इब्रानियों 3:12 - लाहौली बाइबिल

¹² हे गिऊ प्यारे साथी विशवासी रे, चोकस बंङज़ुंई, कि केहतु बिचंङ झांह ऊई ठ्रोह मदम ए अविश्वासी सेहम शुहबी माह जूंस, अंऊ श्रींङे परमेश्वरा बि ऊई तार रेन्ज़ा शोतो।

इब्रानियों 3:12 Iomraidhean Croise

मत्ती 16:16

शमौन पतरसे दोबि जुबाब रेंहई, “कांह श्रींङी परमेश्वरो योह मसीह शुनाह।”

मत्ती 24:4

यीशुज़ि दोतिंङ जुबाब रेंई, “खबरदार तोहई अच़िया केरे भरमासी माजूंस,

मरकुसो 13:23

दंङ केचिह खबरदार बंङज़ोंई; खंणु, गेह केतिंङ भत्ते गप्पा तुइए कंज़े केहतग।

मरकुसो 13:33

रेड्रुंई, चेहकी ए प्रार्थना लोहा लोहु; छना कुंई साते ता केहच़ी माञेंनी कि दुह टेम अपेहल अपतो।

मरकुसो 13:9

“केतिंङ खबरदार बंङज़ी जूंस; बैरीर केहतु खिलाप योर दोच़ी केरे पंचायतंङ, कोर्टंङ च़ुमने शोर दंङ केतिंङ यहुदी सभा घरबारंङ तेंङे च़रपोर। गिऊ बज़हज़ि मोह्ड़े-मोह्ड़े रज्ज़ा ए, हाकिम केहतु पुछताछ लोहर। केहच़ी दोतु तुईज़ी गिऊ पाहठी गवाही रमोनी।

लूको 21:8

यीशु ज़ि कुहतो, “खबरदार तोहई कि केरे भरमासी मेस, महस मीहच़ी गिऊ अधिकारो दावा लहच़ी अपोर दंङ कोहर, गेह मसीह शुगाह, दंङ दोतु थले था ईलांई।

रोमियो 11:21

छना कुचे अपेहल परमेश्वरे मुल ब्रन्ज़े तु टोहकठे दया माह लहरी, दंङ दू केहतु टोईच़ी ला दया माह लोहतो।

1 कुरिन्थियों 10:12

दिऊ थल्जी अगर झांह ठ्रोह मीह तोह ता अंऊ दि कुट्रा कि परमेश्वरो टोईच़ी दोऊ विशवास पक्‍का तोह, दंङ दोबि खबरदार बंङज़ी जूंशी तोह कि झांह शुहबी मेस कि दू अचानक विशवासो दोरच़ी भटकेगी योतो दंङ पाप लोहतो।

कुलुस्सियों 2:8

खबरदार तोहई कि अरिया केतिंङ संसारो ज्ञान ए फालतु धोखा रंड्री माह जूंस, दिह गप्पारे मीहतु परम्परा ए संसारो शिक्षा ओ हिसाबे तोह। माह कि मसीहू दोरच़ी।

1 थिस्सलुनीकियों 1:9

छना कुचे दोच़ी ऊईतिंङ कंड्रातोर कि अपेहल ञेंरे केहतु कछंङ अंदेंई, दंङ केहच़ी छना ठ्रोह ञेंहतु स्वागत लहज़ातंई। दंङ केरे छना मुर्ति पूजा ओ दोरच़ी शत्‌ह शुहचे परमेश्वरो हखा किरच़ातंई, ताकि श्रींङे ए सच्चे परमेश्वरो सेवा लोंहई,

इब्रानियों 10:31

श्रींङे परमेश्वरो गुह्ट्रे सज़ा खोकसी इच्च़ा महस भयानक गप्पा शुह।”

इब्रानियों 10:38

पर गिऊ मीहरे अंऊ विशवासो दोरच़ी धर्मी बणाके इलजी तोतोर, श्रींङे बंङज़ोर, अगर अच़िया परमेश्वरो टोईच़ी विशवास लहज़ी छोड़ेके च़रच़ा, दंङ गिऊ सेहम दोतंङ साते खुश माह शोतो।

इब्रानियों 12:15

खबरदार बंङज़ुंई, झांह शुहबी मेस कि अरिला मीह परमेश्वरो मोह्ड़े दाह मेह केहषा योतो। दंङ ध्यान रांई कि अंऊला मीहबी अविशवासारिंङ कडगी ब्रन्ज़ ठ्रोह बणेक्पी थारांई अंऊ दोऊ ज़हर रंङ साते महस परेशानी वहज़ा बणेंके यवाह, अंऊ दोरच़ी दू मीह परमेश्वरो दोरच़ी शत्‌ह शुहचे योतो।

इब्रानियों 12:22

पर केरे सिय्योन गोह कछंङ अंज़े तोतोंई, अंऊर स्वर्गीय यरूशलेम तोह, अंऊ श्रींङे परमेश्वरो शहर शुह, अंऊर लख स्वर्गदूता रे खुशी ऊ त्याहरो मनेक्च़ातेर।

इब्रानियों 12:25

खबरदार बंङज़ुंई, दंङ परमेश्वर अंऊ केतंङ साते कुट्रा दोऊ हुकुमो भाषे लंहि। इस्राएलो मीहतिंङ सज़ा खोकसिरी अपेहल दोच़ी मूसा ओ चेतावनी रेड्रीमी दोरच़ी इंकार लेह च़रतिर। दिऊ थल्जी दि ञेंहतु थल्जी महस मदम शोतो अगर हेनर परमेश्वरो हुकुम भाषे माह लहज़ातंई अंऊ हेंदिंङ स्वर्गंङ ज़ि चेतावनी रंड्रा।

इब्रानियों 3:1

झांह लेह, हे गिऊ प्यारे साथी विशवासी रे, केरे अंऊ स्वर्गा रिंङ दोरंङ साते शामिल शुहबिमी थल्जी बुलासी शुईं, मसीह यीशु टोईच़ी ध्यान रांही! दुह हेंदु थल्जी परमेश्वरो रूठे खबरो प्रेरित यहुदी महापुरोहित शुह।

इब्रानियों 3:10

झांह लेह गेह दू टेमो मीहतंङ साते रोषेक्च़ा तोतोग, दंङ कुई, दोच़ी गिह्बी अस्वीकार लेह च़रतिर दंङ गेह छि लहच़िमी आज्ञा रांहषी तातग, दोबि लहज़िमी रंङ साते इंकार लोहवातेर।

इब्रानियों 3:19

झांह लेह ञेंहच़ी खंड्रातंई कि दोरे एनोह अविश्वासो लहच़ी अपि मरतिरे।

इब्रानियों 9:14

दंङ सोचेक्तुंई कि मसीहू शुहई हेंदु सेहमा बि दू कमो दोरच़ी अंयों शुद्ध लोहतो अंऊ मौतो हखा शिलज़ातोर, ताकि हेनर श्रींङे परमेश्वरो सेवा लोहनि। छना कुचे अनंत आत्माओ सामर्थो दोरच़ी, मसीह ज़ि हेंदु पापो थल्जी एनाबि बलिदान लेह परमेश्वर बि भेंटो रूपारिंङ रें च़रति।