इब्रानियों 2:11 - लाहौली बाइबिल

¹¹ छना कुचे अंऊ मीहतिंङ दोतु पापो दोरच़ी शुद्ध लहज़ा, दंङ अंऊ मीहरे दोतु पापो दोरच़ी शुद्ध लेह चरच़ि, दू भत्ते तु इच्च़ा ए बाह तोह; झांह लेह यीशु बि दोतिंङ एनोह युंङ रिंङ बणाएच़िमी थल्जी षेह्द माह अपा।

इब्रानियों 2:11 Iomraidhean Croise

मत्ती 25:40

दंङ गेह रज्ज़ा दोतिंङ जुबाब रमोग, “गेह केतंङ हेले कुट्रातग केहच़ी गिऊ दिह कवचि वे कवचि चेलारंङ साते लाह, दुह गेरंङ लाह।

मत्ती 28:10

दंङ यीशुज़ि दोतिंङ कुहतो, “बेंईन थाह गिऊ चेला तु कछंङ इलजे कुंई कि गलीलो हखा अच्च़ा ईलांई दोहर गेह खमोर।”

मरकुसो 3:34

अंऊ दोहर दोऊ देच़ि न्वेच़ि तोहई, दोऊ हखा खांई कुतोह, “खंणु गिऊ याह ए न्वा दिहरे शुहरे,

मरकुसो 8:38

अंऊ दि कुकम लच़ाहढ ए पापी मीहतु बिचंङ गेह मीहू योह बि ए गिऊ शिक्षा ग्रहण माह लोहतो, दंङ अपेहल गेह ला घेंङौ पवित्र स्वर्गदूतारंङ साते घेंङौ बाहो महिमा रंङ साते अपोग, दंङ गेह ला दोतिंङ ग्रहण माह लोहग।

लूको 9:26

अंऊ ला गेह मीहू योह बि ए गिऊ शिक्षा ग्रहण माह लोहतो, दंङ अपेहल गेह ला घेंङौ पवित्र स्वर्गदूतारंङ साते घेंङौ बाहो महिमा रंङ साते अपोग, दंङ गेह ला दोतिंङ ग्रहण माह लोहग।

यहून्नो 17:19

दंङ दोतु फायदा ओ थल्जी गेह घेंङा बि पवित्र लहज़ातग कि दोरे ला सच्चाई ऊ दोरच़ी पवित्र लेह जूंस।

यहून्नो 17:21

कि दोरे भत्तेर इच्च़ा शुहबी जूंस; छना हे पिता परमेश्वर कांह गेरंङ तोतोन, दंङ गेह करंङ, ध्वांए दोरे ला हेन्दंङ शोहर, दिऊ थल्जी कि संसारो मीहरे विशवास लोहर कि केई ए गेह च़रसी शुगाह।

यहून्नो 20:17

यीशु ज़ि दोबि कुहतो, “गिऊ कोन्ज़ा रिंङ ज़िल्ज़ाते गिह्बी था चऊ, छना कुचे अईता गेह पिता परमेश्वरो कछंङ इल्जी माह तोग, गिऊ चेला तु कछंङ इलजे दोतंङ साते कुडू, कि गेह घेंङौ पिता परमेश्वर ए केहतु पिता परमेश्वर दंङ घेंङौ परमेश्वर ए केहतु परमेश्वरो कछंङ य्वातग।”

प्रेरित 17:26

दोई इच्च़ा ए मीहरंङ साते शुरू लेह परमेश्वरे भत्ते मीहतु जाति बि धरती रिंङ बंङज़िमी थल्जी बणाएषी शुह; दंङ दोतु ठहराएसी टेम ए बंङज़िमी ठहरि ए निवासो हद तय लहरी।

प्रेरित 17:28

छना कुचे दोऊ दोरच़ी ए कुई सा ता ञेंहच़ी दोऊ अन्द्रेग ए श्रींङी तोतोंई, दंङ ज़ोवा लहज़ातंई दंङ पक्‍का तोतोंई, छना केहतु कवि ज़ि कुट्री तोत, ञेंहच़ी ता दोऊ ए वंशज शुईं।

रोमियो 8:29

छना कुचे अंऊ दोतिंङ दोई तुहई ए अंङषी चरच़तो दोतु थल्जी दि इरादा लेह चरच़तो कि दोरे दोऊ योह यीशु ठ्रोह शोर ताकि दू न्वारेतु बिचंङ जेठे शोतो।

गलातियों 4:4

पर अपेहल दू टेम अति अतु योजना परमेश्वरे बणाक्ते, दंङ परमेश्वरे एनोह योह दि संसारारिंङ च़रति, दंङ दू इच्च़ा मीहू रूपा रिंङ जेह्कते। दुह यहुदी जेह्के, मूसा ओ कानूनो अधीन दिऊ थल्जी बंङज़िरी,

इब्रानियों 11:16

पर सच्चाई दि तोह कि दोरे इच्च़ा खास देशो उम्मीद लहज़ातेर, अंऊ स्वर्गंङ तोह। झांह लेह परमेश्वर दू मीहतु परमेश्वर शुहबिमी थल्जी खुश तोहई, छना कुचे दोई दोतु थल्जी इच्च़ा शहर तेयार लहसी ततो।

इब्रानियों 13:12

झांह लेह, यीशु ज़ि ला मीहतिंङ एनोह ए शुहई ओ दोरच़ी पवित्र लहज़िमी थल्जी यरूशलेम शहरो धकते दुख सहन लहरी दंङ सिए इलि।

इब्रानियों 2:14

छना कुचे अपि परमेश्वरे कटुरे कुह्चे बुलाएक्तो, दोतु इच्च़ा मीहू फुक तोहई। यीशु एनाह ए हेंदु ठ्रोह मीहू रूप धारण लहरी ताकि दोऊ मौतो दोरच़ी मौतो टोईच़ी अधिकार तहच़ा शेताना बि नाश लोहतो।

इब्रानियों 3:1

झांह लेह, हे गिऊ प्यारे साथी विशवासी रे, केरे अंऊ स्वर्गा रिंङ दोरंङ साते शामिल शुहबिमी थल्जी बुलासी शुईं, मसीह यीशु टोईच़ी ध्यान रांही! दुह हेंदु थल्जी परमेश्वरो रूठे खबरो प्रेरित यहुदी महापुरोहित शुह।