठ्रोह पक्‍का शुहबी जूंस, दंङ दुह उम्मीदा बि अंऊ केहतु कछंङ तोह केतिंङ अपेहला छोड़ेक्च़ी माह जूंस अंऊ हेंतेग हेंदु कछंङ तोह छना कुचे हेंज़ी दुह ए रूठे खबरो टोहकठे विशवास लहज़ातंई, अतु प्रचार भत्ते धरतीऊ मीहतु बिचंङ लहसी तोह; दंङ अतु गेह पोलुस, सेवक बणेक्तिग।

1 थिस्सलुनीकियों 5:16

हमेशा खुश बंङज़ुंई।

2 थिस्सलुनीकियों 2:16

ञेंहच़ी हेंदु प्रभु यीशु मसीहू हखा, दंङ हेंदु बाह परमेश्वरो हखा, अच़ि हेंदंङ साते दाह लहज़ा, दंङ अच़ि एनोह मोह्ड़े दाह रंङ साते अनंत उम्मीद रांहषी ततो,

1 तीमुथियुस 3:15

कि अगर गिह्बी अपिमी ख्राह शोतो, दंङ केतिंङ दि गप्पो खबर शुहबी जूंस कि परमेश्वरो टबरातु बिचंङ छना ठ्रोह बरताव शुहबी जूंस। परमेश्वरो टबर श्रींङी परमेश्वरो कलीसिया शुह; दि ध्वांए ठ्रोह हेले शिक्षा ओ साथी रंड्रातोर दंङ दोतिंङ बणाके तहच़ातेर, छना मुयांद ए थम्मे घरबारा बि सहारा रंड्री दंङ दोबि पक्‍का लेह।

इब्रानियों 1:2

पर दि अन्तिम ध्याड़ारिंङ ञेंहच़ी हेंदु योह दोरच़ी गप्पा लहरिन। परमेश्वरे एनोह योह दोरच़ी भत्ते संसारो रचना लहरी दंङ दोबि भत्ते चीज़ा तु वारिस बणाके च़रति।

इब्रानियों 10:19

झांह लेह, हे गिऊ प्यारे साथी विशवासी रे, यीशु ज़ि हेंदु थल्जी एनोह जीवन बलिदान लेह च़रति, हेंतेग हेनर याहबा रंङ साते स्वर्गंङ परमपवित्र ठाहरीरिंङ प्रवेश लेह तरपोंई।

इब्रानियों 10:21

झांह लेह हेंदु कछंङ इच्च़ा झांह ठ्रोह यहुदी पुरोहित तोह अंऊ परमेश्वरो चुंङ राज लहज़ा।

इब्रानियों 10:23

हेंतेग हेनर बिना छा शक मेह हेंदु दू उम्मीद रिंङ अटल बंङज़ोंई, छना कुचे हेनर परमेश्वरो टोईच़ी दोऊ वाईदा पूरा लहज़िमी थल्जी विशवास लेह तरपोंई।

इब्रानियों 10:35

झांह लेह अपेहल मीहरे केतिंङ सताएपोर, दंङ केनातु याहब था छोडे़क्तेंई ताकि केतिंङ परमेश्वरो तरफे इच्च़ा मोह्ड़े ईनाम खोकसोतो।

इब्रानियों 11:1

विशवास दि गप्पो टोईच़ी भरोसा लहज़ी शुह कि हेंदिंङ पक्‍का रूपारिंङ दू ए खोकसोतो अतु हेंज़ी उम्मीद लहज़ातंई दंङ दि उम्मीद लहज़ी कि अंऊ चीज़ारे हेंज़ी खंड्री मरच़ातंई दू हेले रिंङ तोह।

इब्रानियों 3:14

अगर हेनर हेंदु तुहई कि विशवासा बि थल मुक्का तचेक पक्‍का बणाके तोहनि, दंङ हेनर मसीहू सहभागी शुहचे योंई।

इब्रानियों 4:11

झांह लेह हेनर दू नहच़िमी ठहरि इबिमी थल्जी महस मेहनत लोहनि, अंऊ ला मीहबी दू मीहतु उदाहरणो नकल लहज़ी माह जूंस अंऊ दोच़ी परमेश्वरो भाषे लहज़िमी रंङ साते इन्कार लेह च़रति। दोहपल हेनर दू नहच़िमी ठाहरीरिंङ इबि तरपोंई।

इब्रानियों 4:14

यीशु अंऊ स्वर्गो हखा इलज़ा, दू परमेश्वरो योह शुह। दू हेंदु भत्ते तु यहुदी महापुरोहित शुह। झांह लेह अतंई हेनर दू विशवासा बि छोड़ेके पक्‍का रंङ साते बंङज़ोंई अपि हेंज़ी भत्ते तु तुईज़ी स्वीकार लाहतंई।

इब्रानियों 4:16

झांह लेह अतंई, हेनर मोह्ड़े याहबारंङ साते परमेश्वरो कछंङ अपोंई, अंऊ मोह्ड़े दाह रंङ साते पिंङषा तोह, दोहपल परमेश्वर हेंदिंङ दया ए मोह्ड़े दाह कंबोतो, दंङ अपेहल हेंदिंङ ज़रूरत शोतो दोहपल हेंदु मदत लोहतो।

इब्रानियों 6:11

ञेंहच़ी माह जुंज़ातंई कि केरे सुस्त शुई। पर ञेंहच़ी जुंज़ातंई कि केहच़ी महस मेहनत लहज़ा तु ठ्रोह दाह ओ कम लहज़ी ज़ारी तंही, थल मुक्का तचेक धीरज़ ए विशवासा रंङ पक्‍का बणेंके बंङज़ेंई। दंङ पक्‍का उम्मीद तंही ताकि परमेश्वरो वाईदा बि खोक्शे तरपोंई।

इब्रानियों 6:18

दंङ देर यह्च़ा झुह्ट गप्पो ज़िकर तोह, इच्च़ा दोऊ वाईदा, दंङ अई दोऊ कसम, अंऊ अपेहल ला लेहक्सतो माह दंङ अतु पाहठी परमेश्वर अपेहल ला हप्सी कुट्री मरपोतो। झांह लेह अंऊ हेनर परमेश्वरो कछंङ सुरक्षा खोकसिमी थल्जी अंज़े शुहई दंङ अंऊ उम्मीद दोई हेंदिंङ रांहषी ततो, दोबि चुमज़ा बंङज़ा तोंहि, दंङ हेनर महस खुश तोतोंई।

इब्रानियों 7:19

झांह लेह मूसा ओ कानून अंऊ ला गप्पा सिद्ध माह लहज़ा, पर दोऊ ठाहरीरिंङ हेंदु दोर इच्च़ा मोह्ड़े उम्मीद तोह अंऊ यीशु मसीह रिंङ तोह, अंऊ दोऊ दोरच़ी हेनर परमेश्वरो कछंङ अपि तरपोंई।

1 पतरस 1:8

केहच़ी यीशु बि अपेहला तंङसी माह तंई, तांला केहच़ी दोरंङ साते दाह लहज़ातंई। केहच़ी दू हेंतेग ला माह तंङज़ातंई, पर केहच़ी विशवास लहज़ातंई। झांह लेह, केरे खुशीऊ मोह्ड़े दाह ज़ि महस खुश तोतोंई अंऊ दोबि शब्दा रिंङ बयान लेह मरपोंई।

1 पतरस 4:17

हेंतेग दि परमेश्वरो टेम तोह कि दू मीहतु न्याय लहज़ी शुरू लोहतो। भत्ते बे तुहई दू हेंदु विशवासी तु न्याय लोहतो, झांह लेह दू भयानक चीज़ा तु पाहठी सोचेक्तुंई अंऊ दू मीहतंङ साते शोतो, अंऊ परमेश्वरो रूठे खबर माह मनेक्च़ातेर।

प्रकाशित वाक्य 2:18

“थुआतीरो शहरो कलीसिया ओ स्वर्गदूताबि चेऊ” “परमेश्वरो योह अतु टिरा मेहू ठ्रोह तोह, दंङ अतु कोंज़ा रूठे रिओह ठ्रोह चमकदार तोह, दोई दि कुट्रा।”

प्रकाशित वाक्य 2:26

अंऊ मीहच़ी जीत खोक्शातोर, दंङ अंऊ मीहरे संसारो अंत तचेक गिऊ हुकुमो भाषे लहज़ी जारी तहच़ातेर, गेह दोतिंङ देशो टोईच़ी राज लहज़िमी अधिकार रमोग।

प्रकाशित वाक्य 3:11

गेह युरनाह अपिमी तोतोग, झांह लेह, कनिंङ गिऊ टोईच़ी पक्‍का विशवास लेह जारी तहच़ि जूंशी तोह, ताकि अरिला कनिंङ कांह जीतो ईनाम अंऊ इच्च़ा मुकुटो ठ्रोह तोह खोकच़िमी रूकावट लेह माह जूंस।