इब्रानियों 2:4 - लाहौली बाइबिल

⁴ दंङ परमेश्वर चिन्ह ए अद्धभुत कमो, महस पाहठी चमत्कारो दंङ पवित्र आत्माओ दोरच़ी मीहतिंङ वरदान रंड्रा दि खबरा बि ठीक ध्वांए साबित लहरी, छना दोई जुंज़ाते।

इब्रानियों 2:4 Iomraidhean Croise

मरकुसो 16:20

दोऊ थल प्रभु यीशु ऊ चेलाज़ि दोहरची इलजी भत्ते ठाहरीरिंङ रुठे खबर सुनाएची लेहतिर। दंङ प्रभु यीशुज़ि दोतु दोहरची हेरानी ऊ कम लहज़ातेर। झांह लेह मीहतिंङ पता लेहती कि रुठे खबर सच्चे शुह। आमीन। (ध्वांए शुहबी जूंस)

मरकुसो 6:14

हेरोदेस रज्ज़ा ज़ि यीशु पाहठी रेड्रा छना कुचे हेंतेग तचेक यीशु ऊ मिन पिला हासी फेलेक इलजी तोहई। यीशु पाहठी भत्ते मीहतु शत्‌ह-शत्‌ह राय तोहई। रें मीहच़ी कुट्रातेर कि यीशु, “यूहन्ना बपतिस्मा रंड्रा शुह, अंऊ सिमी दोरच़ी ला श्रींङे इलज़ा। झांह लेह यीशु दोरच़ी हेरान लहज़िमी ठ्रोह कम प्रगट शुबी लेहकी तोईरे।”

यहून्नो 15:26

गेह पिता परमेश्वरो दोरच़ी केहतु थल्जी इच्च़ा मदतगार च़रपोग। दुह अरी पवित्र आत्मा तोह दंङ अंऊ सच्चाई तोह दोबि प्रगट लाह। अपेहल दुह अपतो ता दोई केतिंङ गिऊ पाहठी कंबोतो।

यहून्नो 4:48

यीशु ज़ि दोबि कुंई, “अपेहल तचेक केई चिन्ह ए चमत्कार माह खमोंई, दोहपल तचेक केई गिऊ टोहकठे मसीहू शुह कुचे विशवास माह लोहन।”

प्रेरित 14:3

पर पोलुस ए बरनबास महस ध्याड़ा तचेक दोर्तिंङ बंङज़िरी, दंङ प्रभु मोह्ड़े दाह ओ पाहठी याहब रंङ साते प्रचार लहज़ी लेहतिर; प्रभु यीशु ज़ि दि झुह्ट मीहतिंङ चिन्ह ए चमत्कार लहज़िमी सामर्थ रें च़रति दि साबित लहज़िमी थल्जी कि दोतु खबर दोऊ दोरच़ी अंज़े शुह।

प्रेरित 4:10

ता केहरे भत्ते दंङ भत्ते इस्राएली मीहरे ञेंए केंईनी कि दिह नासरत नगरो यीशु मसीह अधिकारो दोरच़ी लहसी शुह। दुह ए यीशु बि केहच़ी क्रूसो टोईच़ी चढ़ाएकी केहतन, पर परमेश्वरे दुह यच़ाह सिमी दोरच़ी श्रींङे लेह च़रति। तोग दोऊ ए मिन्दु दोरच़ी दिह मीह केहतु तुईज़ी सही सलामत खड़े तोह।

प्रेरित 5:32

दंङ ञेंहरे दिह गप्पातु गवाह तोतोन, दंङ पवित्र आत्मा ला, अतिंङ परमेश्वरे एनोह हुकुम मनेक्च़ा दोतिंङ रांहषी ततो।”

इफिसियों 1:5

छना कुचे परमेश्वरे हेंदंङ साते दाह लहरी दंङ दोई महस तुहई फेंसला लेह च़रते कि यीशु मसीह लहसी कमो दोरच़ी हेंदिंङ एनोह कटुरे बणाके च़रपोतो। परमेश्वरे झांह एनोह हिटी ए खुशी ऊ हिसाबे लहरी।

इफिसियों 1:9

परमेश्वरे एनोह हिटी ओ भेद हेंदु टोहकठे एनोह रूठे इरादो थल्जी प्रकट लहसी ततो, अंऊ दोई तुहई ए मसीहू दोरच़ी पूरा लहज़िमी ठानेगी च़रसी तहरे।

इफिसियों 4:7

पर मसीह ज़ि हेंदु बिचंङ हर इच्च़ा बि दोऊ कम लहज़िमी थल्जी शत्‌ह-शत्‌ह खास गुण रांहषी ततो। दंङ दोबि अंऊ हिसाबे दोई रांहषी जुंज़ा, दुह हिसाबे रें च़रसी ततो।

इब्रानियों 6:4

अंऊ मीहरे एनोह विशवास छोड़ेके चरच़ातोर, दोतिंङ यह्च़ा पश्चाताप ओ हालातरिंङ वापिस हपि मरच़ि। दोच़ी इच्च़ा फेरा परमेश्वरो सच्चाई ञेंई चरच़ातोर, अंऊ परमेश्वरे तरफे अपा, दंङ दोतिंङ स्वर्गो दोरच़ी वरदान खोकसा तोह दंङ दोतिंङ ऊईतु दोरच़ी वरदान ला खोकसा तोह।