इब्रानियों 3:1 - लाहौली बाइबिल

¹ झांह लेह, हे गिऊ प्यारे साथी विशवासी रे, केरे अंऊ स्वर्गा रिंङ दोरंङ साते शामिल शुहबिमी थल्जी बुलासी शुईं, मसीह यीशु टोईच़ी ध्यान रांही! दुह हेंदु थल्जी परमेश्वरो रूठे खबरो प्रेरित यहुदी महापुरोहित शुह।

इब्रानियों 3:1 Iomraidhean Croise

यहून्नो 17:3

दंङ अनंत जीवन दीह शुह कि मीहरे कनिंङ सेहपोर, मतलब सिर्फ इच्च़ा सच्चा परमेश्वरा बि, दंङ दोरे गिह्बी सेहपोर, मतलब यीशु मसीह बि, अरी केई च़रसी शुह।

यहून्नो 20:21

यीशु ज़ि यच़ाह दोतंङ साते कुंई, “केतिंङ शांति खोकसी जूंस; छना ठ्रोह गिऊ पिता परमेश्वरे गिह्बी संसारारंङ च़रसी तोह, ध्वांए गेह ला केतिंङ संसारारंङ च़रच़ातोग।”

यहून्नो 20:27

दंङ यीशु ज़ि थोमा रंङ साते कुतोह, “कनु ब्रेमज़ा रंङ गिऊ गुहड़रिंङ पछ रें खंणु, दंङ केनोह गुहड़ा बि गिऊ रिस्पा ओ ज़ख्मो अंद्रेग केह्चे खंणु। दंङ शक लेह ब्याड़ा लोहू, पर विशवास लोहू कि गेह श्रींङे तोतोग।”

प्रेरित 1:15

इच्च़ा ध्याड़ारिंङ पतरस दुह लगभग राह निंज़ो मीहतु बिचंङ खड़े शुहचे कुट्री लेहती,

रोमियो 11:17

इस्राएलो मीहरे इच्च़ा रूठे जैतूनो बुटो ब्रन्ज़ो ठ्रोह तोह दंङ पूर्वज अब्राहम, इसहाक ए याकूब दू बुटो जड़ो ठ्रोह तोतोर। ऊई जाति बंणो जैतूनो बुटो ब्रन्ज़ेर शुरे, अंऊ कलम लहज़ी दू ट्रिक्शी ब्रन्ज़ेतु ठाहरिरिंङ दू बूटारिंङ लगाके च़रति, हेंतेग दू ब्रन दू जड़ो खुराको हकदार तोह।

रोमियो 15:27

दोच़ी दि खुशी रंङ साते लहरिर कि, पर दोरे यरूशलेम शहरारिंङ बंङज़ा मीहतु कर्ज़दार तोतोर, छना कुचे ऊईजाति ज़ि यरूशलेम शहरारिंङ बंङज़ा विशवासी तु दोरच़ी रूठे खबरो आत्मिक आशीष खोकतिर, झांह लेह दोतिंङ च़ेहसा, कि दिऊ बदला रिंङ दोरे कम से कम दोतु दान रंड्रा ते मदत लेह तरपोर।

रोमियो 15:8

गेह कुट्रातग, कि अंऊ वाईदा बाह-मेमेतिंङ रांहषी तोहई, दू वाईदा तिंङ हेले लहज़िमी थल्जी, दंङ दि कंड्रिमी थल्जी कि परमेश्वर वफादार तोह, मसीह यहुदी मीहतु सेवक बणेंके इलि।

रोमियो 9:24

चाहे यहुदी शुह या ऊईजाति, हेनर ए दू अंङषी मीह शुई।

1 कुरिन्थियों 1:2

गेह दि डाक कुरिन्थुस शहरो विशवासी तु थल्जी च़ेहसी लेहकी तोतोग। अतिंङ परमेश्वरे एनोह पवित्र मीहरे शुहबिमी थल्जी अंङे चरच़ाते, ध्वांए ए छना दोई दू भत्ते मीहतिंङ अंङे चरच़ाते अंऊ भत्ते ठहरिंङ हेंदु प्रभु यीशु मसीहू अराधना लहज़ातोर, छना कुचे दू हेंदु भत्ते तु प्रभु शुह।

1 कुरिन्थियों 10:17

छना कुचे इच्च़ा रोटी दि गप्पो चिन्ह तोह कि हेनर महसे तोतोंई मसीह रिंङ, इच्च़ा ए फुक शुई, छना कुचे हेनर भत्तेर इच्च़ा ए रोटी ओ दोरच़ी ज़ोवातंई।

1 कुरिन्थियों 9:23

दंङ गेह भत्ते धिर मसीहू पाहठी रूठे खबर प्रचार लहज़िमी थल्जी लहज़ातग, ताकि दू आशीष तु हिस्सा गिह्बी ला खोकसा इबि जूंस, अतु वाईदा रूठे खबरारिंङ लहसी तोह।

2 कुरिन्थियों 1:7

दंङ ञेंहतु उम्मीद केहतु पाहठी पक्‍का तोह; छना कुचे ञेंहच़ी ञेंच़ातंई छना ठ्रोह केरे ञेंहतु दुखारिंङ भागीदार तोतोंई, ध्वांए ठ्रोह केरे ञेंहतु तसल्ली रिंङ ला भागीदार तोतोंई।

2 कुरिन्थियों 9:13

छना कुचे ऊईतु मदत लहज़िमी थल्जी ढबाह रंड्रीमी सेवा दि साबित लोहतो कि केरे सच्चा शुई। महस मीहरे परमेश्वरो महिमा प्रगट लहज़ातोर, कि अपेहल केहच़ी कुट्रातंई कि रूठे खबर हेले तोहई दंङ केरे दिबी मनेक्पोंई दंङ केहच़ी केनाच़ि केनातु शब्दा तु भाषे लहज़ातंई। दंङ गरीब विशवासी तु ए भत्ते तु मदत लहज़िमी उदारता प्रगट लोहवा लाहतंई।

इफिसियों 3:6

भेद दि तोह कि यीशु मसीह रिंङ रूठे खबर दोरच़ी यहुदी तु ठ्रोह ऊईजाति ऊ मीहरे दू ए आशीष खोकपोरे, दंङ दोरे इच्च़ा ए फुको हिस्सा तोतोर, अंऊ परमेश्वरे यहुदी मीहतंङ साते लहसी तते।

इफिसियों 4:1

झांह लेह अंऊ गेह प्रभु यीशु सेवा लहज़िमी वहज़ा रिंङ जेलारिंङ तोतोग, केतंङ साते बिनती लहज़ातग, कि केरे दू बुलाहट रंङ साते अतंङ परमेश्वर एनोह कटुरे शुहबिमी थल्जी बुलाएक्तो, दोऊ हिसाबे केनातु जीवन श्रींङमातंई।

इफिसियों 4:4

हेनर भत्तेर विशवासी दंङ इच्च़ा ए फुको अंङों ठ्रोह तोतोंई, दंङ हेंदिंङ भत्ते दि इच्च़ा ए पवित्र आत्मा खोकसा तोह। झांह ठ्रोह केतिंङ इच्च़ा उम्मीद रांहषी तोहई, अपेहल केरे परमेश्वरो मीह शुहबिमी थल्जी बुलासी तोतोंई।

फिलिपियों 3:14

दंङ मसीह यीशु रिंङ परमेश्वरो स्वर्गीय बुलाहट ओ ईनाम खोक्च़िमी थल्जी गेह घेंङौ निशानो ह्खा तुंखा शुहबी लेहकी तोतोग।

कुलुस्सियों 1:12

दंङ बाह परमेश्वरो धन्यवाद लोहवा लंहि, अच़ि हेनर दि जोगे बणाएक्तो कि स्वर्ग राज्यो पवित्र मीहतंङ जाईदातो हकदार शोंई।

कुलुस्सियों 1:22

पर परमेश्वरे हेंतेग एनोह योह बि मीह बणाके दंङ दोऊ क्रूसो टोहकठे सिमी दोरच़ी केहतु ला मेल लहच़ी च़रति ताकि केतिंङ एनोह तुईज़ी पवित्र ए निष्कलंक, दंङ निर्दोष लहज़ा हाज़िर लोहतो।

कुलुस्सियों 3:12

झांह लेह अपेहल केरे परमेश्वरे केतिंङ एनोह पवित्र मीह शुहबिमी थल्जी अंङे चरच़तो, दंङ दोई केतंङ साते दाह लहज़ा, केरे मोह्ड़े दाह ए, दंङ भलाई, दंङ दीनता, नम्रता, दंङ सहनशीलता धारण लंहि।

1 थिस्सलुनीकियों 2:12

ताकि केहतु चाल चलनो दोरच़ी परमेश्वराबि महस इज्ज़त खोकसोतो, अंऊ केतिंङ एनोह राज ए महिमारिंङ भागीदार शुहबिमी थल्जी बुलाएच़ा।

1 थिस्सलुनीकियों 5:27

गेह केतिंङ प्रभु आज्ञा रंड्रातग, कि दि पत्री भत्ते विशवासीतिंङ पड़ेके सुनाएतुंई।

2 थिस्सलुनीकियों 1:11

झांह लेह ञेंहच़ी लगातार केहतु थल्जी प्रार्थना ला लहज़ातंई, ताकि परमेश्वर केतिंङ दुह जीवनो जोगे बणाएक्पोतो अतिंङ श्रींङमी थल्जी दोई केतिंङ बुलाएसी शुई, दंङ दोई केहतु भत्ते रूठे हिटी एनोह शाक्ति रें पूरा लोहतो दंङ दुह कम ला पूरा लोहतो अंऊ केहतु विशवासो नतीज़ा तोह।

2 थिस्सलुनीकियों 2:14

परमेश्वरे केरे बचाएच़िमी रूठे खबरो थल्जी बुलासी ततो, अतु ञेंहच़ी केहतु बिचंङ प्रचार लहज़ातंई, ताकि केरे दुह महिमारिंङ शामिल शुहचे तरपोंई अंऊ परमेश्वरे हेंदु प्रभु यीशु मसीह बि रांहषी ततो।

1 तीमुथियुस 6:12

छना इच्च़ा रूठे सेनिक लड़ाई रि अपेहल ला हार माह मनेक्च़ा, ध्वांए कनिंङ ला, परमेश्वरो टोहकठे विशवास लहज़ी ए दोऊ हुकुम मनेक्च़ी अपेहल ला ब्याड़ा लहज़ी माह जूंस ताकि कांह ईनामो रूपारिंङ दुह अनंत जीवन खोकपोन, अतु थल्जी परमेश्वरे कांह बुलासी तोतोन, दंङ अपेहल केई महस मीहतु तुईज़ी साफ-साफ कुहतेन कि कांह मसीहू टोहकठे विशवास लहज़ातन।

1 तीमुथियुस 6:2

दंङ अतु मालिक विशवासी तोतोर दितिंङ दोरे न्वा ञेंइनि दंङ दोतु आदर लेह जुंशी तोह, बल्कि ऊई ला रूठे तरीका रंङ दोतु सेवा लहज़ी जुंशी तोह, छना कुचे दोतु कमो फायदा उठाएच़ा विशवासी तोतोर, अंऊ दोतिंङ दोच़ी मसीह रिंङ न्वा ओ बराबर दाह लहज़ातोर केई दि गप्पो शिक्षा ए उपदेश रम्मा लोह।

2 तीमुथियुस 1:9

अच़ि हेंदु उद्धार लहतो, दंङ हेंदिंङ पवित्र जीवन श्रींङमी थल्जी बुलासी शुई, दोई हेंदिंङ दिऊ थल्जी माह बुलाएक्तो कि हेंज़ी रूठे कम लाहतेन पर एनोह मकसद ए दुह मोह्ड़े दाह ओ हिसाबे बुलाएकते, अतु सकिम परमेश्वरे तुहई ए यीशु मसीह बि दि संसारारंङ च़रच़िमी दोरच़ी बणाकते।

2 तीमुथियुस 2:7

दि उदाहरणो पाहठी सोचेक्तुंई कि दोरे छि सिखाएच़ातोर, दंङ प्रभु केतिंङ दि भत्ते गप्पा समझेक्सिमी थल्जी मदत लोहतो।

इब्रानियों 10:19

झांह लेह, हे गिऊ प्यारे साथी विशवासी रे, यीशु ज़ि हेंदु थल्जी एनोह जीवन बलिदान लेह च़रति, हेंतेग हेनर याहबा रंङ साते स्वर्गंङ परमपवित्र ठाहरीरिंङ प्रवेश लेह तरपोंई।

इब्रानियों 10:21

झांह लेह हेंदु कछंङ इच्च़ा झांह ठ्रोह यहुदी पुरोहित तोह अंऊ परमेश्वरो चुंङ राज लहज़ा।

इब्रानियों 10:23

हेंतेग हेनर बिना छा शक मेह हेंदु दू उम्मीद रिंङ अटल बंङज़ोंई, छना कुचे हेनर परमेश्वरो टोईच़ी दोऊ वाईदा पूरा लहज़िमी थल्जी विशवास लेह तरपोंई।

इब्रानियों 13:22

हे गिऊ प्यारे साथी विशवासी रे, गेह केतंङ साते बिनती लहज़ातग, कि दि डाको उजाबा बि धीरज़ारंङ साते रेड्रुंई, अंऊ केतिंङ याहब रंड्रीमी थल्जी च़ेहसी शुह गेह केतिंङ दि डाकरिंङ महस गप्पा च़ेहसी माहतग।

इब्रानियों 2:11

छना कुचे अंऊ मीहतिंङ दोतु पापो दोरच़ी शुद्ध लहज़ा, दंङ अंऊ मीहरे दोतु पापो दोरच़ी शुद्ध लेह चरच़ि, दू भत्ते तु इच्च़ा ए बाह तोह; झांह लेह यीशु बि दोतिंङ एनोह युंङ रिंङ बणाएच़िमी थल्जी षेह्द माह अपा।

इब्रानियों 2:17

झांह लेह यीशु थल्जी दि जूंशी तोहई, कि हेंदु ठ्रोह भत्ते गप्पा रिंङ बणेंके योतो, ताकि दुह परमेश्वरो तुईज़ी हेंदु दयालु ए विशवासो जोगे यहुदी महापुरोहित बणेक्पोतो। दोहपल दोई झांह ठ्रोह बलिदान चढ़ाके तरपोतो, अंऊ दोरच़ी मीहतु पाप श्ताह शुचि इबि।

इब्रानियों 3:12

हे गिऊ प्यारे साथी विशवासी रे, चोकस बंङज़ुंई, कि केहतु बिचंङ झांह ऊई ठ्रोह मदम ए अविश्वासी सेहम शुहबी माह जूंस, अंऊ श्रींङे परमेश्वरा बि ऊई तार रेन्ज़ा शोतो।

इब्रानियों 3:14

अगर हेनर हेंदु तुहई कि विशवासा बि थल मुक्का तचेक पक्‍का बणाके तोहनि, दंङ हेनर मसीहू सहभागी शुहचे योंई।

इब्रानियों 6:20

यीशु हेंदु बे तुंखा ए दंङ हेंदु थल्जी स्वर्गंङ इलि। दू पुरोहित मलिकिसिद्को ठ्रोह हमेशा ओ थल्जी यहुदी महापुरोहित बणेंके इलि।

इब्रानियों 7:26

झांह ठ्रोह ए यहुदी महापुरोहित हेंदु ज़रूरत पूरा लेह तरपोतो, अंऊ पवित्र शोतो, निर्दोष शोतो, शुद्ध शोतो, पाप लहच़ाड दोतंङ शत्‌ह शोतो अतिंङ स्वर्गो दोरच़ी ला खेका लेह केहषी तोह।

इब्रानियों 7:28

छना कुचे मूसा ओ कानून ता कमज़ोर मीहतिंङ मोह्ड़े पुरोहित नियुक्त लहज़ा; पर दू वाईदा अंऊ मूसा ओ कानूनो थल अति दोई परमेश्वरो योह बि यहुदी महापुरोहितो रूपारिंङ अंङे च़रति। अंऊ हमेशा ओ थल्जी हेंदु सिद्ध मोह्ड़े पुरोहित बणेंके इलि।

इब्रानियों 9:11

पर हेंतेग मसीह यहुदी महापुरोहित बणेंके इलज़ा अंऊ खरकोई वाईदा ओ भत्ते रूठे हिद रंड्रा, अंऊ हेंदु दोर्तिंङ तुहई बेहच़ी तोहई। दोई स्वर्गंङ ऊई ला मोह्ड़े, सिद्ध मिलापो तम्बू रिंङ प्रवेश लहरी, अंऊ मीहतु गुह्ट्र बणेषी माह, गिऊ कुट्रीमी मतलब, अंऊ दि संसारो हिस्सा माह।

इब्रानियों 9:15

झांह लेह मसीह मीहतंङ साते इच्च़ा खरकोई वाईदा लहज़ा, ताकि दोरे मीहरे अंऊ परमेश्वरो तरफे बुलासी तातोर, दोरे दू अनंत आशीष खोकपोरे अतु वाईदा परमेश्वरे लहसी ततो झांह दिऊ थल्जी शुहबी तरपोतो छना कुचे मसीह दोतिंङ दू पापो सज़ाओ दोरच़ी आज़ाद लेह च़रच़िमी थल्जी सिए इलि अंऊ दोच़ी तुहई कि वाईदा ओ अधीन बंङज़ा ते लाहतेर।

1 पतरस 2:9

पर केरे झांह ठ्रोह माह तोंई छना कुचे केरे परमेश्वरो अंङषी मीहरे शुई, केरे झांह ठ्रोह यहुदी पुरोहित शुई अंऊ परमेश्वरो रज्ज़ा रूपा रिंङ सेवा लहज़ातंई, केरे परमेश्वरो सेवा लहज़िमी थल्जी समर्पित तोतोंई, दंङ परमेश्वरो एनोह सम्पति शुई। दोई केतिंङ हंयारो दोरच़ी एनोह अद्धभुत छंङीरिंङ अंङषी ततो, ताकि केरे परमेश्वरो अद्धभुत कमो घोषणा लेह तरपोंई।

1 पतरस 3:5

झांह ठ्रोह अंऊ मेच़िमिर महस तुहई बंङज़ातेर दंङ परमेश्वरो टोईच़ी विशवास लहज़ातेर दंङ दोऊ टोईच़ी एनोह उम्मीद तहच़ातेर, दोरे एनातु गगसो हुकुम मनेकी झांह ए ठ्रोह एनाबि सलटे लहज़ातेर।

1 पतरस 5:1

रें झांह ठ्रोह गप्पा तोह अंऊ गेह दोरकी सेंहणा तंङ साते कुट्री तातग छना कुचे गेह ला केहतु ठ्रोह इच्च़ा सेंहणा शुगाह। गेह घेंङौ दू दुखा बि तंङातेग अंऊ महसे तुहई मसीह ज़ि सहन लहरी। अपेहल दू यह्च़ा वापिस अपतो, दंङ गेह ला दोऊ महिमा रिंङ सहभागी शोहग दंङ गेह केतंङ साते विनती लहज़ातग,

1 पतरस 5:10

हेंतेग परमेश्वर अंऊ भत्ते तरीका रंङ मोह्ड़े दाह ए पिंङषा तोह, दोई हेंदिंङ यीशु मसीह रंङ साते हेंदु नाता ओ थल्जी स्वर्गा रिंङ दोऊ अनंत महिमा ओ थल्जी सहभागी शुहबिमी थल्जी हेनर अंङे च़रति। केहतु थोड़े टेमो दुख सहन लहज़िमी थल, परमेश्वर केतिंङ रूठे बणाके च़रपोतो ताकि केहतु अंदरेग ला छल्ले शुहबी मेस दंङ परमेश्वर केतिंङ पक्‍का लोहतो ताकि केहतु विशवास पक्‍का शोतो।

1 यूहन्ना 1:3

ञेंहच़ी यीशु मसीहू पाहठी छिल्ला ञेंहच़ी तंङातेंई या रेहशी तातंई दोऊ गवाही केतिंङ रंड्रातंई, झांह लेह कि ञेंतंङ साते केहतु संगति शुहबी जूंस। दंङ ञेंहतु दिह संगति बाह परमेश्वरा रंङ साते ए दोऊ योह यीशु मसीह रंङ साते तोह।

यहूदा 1:1

गेह, यहूदा, अंऊ यीशु मसीहू इच्च़ा सेवक ए याकूबो कवचि न्वा शुगाह, केतिंङ दि डाक चेहच़ातग, अंऊ दोतिंङ परमेश्वरे एनोह टोईच़ी विशवास लहज़िमी थल्जी बुलासी ततो। हेंदु परमेश्वर बाह केतंङ साते दाह लहज़ा दंङ केतिंङ यीशु मसीह रिंङ बचाके तहज़ा।

प्रकाशित वाक्य 17:14

दोरे कुरच़ो खिलाप लड़ेपोर, पर कुरच़ा दोतिंङ यहरच़े च़रपोतो, छना कुचे दुह प्रभु तु प्रभु ए रज्ज़ा तु रज्ज़ा शुह। कुरच़े एनोह बुलासी दोरे, अंङषी दोरे दंङ विशवासो जोगे साथी तंङ दोतु टोईच़ी द्रक्शे योतो।

प्रकाशित वाक्य 18:20

“हेंतेग अंऊ केरे स्वर्गारिंङ बंङज़ातंई! परमेश्वरो मीहरे! प्रेरित ए नवी रे! दि पाहठी खुशी मनेक्तुंई, छना कुचे परमेश्वरे दुह शहरो टोईच़ी एनोह न्याय चरच़तो, दुह बुराईयो थल्जी अंऊ दोई केतंङ साते लहसी ततो।”