इब्रानियों 13:2 - लाहौली बाइबिल

² पखला मीहतिंङ ला पौहना तु आदर कंड्री हिद तंही, अंऊ पौहना ए ज़रूरतमंद मुसाफिर तोतोर, छना कुचे दिऊ दोरच़ी अंयों मीहच़ी स्वर्गदूतातु आदर-सत्कार लहरिर।

इब्रानियों 13:2 Iomraidhean Croise

मत्ती 25:35

छना कुचे गेह योंई तोईगा, दंङ केहच़ी गिह्बी ज़ेइमी रंदेंई; गिह्बी तीस्कार तोहई दंङ केहच़ी गिह्बी ती रांई; गेह परदेशी तोईगा, केहच़ी गेह केन्दु घरबारंङ शाहधेखातंई;

मत्ती 25:40

दंङ गेह रज्ज़ा दोतिंङ जुबाब रमोग, “गेह केतंङ हेले कुट्रातग केहच़ी गिऊ दिह कवचि वे कवचि चेलारंङ साते लाह, दुह गेरंङ लाह।

मत्ती 25:43

गेह परदेशी तोईगा, दंङ केहच़ी गेह केन्दु घरबारंङ माहशिली; गेह नंङटे तोईगा, दंङ केहच़ी गिह्बी खम लहच़िमी मराहणी; गेह बन्दीग्रहरिंङ तोईगा, केहच़ी गिऊ गांणी माहकेहरि।

प्रेरित 16:15

दंङ अपेहल दोई एनोह भत्ते खानदाना रंङ साते बपतिस्मा लेह्प्ती, दंङ दोई विनती लहरी, “अगर केहच़ी गिह्बी परमेश्वरो विशवासिनी चेहच़ातंई, दंङ अंज़े गिऊ चुंङ बंङज़ुंई, दंङ दोई ञेंहरे मानाके रेंज़ा शिली।”

रोमियो 12:13

परमेश्वरो मीहतिंङ छिल्ला ज़रूरत तोह, दोतु मदत लोह प्रोहानातु थल्जी केनातु चुंङ खी पेतंङ अल्ज़े तोह।

रोमियो 16:23

गयुस अतंङ साते गेह बंङज़ातग दोई ला केतिंङ नमस्कार कुट्रा। भत्ते विशवासी तु मंडली देर दोतु घरबारंङ दोआतोर। इरास्तुस अंऊ दि शहरो भंडारी तोह दंङ कारतुस हेंदु न्वा ला केतिंङ नमस्कार कुट्रा।

1 तीमुथियुस 3:2

दंङ दि ज़रूरी तोह कि कलीसिया ओ मुख्या बि दि गुण शुहबी जूंस, कि दुह निर्दोष शुहबी जूंस, दंङ इच्च़ा मेच़ो गगसा शुहबी जूंस, हर हालातरिंङ एनोह टोहकठे काबू लहज़ा, रूठे, ए पौहना तु आदर लहज़ा, दंङ परमेश्वरो बचन रूठे रंङ सिखाएच़ा शुहबी जूंस।

1 तीमुथियुस 5:10

दंङ एनोह रूठे कमो वहज़ा ज़ि दोऊ मिन शोतो, मतलब अच़ि एनोह कटुतु पालन-पोषण रूठे रंङ लहसी शोतो, दंङ पौहना तु सेवा लहसी शोतो, दोई ऊई विशवासी तु सेवा इच्च़ा परगरो ठ्रोह लहसी शोतो, दंङ दुखी मीहतु सेवा लहसी शोतो, दंङ हर पाहठी ऊ रूठे कमरिंङ सेहम लेहकी शोतो।

तीतुस 1:8

पर पौहना तु आदर लहज़ा ए ऊईतिंङ साते भलाई लहज़ा, समझदार, धर्मी, दंङ पवित्र जीवन श्रींङज़ाड़, दंङ एनोह हिटीतिंङ काबू लहज़ा शुहबी जूंस।

1 पतरस 4:9

मीहतु केनातु चुंङ स्वागत लंहि दंङ झांह चिड़चिड़ापन मेह लोहवा लंहि।

3 यूहन्ना 1:5

हे प्यारे, केई ईमानदारी रंङ साते हेंदु साथी मसीह तु मदत लहच़िमी थल्जी महस कम लहसी तातन, अंऊ दोच़ी रूठे खबरो प्रचार लहज़िमी थल्जी पिला हासी यात्रा लहज़ातोर देर तचेक कि केई दुह मीहतु लाह मदत लहज़ातन अतिंङ केई सेहच़ातन ए माह।