इब्रानियों 2:10 - लाहौली बाइबिल

¹⁰ परमेश्वरे दि भत्ते चीज़ारे बणाएति दंङ भत्ते चीज़ारे एनोह थल्जी सोटेगी ततो। झांह लेह, कि महस मीहतिंङ एनोह महिमा रिंङ शामिल लोहतो, परमेश्वरे दि फेंसला लेहपति कि दिए हेले शोतो कि प्रभु यीशु दुख उठाके सिद्ध शुहचे योतो अंऊ चरित्रा रिंङ परिपूर्ण तोह छना कुचे यीशु ए तोह अंऊ दोतिंङ उद्धारो हखा रैंज़ा शिलज़ा।

इब्रानियों 2:10 Iomraidhean Croise

लूको 13:32

यीशुज़ि दोतंङ कुहतो, “इलजे दुह मीहू हखा अरी गव्वा ओ ठ्रोह चलाक तोह कुचे च़रतुंई कि खंणु, गेह तोग ए मुतंङ मांजी आत्मारे हुंपाग ए नत्पारे ठीक लोहग, दंङ षुमु ध्याड़ारिंङ गेह घेंङौ कम पुरा लेह च़रपोग।

लूको 2:14

“स्वर्गंङ परमेश्वरो महिमा दंङ धरतीऊ टोईच़ी दुह मीहतु बिचंङ अतु दोरच़ी दुह खुश तोह, शांति शोतो।”

लूको 24:26

दिह ज़रूरी तोहई कि मसीह ज़ि दिह भत्ते दुख उठाएपोतो दंङ यच़ाह एनोह महिमा रिंङ प्रवेश लोहतो।”

लूको 24:46

दंङ दोतंङ साते कुतोह, “पवित्रशास्त्रा रिंङ झांह च़ेहसी तोह कि मसीह ज़ि दुख उठापोतो, दंङ तीसरा ध्याड़ारिंङ सिए दोतु बिचंङज़ि षिङे योतो,

यहून्नो 11:52

पर सिर्फ दोतु ए थल्जी मशत। दुह परमेश्वरो ऊई कटुतु थल्जी ला सीओतो अरी दिह संसार रिंङ देखा नोखा शुहचे इल्जी तोतोर, कि दोतिंङ ठ्रोहका लोहतो।

यहून्नो 19:30

अपेहल यीशु ज़ि दिह सिरका लेहप्ती, ता कुंई, “पुरा शुई” दंङ पुंज़ा योंखा लेह सीए इलि।

प्रेरित 3:15

दंङ केहच़ी दुह सच़ी च़रतिन, अरि मीहतिंङ हमेशा ओ जीवन रंड्रा, पर परमेश्वरे दोबि सिए दोतु बिचंङ ज़ि श्रींङमी लहरी; दंङ दिह गप्पातु ञेंहरे गवाह तोतोंई।

प्रेरित 5:31

परमेश्वरे दोबि स्वर्गो हखा रेंज़ा शिलि दंङ दोऊ महसे आदर लहरी। दंङ दोबि प्रभु ए उद्धार लहज़ा ठहराएति, ताकि इस्राएल ओ मीहरे एनातु मदम सोच बिचार ए अमतु दोरच़ी परमेश्वरो हखा किर्ज़ोर दंङ दोऊ दोरच़ी एनातु पापो थल्जी माफी खोक्पोर।

रोमियो 11:36

छना कुचे भत्ते धिर परमेश्वरो दोरच़ी ए अपत, दोई भत्ते धिर बणाषी शुह, दंङ भत्ते धिर दोऊ ए शुह। दोऊ महिमा युगानुयुग शुहवा लोहतो। अमीन।

रोमियो 9:23

दोई झांह दिऊ थल्जी लहरी छना कुचे दोई दि कंड्री तते, कि दू अंयों महान तोह अपेहल दोई दू मीहतु टोईच़ी दया लहरी अंऊ दोतिंङ दोई एनोह महिमा रिंङ भागीदार शुहबिमी थल्जी अंङषे ततो।

1 कुरिन्थियों 2:7

पर अंऊ ज्ञानो हेंज़ी गप्पा लहज़ातंई दू ज्ञान परमेश्वरो ज्ञान शुह अंऊ ब्याके तोहई। हेंतेग तचेक अरिला दिबी माह ञेंहच़ाते। परमेश्वरे धरती बणाषी बे तुहई ए फेंसला लहज़ी चरच़ाते कि दोऊ ज्ञान हेंदिंङ महिमा रमतो।

2 कुरिन्थियों 3:18

हेनर भत्तेर इच्च़ा अर्शिऊ ठ्रोह तोतोंई, अंऊ परमेश्वरो तेज झांह ठ्रोह मोह्दु खंड्रातंई अंऊ दोतु टोहकठे परदा पड़ेके तोह, दंङ परमेश्वर हेंदिंङ लगातार बढाईक्च़ा तेज रिंङ महस बे महस एनोह ठ्रोह बणाएच़ा। दि तेज प्रभु दोरच़ी खोकसा, अंऊ पवित्र आत्मा तोह।

2 कुरिन्थियों 4:17

हेंदु दि कवचि ए थोड़े हरे दुख हेंदु थल्जी झांह ठ्रोह अनंत महिमा पैदा लहज़ा, अतु पाहठी हेंज़ी सोचेक्सी माहरच़ातंई।

2 कुरिन्थियों 5:18

दि भत्ते गप्पारे परमेश्वरो दोरच़ी शुह, अच़ि मसीहू दोरच़ी ऐनारंङ साते मेल-मिलाप लेह केहरी, दंङ दोई हेंदिंङ दोऊ ए ऊईतु बिचंङ शांति कायम लहज़िमी कम रांहषी ततो।

2 कुरिन्थियों 6:18

“दंङ गेह केहतु बाह षोहग, दंङ केरे गिऊ योह ए मियोरे शोंई; दि सर्वशक्तिमान प्रभु परमेश्वरो वचन तोह”।

गलातियों 3:26

अपेहल केहच़ी मसीहू मिंदिंङ बपतिस्मा लेहपच़ातेंई, दंङ केहच़ी मसीहू खरकोई जीवन लेहकी चरच़ातंई। झांह लेह, अपेहल केहच़ी यीशु मसीहू टोईच़ी विशवास लाहतंई, दोहपल केरे भत्तेर परमेश्वरो कटुरे बणेंके इलोंई।

इफिसियों 2:7

परमेश्वर झांह दिऊ थल्जी लहरी ताकि अंजा ध्याड़ा रिंङ दू संसारो मीहतिंङ कंङे तरपोतो कि दोऊ मोह्ड़े दाह अंयों महान तोह। छिल्ला धिर दोई ञेंहतु थल्जी लहरी ञेंतिंङ दि मोह्ड़े दाह कंङातो अंऊ मसीह यीशु ऊ एकता रिंङ तोतोर।

इफिसियों 3:10

ताकि एंतेग कलीसिया ओ दोरच़ी, परमेश्वरो शताह पाहठी ज्ञान दुह प्रधान ए मोह्ड़े अधिकारितु टोईच़ी अंऊ स्वर्गारिंङ तोतोर, प्रगट लोहर।

कुलुस्सियों 3:4

अपेहल मसीह अंऊ केतिंङ खरकोई जीवन रंड्रा, दि धरतीऊ टोहकठे वापिस अपतो, दंङ केरे लाह अपोंई दंङ दोऊ महिमारिंङ सहभागी शोंई।

2 तीमुथियुस 2:10

दिऊ थल्जी गेह दुह मीहतु थल्जी भत्ते दुख सहन लहज़ातग, अतिंङ परमेश्वरे अंङषी ततो, ताकि दोरे ला यीशु मसीहू टोहकठे विशवास लोहर दंङ उद्धार ए अनंत कालो महिमा खोक्पोर।

इब्रानियों 12:2

हेंदिंङ यीशु तरफे खंड्री जूंशी तोह, अंऊ हेंदिंङ विशवासो दोरच़ी तुंखा बढ़ाएच़ा दंङ हेंदु विशवास पूरा लहज़ा। दोई षेह्पिमी छा चिंद माह लहच़ी ते क्रूसो दुख सहन लहरी दंङ सिए इलि; छना कुचे दोई ञेंहच़ाते कि दोई झांह लहरी। हेंतेग दू परमेश्वरो सिंहासनो सुचंङ हासी बंङज़ा तोह।

इब्रानियों 6:20

यीशु हेंदु बे तुंखा ए दंङ हेंदु थल्जी स्वर्गंङ इलि। दू पुरोहित मलिकिसिद्को ठ्रोह हमेशा ओ थल्जी यहुदी महापुरोहित बणेंके इलि।

इब्रानियों 7:26

झांह ठ्रोह ए यहुदी महापुरोहित हेंदु ज़रूरत पूरा लेह तरपोतो, अंऊ पवित्र शोतो, निर्दोष शोतो, शुद्ध शोतो, पाप लहच़ाड दोतंङ शत्‌ह शोतो अतिंङ स्वर्गो दोरच़ी ला खेका लेह केहषी तोह।

इब्रानियों 7:28

छना कुचे मूसा ओ कानून ता कमज़ोर मीहतिंङ मोह्ड़े पुरोहित नियुक्त लहज़ा; पर दू वाईदा अंऊ मूसा ओ कानूनो थल अति दोई परमेश्वरो योह बि यहुदी महापुरोहितो रूपारिंङ अंङे च़रति। अंऊ हमेशा ओ थल्जी हेंदु सिद्ध मोह्ड़े पुरोहित बणेंके इलि।

1 पतरस 1:12

पर परमेश्वरे दि भविष्यवक्ता तिंङ कंड्रिरी कि दोतु खबर दोतु एनातु थल्जी मशत पर केहतु थल्जी तोहई। दू खबर यीशु मसीहू पाहठी रूठे खबर शुह अंऊ केहच़ी हेंतेग रेड्रातंई। परमेश्वरे स्वर्गंङ ज़ि एनोह पवित्र आत्मा चरच़तो कि केतिंङ रूठे खबर प्रचार लहज़िमी थल्जी मीहतु मदत लोहतो। दि भत्ते धोंण अद्धभुत तोह कि देर तचेक कि स्वर्ग दूत कि स्वर्गदूत ला खुशी रंङ दि चीज़ा बि खंड्रातोर।

1 पतरस 5:1

रें झांह ठ्रोह गप्पा तोह अंऊ गेह दोरकी सेंहणा तंङ साते कुट्री तातग छना कुचे गेह ला केहतु ठ्रोह इच्च़ा सेंहणा शुगाह। गेह घेंङौ दू दुखा बि तंङातेग अंऊ महसे तुहई मसीह ज़ि सहन लहरी। अपेहल दू यह्च़ा वापिस अपतो, दंङ गेह ला दोऊ महिमा रिंङ सहभागी शोहग दंङ गेह केतंङ साते विनती लहज़ातग,

1 पतरस 5:10

हेंतेग परमेश्वर अंऊ भत्ते तरीका रंङ मोह्ड़े दाह ए पिंङषा तोह, दोई हेंदिंङ यीशु मसीह रंङ साते हेंदु नाता ओ थल्जी स्वर्गा रिंङ दोऊ अनंत महिमा ओ थल्जी सहभागी शुहबिमी थल्जी हेनर अंङे च़रति। केहतु थोड़े टेमो दुख सहन लहज़िमी थल, परमेश्वर केतिंङ रूठे बणाके च़रपोतो ताकि केहतु अंदरेग ला छल्ले शुहबी मेस दंङ परमेश्वर केतिंङ पक्‍का लोहतो ताकि केहतु विशवास पक्‍का शोतो।

प्रकाशित वाक्य 4:11

“हे ञेंहतु प्रभु परमेश्वर, कांह महिमा खोकच़िमी जोगे तोतोन। कांह आदर खोकच़िमी जोगे तोतोन। काह सामर्थशाली तोतोन छना कुचे केई भत्ते चीज़ो रचना लहसी शुह। केई जुंज़ातन कि दुह अस्तित्वा रिंङ अपतो दंङ दिऊ थल्जी दोतु रचना शुई।”

प्रकाशित वाक्य 7:9

दोऊ थल गेह खंईगा कि मीहतु इच्च़ा मोह्ड़े भीड़ तोहई कि अरिला दोबि मिक्च़ी मरच़ाते। दुह संसारो हर जाति, गोत्र, राष्ट्र दंङ भाषा ओ दोरच़ी तोईरे। दोरे सिंहासन ए कुरच़ो तुईज़ी खड़े तोईरे। दोच़ी छंङसी खमज़ेर लेहसी ताहरेर दंङ हर इच्च़ा मीह एनोह गुह्ट्र रिंङ खजूरो डाड़ी च़ुमसी तहरे अंऊ दोतु आदरो निशानी तोहई।