इब्रानियों 2:3 - लाहौली बाइबिल

³ झांह लेह अगर हेनर दि महान उद्धारो अनदेखी लोहनि ता दंङ पक्‍का रूपारिंङ हेंदिंङ ला सज़ा खोकसोतो। प्रभु ज़ि ऐनाह तुहई ए दि उद्धारो पाहठी कंङाते, दंङ अंऊ दोच़ी प्रभु दोरच़ी रेड्री तरेर, दुह मीहतु वहज़ा ज़ि हेंदु थल्जी दि साबित शुचि इलि।

इब्रानियों 2:3 Iomraidhean Croise

मत्ती 23:33

हे ज़हरीले ओमड्रो कटुतु ठ्रोह मांजी मीहरे, केरे नरकंङ सज़ाओ दोरच़ी माह बचेकपोंई।

मत्ती 4:17

दुह मुक्का ज़ि यीशुज़ि प्रचार लाहज़िए दिह कुट्री शुरू लहरी, “केनातु पापो दोरच़ी सेहम किर्ज़ुंई छना कुचे स्वर्गो राज्य कछंङ पिचे अंजा।”

मरकुसो 1:14

थोडे़ ध्याड़ो थल अपेहल यूहन्ना बि हेरोदेस रज्ज़ाज़ि जेलंङ केहच़ी च़रते, दंङ यीशु गलील प्रदेशो हखा अति दंङ मीहतु बिचंङ परमेश्वरो राज्यो पाहठी रूठे खबर रंड्री लेहती।

लूको 1:2

छना कि दोच़ी ठीक ध्वांए च़ेआतो अंऊ ञेंतिंङ दुह मीहतु दोरच़ी कांहषी तोहई, अच़ि दोबि यीशु सेवकाईओ शुरुवात बेहच़ी खांषी तातेर दंङ अंऊ थले परमेश्वरो बचनो सेवक बणेंक इलिर।

लूको 1:69

दंङ अरी दोऊ सेवक रज्ज़ा दाऊदो खानदानो शुह, दोई ञेंहतु थल्जी इच्च़ा शक्तिशाली उद्धार लहच़ाबि च़रसी ततो।”

लूको 24:19

“यीशु ज़ि दोतंङ रुहक्तो, छि गप्पारे?” दोच़ी दोबि कुहतोर, “नासरत नगरो यीशु मसीहू गप्पा अरी परमेश्वर ए भत्ते मीहतु कछंङ कम ए बचनरिंङ सामर्थी भविष्यवक्ता तोहई।

यहून्नो 15:27

दंङ केहरे संसारो मीहतिंङ गिऊ पाहठी कंमोई, छना कुचे केहरे शुरुवात बे गेरंङ साते तोईन।

प्रेरित 2:22

“हे इस्राएल देशो मीहरे दिह गप्पारे रेड्रुंई: कि नासरत नगरो यीशु इच्च़ा झांह ठ्रोह मीह तोहई अतिंङ परमेश्वरो दोरच़ी केहतु तुईज़ी साबित लहसी, झांह ठ्रोह चिन्ह चमत्कार ए हेरानी ऊ कमो दोरच़ी, अंऊ परमेश्वरे दोऊ दोरच़ी लहते। केहरे केनारे ञेंहच़ातोनि कि दिह गप्पा हेले शुह।”

प्रेरित 4:12

छना कुचे परमेश्वरे संसारो मीहतिंङ यीशु अलावा ऊई छल्ले मिन रांहषी माह अतु दोरच़ी हेनरि उद्धार खोकच़े तरपोंई।

रोमियो 11:14

ताकि अंऊ रीतिरंङ साते गेह घेंङौ जातितु बिचंङ जलन पैदा लोहवा दोतु बिचंङ महसे तु उद्धार लोहग।

रोमियो 2:3

दंङ कांह अंऊ झांह ठ्रोह कम लहज़ा मीहतु टोहकठे दोष लगाएच़ातन, दंङ केनाह दुह कम लहज़ातन; छि दि समझेक्सतना कि कांह परमेश्वरो सज़ा ओ दोरच़ी बचेकी योन?

1 कुरिन्थियों 1:21

परमेश्वरे एनोह ज्ञाना रिंङ दि खंई कि दि संसार मीहतु ज्ञानो दोरच़ी दोबि अपेहल ला ञेंई मरपोतो, झांह लेह दोई दू मीहतिंङ बचाच़िमी थल्जी अंऊ विशवास लहज़ातोर दि रूठे खबरो प्रचारो इस्तेमाल लहरिर, हालांकि रे मीहरे दिबी मुर्खता चेहच़ातोर।

1 थिस्सलुनीकियों 5:3

अपेहल मीहच़ी कोहर, कि “भत्ते धिर ठीक तोह, दंङ छिल्ला मुसीबत माह,” दंङ मुसीबत, खोकटुंङ मेच़िमी ओ लिहक्पिमी टेहषी ठ्रोह दोतु टोहकठे अच्च़ा अपतो; दंङ दोरे दोरंङ बचेके मरपोर।

1 तीमुथियुस 1:15

दि गप्पा हेले ए दंङ भत्ते पाहठी मनेक्च़िमी जोगे तोह, कि मसीह यीशु हेनर पापी तु उद्धार लहज़िमी थल्जी संसारारंङ अंज़े शुह, अंऊ दोतु बिचंङ भत्ते वे मोह्ड़े पापी गेह शुगाह।

तीतुस 2:11

परमेश्वरे भत्ते मीहतिंङ बचाएच़िमी थल्जी इच्च़ा अम बणाएच़िमी ज़रिया ज़ि एनोह मोह्ड़े दाह कंड्रिरी। अंऊ भत्ते मीहतु उद्धारो कारण तोत,

इब्रानियों 1:1

तुहई जुगारिंङ परमेश्वरे भविष्यवक्तातु दोरच़ी हेंदु बाह मेमेतंङ साते महस फेरा शत्‌ह-शत्‌ह तरीका रंङ साते गप्पा लहरी।

इब्रानियों 1:14

दोथर स्वर्गदूतातु शुहबिमी छि मकसद तोह? दोरे सिर्फ परमेश्वरो सेवक शुरे, परमेश्वरे दोतिंङ दू मीहतु देखभालो थल्जी च़रच़ा अंऊ दोतिंङ उद्धार खोकसा।

इब्रानियों 1:2

पर दि अन्तिम ध्याड़ारिंङ ञेंहच़ी हेंदु योह दोरच़ी गप्पा लहरिन। परमेश्वरे एनोह योह दोरच़ी भत्ते संसारो रचना लहरी दंङ दोबि भत्ते चीज़ा तु वारिस बणाके च़रति।

इब्रानियों 12:25

खबरदार बंङज़ुंई, दंङ परमेश्वर अंऊ केतंङ साते कुट्रा दोऊ हुकुमो भाषे लंहि। इस्राएलो मीहतिंङ सज़ा खोकसिरी अपेहल दोच़ी मूसा ओ चेतावनी रेड्रीमी दोरच़ी इंकार लेह च़रतिर। दिऊ थल्जी दि ञेंहतु थल्जी महस मदम शोतो अगर हेनर परमेश्वरो हुकुम भाषे माह लहज़ातंई अंऊ हेंदिंङ स्वर्गंङ ज़ि चेतावनी रंड्रा।

इब्रानियों 4:1

झांह लेह, अपेहल नहच़िमी ठाहरीरिंङ इबिमी वाईदा हेंतेग ला तोह, दंङ हेंदिंङ महस खबरदार बंङज़ी जूंशी तोह; कि केहतु बिचंङ अतिंङ ला दू नह्च़िमी ठाहरीरिंङ इबिमी मौका केट्री माह जूंस।

इब्रानियों 4:11

झांह लेह हेनर दू नहच़िमी ठहरि इबिमी थल्जी महस मेहनत लोहनि, अंऊ ला मीहबी दू मीहतु उदाहरणो नकल लहज़ी माह जूंस अंऊ दोच़ी परमेश्वरो भाषे लहज़िमी रंङ साते इन्कार लेह च़रति। दोहपल हेनर दू नहच़िमी ठाहरीरिंङ इबि तरपोंई।

इब्रानियों 5:9

परमेश्वरे मलिकिसिद्को ठ्रोह दोबि यहुदी महापुरोहित ओ आदर रांही, दोबि सिद्ध बणाएति दंङ दू भत्ते मीहतु थल्जी उद्धारो शुरूआत बणेंके इलि अंऊ दोऊ हुकुमो भाषे लहज़ातेर।

इब्रानियों 9:28

ध्वांए ठ्रोह, मसीह ला भत्ते मीहतु पाप बि एनोह टोईच़ी कुरच़ा इच्च़ा फेरा बलिदान शुहचे इलि। अपेहल दू दोबारा अपतो दू मुक्का दू पापो थल्जी बलिदान शुहबी मशत पर दोतिंङ बचाएच़िमी थल्जी अपतो अंऊ दोबि रुमज़ा तोतोर।

1 यूहन्ना 1:1

ञेंहरे इच्च़ा मीहू पाहठी केतिंङ च़ेहसी लेहकी तोतोंई, अंऊ जीवनो बचन शुह। दुह दिह संसारो शुरूआत बेहच़ी तोहई। अतिंङ ञेंहच़ी थाक्शी तातंई, दंङ अतिंङ ञेंहच़ी हेंदु टिरे तंङातंई पर ध्यानारंङ तंङातेंई दंङ हेंदु गुह्ट्रे दुह थोक्तेंई।

यहूदा 1:17

पर हे गिऊ प्यारे साथी विशवासी रे, केहच़ी दुह गप्पा हिद तंही; अंऊ हेंदु प्रभु यीशु मसीहू प्रेरित महस तुहई कुहषी तातोर।

प्रकाशित वाक्य 7:10

दंङ मोह्ड़े सग रंङ साते हाऊष रें कुट्रा, “अतंई हेंज़ी हेंदु परमेश्वरो स्तुति लोहनि, अंऊ सिंहासनो टोईच़ी विराजमान तोह दंङ अतंई हेंज़ी दोऊ ला स्तुति लोहनि, अतिंङ कुरच़ा कुट्री छना कुचे दुह ए तोह अच़ि हेंदि हेंदु पापो न्यायो दोरच़ी बचाएकतो।”