इब्रानियों 13:3 - लाहौली बाइबिल

³ कैदीतु झांह ठ्रोह हाल-चाल रूहक्पा लंहि, कि झांह ञेंहनि कि केरे ला दोतंङ साते कैद रिंङ तोतोंई। अंऊ मीहरे दुखी शवाहतोर, दोतु ला दि समझेके हाल-चाल रूहक्पा लंहि, कि केरे ला दोतु दुखारिंङ शामिल तोतोंई।

इब्रानियों 13:3 Iomraidhean Croise

मत्ती 25:36

गेह नंङटे तोईगा, दंङ केहच़ी गिह्बी लेहच़िमी थल्जी खमज़े रंदेंई; गेह टेहची तोईगा, दंङ केहच़ी गिऊ गांणी केहतंई, गेह जेलंङ तोईगा, दंङ केरे गेरंङ दोहई अंदेंई।

मत्ती 25:43

गेह परदेशी तोईगा, दंङ केहच़ी गेह केन्दु घरबारंङ माहशिली; गेह नंङटे तोईगा, दंङ केहच़ी गिह्बी खम लहच़िमी मराहणी; गेह बन्दीग्रहरिंङ तोईगा, केहच़ी गिऊ गांणी माहकेहरि।

प्रेरित 24:23

दंङ सुबेदारा बि हुकुम रेंई, कि पोलुसा बि रखवाली रिंङ तोह, पर ऊई कैदी तु ठ्रोह ए व्यवहार लंहि। दिऊ अलावा, दोबि पोलुसा बि दोऊ मित्रा तु बिचंङ अतिंङ ला दोऊ सेवा लहज़िमी थल्जी मना थालोहू।

प्रेरित 27:3

ऊई ध्याड़ा दू सीदोन शहर पिचे इलांई, दंङ यूलियुसे पोलुस टोईच़ी कृपा लेह दोबि दोऊ मित्रा तु कछंङ इबि रांई कि दोऊ दोरच़ी ज़रूरत चीज़ रेंज़ा हता।

रोमियो 12:15

खुशी मनेक्च़ा दोतंङ साते खुशी मानेएतु दंङ क्रपचा दोतंङ साते क्रपा लोह।

1 कुरिन्थियों 12:26

झांह लेह अगर हेंदु फुको इच्च़ा अंङ बि टेहषी तोह ता भत्ते फुकारिंङ टेहषी तोह। दंङ ध्वांए ठ्रोह, अगर हेंदु फुको अंऊआ अंङों षटणा शवात दंङ भत्ते फुको षटणा शुह।

इफिसियों 4:1

झांह लेह अंऊ गेह प्रभु यीशु सेवा लहज़िमी वहज़ा रिंङ जेलारिंङ तोतोग, केतंङ साते बिनती लहज़ातग, कि केरे दू बुलाहट रंङ साते अतंङ परमेश्वर एनोह कटुरे शुहबिमी थल्जी बुलाएक्तो, दोऊ हिसाबे केनातु जीवन श्रींङमातंई।

कुलुस्सियों 4:18

गेह पोलुस, घेंङौ गुह्ट्र दिह डाकरिंङ केतिंङ नमस्कार चेहच़ातग। हिद तंही कि गेह जेलारिंङ तोतोग दंङ गिऊ थल्जी प्रार्थना लंहि केहतु टोईच़ी परमेश्वरो मोह्ड़े दाह शुहवा लोहतो। अमीन।

इब्रानियों 10:34

केरे कैदी तु दुखा रिंङ ला दुखी शुहचे इलिन, दंङ केनातु टंगा ढबाह ला खुशी रंङ लुटाके च़रतिन; छना कुचे केहच़ी ञेंहच़ातंई कि केहतु कछंङ हेंतेग ला दू चीज़ारे तोतोर अतु वाईदा परमेश्वरे लाहते, अंऊ कि महस खास तोह दंङ हमेशा ओ थल्जी बणेंके बंङज़ा।

इब्रानियों 11:37

दोतु बिचंङ रें विशवासी मीहतु टोईच़ी रघटु द्रले रैंईरे। दंङ रेहतिंङ आरारंङ साते फ्रक्शे झुह्ट टुकड़ा लेह च़रतिर, दोतिंङ तलवारे रें सच़ी च़रतिर। दोरे गरीब तोईरे, दंङ दोतंङ साते अत्याचार ए मदम बर्ताब लेह च़रतिर। दोरे त्रैंई ए छगढ़ो खल चोकसा ते देखा-नोखा, बणारिंङ ए गोह टोईच़ी, दंङ गुफारिंङ, दंङ धरतीऊ दोंङों बिचंङ भटकेपि लेहतिर।

1 पतरस 3:8

थल मुखंङ, गेह केतंङ साते दि कुट्री जुंज़ातग, कि केरे केनातु बिचंङ ठ्रोहका शुहचे बंङज़ुंई, दंङ इदि-अई दिऊ चिंद लोहवा लंहि, दंङ इच्च़ा टबरातु ठ्रोह केनातु बिचंङ दाह लोहवा लंहि, ऊईतु टोईच़ी दया लोहवा लंहि इदि-अई दिरंङ साते नम्र शुहचे तोहई।