इब्रानियों 13:4 - लाहौली बाइबिल

⁴ ब्याह भत्ते मीहच़ी आदरो गप्पा समझेक्सी जूंस, दंङ दि नातारिंङ मेच़ा-गगसा इदि-अई दिऊ थल्जी वफादार शुहबी जूंस। छना कुचे परमेश्वर, कुकम लहज़ा, ए ऊई मेच़िमी तंङ नाज़ायज़ नाता तहज़ा दोतु न्याय लोहतो।

इब्रानियों 13:4 Iomraidhean Croise

1 कुरिन्थियों 5:13

अंऊ मीहरे विशवासी माह तोर दोतु न्याय परमेश्वरे लहज़ा: पर छना पवित्र शास्त्रारिंङ च़ेहसी तोह, “दू कुकर्मी बि केनातु संगति बिचंङ ज़ि हुंच़ी च़रतुंई।”

1 कुरिन्थियों 6:18

कुकमो दोरच़ी पूरी तरह शत्‌ह बंङज़ेंई, मीहू दोरच़ी लहसी ऊई पाप दोऊ फुका बि धोंण नुकसान माह लहज़ा, अंयों कुकमे लहज़ा कुकम लहज़ा दोई एनोह फुको खिलाप पाप लहज़ा।

1 कुरिन्थियों 6:9

केतिंङ पता तोह कि, अन्याय लहज़ा मीहरे बाह परमेश्वरो राजो वारिस माह शोर; अरिया धोखारिंङ केतिंङ दि सोचेकच़ी मज़बूर लहज़ी माह जूंस कि केरे मदम कम लेह तरपोंई तांला बाह परमेश्वरो मीहतु बिचंङ ज़ि इच्च़ा बणेंके बंङज़ुंई, धोखा रिंङ था बंङज़ुंई, छना कुचे माह कुकम लहज़ा, माह मुर्तिओ पूजा, माह ऊईतु मेच़िमी ऊ लालच, माह लुचपन, माह गंङमी-गंङमी रंङ साते कुकम लंहि।

1 कुरिन्थियों 7:38

दंङ अच़ि एनोह कुंवारीऊ ब्याह लेह केट्रा, दोई ठीक लहज़ा, दंङ अच़ि ब्याह माह लहज़ा, दोई ऊई लाह ठीक लहज़ा।

1 कुरिन्थियों 9:5

छना कुचे हेंदु बिचंङ भत्तेतिंङ विशवासी मेच़िमी कटु रंङ साते ब्याह लहज़िमी ए दोबि केनातंङ साते शिल्ज़िमी अधिकार तोह, छना कि ऊई प्रेरित ए प्रभु न्वा याकूब ए यूहन्ना ए कैफा (पतरस) एनोह मेच़ा बि एनारंङ साते रैंज़ा शिलज़ातेर।

2 कुरिन्थियों 5:10

छना कुचे ज़रूरी तोह कि हेंदु भत्ते तु मसीहू दोरच़ी फेंसला शोतो, कि हर इच्च़ा मीह एनोह-एनोह रूठे ए मदम कमो दोरच़ी अंऊ दोतु फुको दोरच़ी शुहचे तोह, दोऊ बदला खोकपोर।

गलातियों 5:19

केहच़ी रूठे रंङ ञेंहच़ातंई कि मीहरे एनोह हिटी ऊ थलेच़ि ज़ोज़तोर, दोरे छि-छि लहज़ातोर, मतलब कुकम, मदम कम, लुचपन,

गलातियों 5:21

कपट, सरा तुंङे मतवाला बंङज़ा, रंगरलियां मनेक्च़ा, दंङ दीतु ठ्रोह ऊई ला कम तोईरे, अतु पाहठी गेह केतिंङ खबरदार लहज़ातग, छना तुहई ला केतिंङ खबरदार लेह चरच़ातग कि दि कम लहज़ा दोरे परमेश्वरो राजो जोगे माह शोरे।

इफिसियों 5:5

छना कुचे केहच़ी दि रूठे रंङ ञेंच़ातोंई कि अरिला कुकम लहज़ा, मदम कम लहज़ा, या लालची मीह, अंऊ मुर्ति पूजाऊ बराबर तोह, झांह ठ्रोह कम लहज़ा मीहरे अपेहल ला मसीह ए परमेश्वरो राजो हिस्सा माह बणेक्पोर।

1 थिस्सलुनीकियों 4:6

दंङ केरे केनातु फुको हिटी पूरा लहज़िमी थल्जी केनातु विशवासी न्वारे तंङ खिलाप पाप थालांई, दंङ माह ए दोऊ थल्जी छा चाल लंहि, छना कुचे प्रभु यीशु दोतिंङ सज़ा रमतो अंऊ झांह ठ्रोह कम लहज़ा तोर। छना कि ञेंहच़ी मुण्डारिंङ ए केतंङ साते कुहषी तातंई दंङ हिद ला लाहतंई।

1 तीमुथियुस 3:12

कलीसिया ओ सेवक इच्च़ा ए मेच़ो गगसा शुहबी जूंस दंङ एनोह कटुतंङ साते एनोह ऊई टबरातु ला रूठे रंङ देखभाल लहज़ा शुहबी जूंस।

1 तीमुथियुस 3:2

दंङ दि ज़रूरी तोह कि कलीसिया ओ मुख्या बि दि गुण शुहबी जूंस, कि दुह निर्दोष शुहबी जूंस, दंङ इच्च़ा मेच़ो गगसा शुहबी जूंस, हर हालातरिंङ एनोह टोहकठे काबू लहज़ा, रूठे, ए पौहना तु आदर लहज़ा, दंङ परमेश्वरो बचन रूठे रंङ सिखाएच़ा शुहबी जूंस।

1 तीमुथियुस 3:4

दुह एनोह टबरातिंङ रूठे रंङ चलाच़ा ठ्रोह शुहबी जूंस, दंङ दोबि एनोह कटुतिंङ सिखासी जूंस कि दोरे भत्ते गप्पा रिंङ आदरा रंङ साते दोऊ हुकुमो भाषे लोहर।

1 तीमुथियुस 4:3

दुह हप्सी मीहच़ी सिखाएच़ि कि ब्याह लेह ए रें बगत ज़ेई गलत तोह। पर परमेश्वरे हर पाहठी ओ बगत विशवासी तु थल्जी बणाषी शुह, अंऊ हेले ऊ शिक्षा ञेंहच़ातोर, कि धन्यवाद ओ प्रार्थनो थल बगत ज़ंई।

1 तीमुथियुस 5:14

झांह लेह गेह दि सलाह रंड्री जुंज़ातोग कि जवान रंणी ब्याह लेह च़रतु, दंङ कटुरे पैदा लेह घरबार सोटेक्तु, दंङ ऊई अरिया विरोधी बि बदनाम लहच़िमी मोका थारांई।

तीतुस 1:6

इच्च़ा कलीसिया ओ मुख्या बि बेकसूर ए इच्च़ा मेच़ो गगसा शुहबी जूंस, अतु कटुरे विशवासी शुहबी जूंस, दंङ अच़िला ला दोतु टोहकठे दि दोष लगासी माह जूंस कि दोरे बेकाबू ए हुकुमो भाषे माह लहज़ातोर।

इब्रानियों 12:16

केहतु बिचंङ अरिला मीह झांह मीह कुकम लहज़ा शुहबी मेस, दंङ माह ए अब्राहमो पोत्र, एसावो ठ्रोह अधर्मी शोतो, छना कुचे दू जेठे योह तोहई, दोबि खास उतराधिकारी शुहबी हक तोहई पर दोई दू जन्मसिद्ध अधिकारो इस्तेमाल माह लहरी दंङ दिऊ थल्जी दोई एनोह कवचि न्वा याकूबा बि सिर्फ इच्च़ा बगतो थल्जी लंङे च़रति।

प्रकाशित वाक्य 22:15

पर मदम मीहरे, दंङ एनातु साथी तु थल्जी जादू-टोना लहज़ा, कुकम, ए हत्या लहज़ा, दंङ मुर्ति तु अराधना लहज़ा, दंङ भत्ते हप्सी कुट्रा अपेहला शहरा रिंङ इबि मरपोर।