इब्रानियों 3:5 - लाहौली बाइबिल

⁵ मूसा ता परमेश्वरो भत्ते घरबारो मीहतु सेवा लहज़िमी थल्जी विशवासो जोगे बंङज़िरी, अंऊ कम मूसा ए लहरी, दू सिर्फ दू गप्पातु सच्चा उदाहरण तोहई अंऊ परमेश्वरे तुंखा ओ थल्जी कोहतो।

इब्रानियों 3:5 Iomraidhean Croise

मत्ती 24:45

दिऊ थल्जी इच्च़ा वफादार, समझदार परगर दुह शुबी, अतिंङ दोऊ मालिके दोबि एनोह ऊई चुंङो परगरातु ध्यान तहच़ि ए दोतिंङ बगत रंड्रीमी ज़िम्मेवारी रेह तरच़ी।

मत्ती 25:21

दोऊ मालिका ज़ि दोबि कुहतो, धन्य शुनाह हे रूठे ए विशवासो जोगे परगरा कांह थोड़ेरिंङ टंगा ढबाह सोठेक्च़िमी थल्जी विशवास जोगे बंङज़िन; गेह कनिंङ महस धिरो अधिकारी लेह केओग। केनोह मालिको खुशीरिंङ शामिल शुह।

लूको 12:42

प्रभु ज़ि दोबि जुबाब रेंई, “दुह विशवासो जोगे ए समझकार परगर अरी शुह, अतु मालिके दोबि ऊई नोकरा तु टोईच़ी मुख्या नियुक्त लोहतो कि दोतिंङ टेमा रिंङ बगत रमतो।”

लूको 24:27

दंङ यीशु ज़ि मूसा ए भत्ते भविष्यवक्ताज़ि अंऊ ला गप्पा यीशु पाहठी पवित्रशास्त्रा रिंङ च़ेहसी तोह, दुह भत्ते गप्पारे दोतिंङ इच्च़ा-इच्च़ा लेह समझाएक्तो।

लूको 24:44

दंङ यीशु ज़ि दोतंङ साते कुंई, “दिहरे गिऊ दुह गप्पारे शुहरे, अंऊ गेह केतंङ साते बंङज़ा केतंङ साते कुहतेग, कि ज़रूरी तोह अंयों गप्पारे मूसाओ कानूना ए भविष्यवक्तातु ए भजनो कताबंङ, गिऊ पाहठी च़ेहसी भत्ते हेले साबित शोतो।”

यहून्नो 5:39

केहरे पवित्रशास्त्रारिंङ पड़ेक्च़ातंई, छना कुचे समझेक्च़ातंई कि दोर्तिंङ अनंत जीवन केतिंङ खोकसा; दंङ दीह दुह ए शुह अच़ि गिऊ गवाही रंड्रा;

प्रेरित 28:23

दोहपल दुह यहुदी ज़ि पोलुसो थल्जी इच्च़ा ध्याड़ा ठहराति। दुह ध्याड़ा महस मीहरे दोऊ ठहरि ठ्रोहका शुहचे इलिर, दंङ पोलुस मुंजे बेहच़ी योंकले तचेक परमेश्वरो राजो पाहठी गवाही रंड्री लेहती, दंङ मूसाऊ कानूने ए भविष्यवक्तातु कताबंङ ज़ि यीशु पाहठी रूठे रंङ कंड्री लेहती।

प्रेरित 7:37

दिह दुह ए मूसा शुह, अच़ि इस्राएल ओ मीहतंङ साते कुई, परमेश्वरे केहतु बिशवासी न्वा तु बिचंङ च़ि केहतु थल्जी गिऊ ठ्रोह भविष्यवक्ता बि खड़े लोहतो।

रोमियो 3:21

पर हेंतेग मुसाओ कानूनो नियमो भाषे लहज़ा मेह परमेश्वर ऐनाहरंङ साते सही घोषित लहज़ा। महस तुहई मुसाओ कानून ए भविष्यवक्ता तु कताबारिंङ दि च़ेहसी तोहई कि छना हेनर परमेश्वरो दोरच़ी धर्मी शुहचे इलजी तोतोंई।

1 कुरिन्थियों 4:2

छना भंडारी बि कम रांहषी ततो, दोऊ दोरच़ी दि उम्मीद लेह तरपोंई कि दुह विशवासो जोगे शुहबी जूंस।

1 तीमुथियुस 1:12

गेह घेंङौ प्रभु यीशु मसीहू धन्यवाद लहज़ातग, अच़ि गिह्बी बल रांहषी ततो, दंङ गिह्बी विशवासो जोगे चेहके एनोह सेवा ओ थल्जी अंङे चरच़तो।

इब्रानियों 1:1

तुहई जुगारिंङ परमेश्वरे भविष्यवक्तातु दोरच़ी हेंदु बाह मेमेतंङ साते महस फेरा शत्‌ह-शत्‌ह तरीका रंङ साते गप्पा लहरी।

इब्रानियों 3:2

छना मूसा परमेश्वरो टबरातु बिचंङ भत्ते मीहतु सेवा लहज़िमी विशवासो जोगे तोहई। ध्वांए ठ्रोह यीशु ला परमेश्वरो थल्जी विशवासो जोगे तोहई, अच़ि दोबि दि कम लहज़िमी थल्जी अंङषी तते।

इब्रानियों 3:4

छना कुचे हर इच्च़ा घरबार अच़िया माह अच़िया ता बणाएच़ा शुहबी, पर अच़ि भत्ते धिर बणाच़ी शुह दू परमेश्वर शुह।

इब्रानियों 8:5

दोरे अंऊ पुरोहिता तु रूपा रिंङ कम लहज़ातोर, दोरे हेले रिंङ अंऊ स्वर्गा रिंङ छिल्ला तोह सिर्फ दोऊ इच्च़ा नकल ए इच्च़ा सिलमोग तोह। दि दुह ए शुह अंऊ मूसा रंङ साते तोहई। छना कुचे अपेहल मूसा मिलापो तम्बू बणाएषी थल्जी तेयार शुहबी लेहकी तोहई, दू मुक्का परमेश्वरे दोबि दि चेतावनी रांई, “खंणु, अंऊ नमूना कनिंङ गोहू टोईच़ी कंङातोर, दोऊ हिसाबे भत्ते धिर बणातु।”

इब्रानियों 9:24

दोऊ वहज़ा ज़ि, मसीह दू पवित्र ठहरि मेहलि अतिंङ मीहच़ी बणाषी शुह, अंऊ कि परमपवित्र ठहरि ओ सिर्फ इच्च़ा नमूना तोह। पर दू स्वर्गंङ इलि अंऊर दू हेंदु फायदा ओ थल्जी परमेश्वरो तुईज़ी हाज़िर शुहबी तरपोतो।

प्रकाशित वाक्य 15:3

दोरे इच्च़ा झांह ठ्रोह गीत कुट्री लेहकी तोईरे छना परमेश्वरो दास मूसा ज़ि महस तुहई कुहषी तहरे। दोच़ी यीशु महिमा लहज़िमी थल्जी, अंऊ कि इच्च़ा कुरच़ो ठ्रोह तोह, झांह ठ्रोह कुई: सर्वशक्तिमान प्रभु परमेश्वर, छिल्ला केई लहसी तातन दुह मोह्ड़े ए अद्धभुत तोह। काह भत्ते देशो रज्ज़ा शुनाह, केई छिल्ला लहज़ातन दुह सच्चा ए धर्मी तोह।