1 केनातु बिचंङ रिंङ-न्वारे तु दाह लोहवा लंहि।
दीह गप्पातु हुकुम गेह केतिंङ दिऊ थल्जी रंड्रातग कि केन्दु बिचंङ दाह लांही।
अंऊ ध्याड़ा यहुदी मीहरे पिन्तेकुस्त त्यार मानाएच़ी लेहकी तोईरे ता दोरे भत्तेर विशवासी यरूशलेम शहरा रिंङ इच्च़ा ठाहरीरिंङ ठ्रोहका शुईरे।
दंङ बिशवास लहज़ातु मंडली इच्च़ा सेहम ए इच्च़ा प्राण तोहई, देहर तचेक कि अच़िला एनोह टंगा ढबाह एनोह माह कुट्रातेर, छना कुचे अंऊ दोतु कछंङ तोहई दुह भत्ते तंङ साते फज़ातेर।
हे गिऊ प्यारे साथी विशवासी रे, केतिंङ परमेश्वरो केतिंङ आज़ाद शुहबिमी अंङे चरच़ाते, झांह लेह केतिंङ मूसा ओ कानूनो भाषे लहज़िमी ज़रूरत माह। केनोह दि आज़ादी बि केनोह फुको हिटी पूरा लहज़िमी ज़रिया थाबणेएक्तुं, पर इदि-अई दिरंङ साते दाह लंहि दंङ इदि-अई दिऊ सेवा लंहि।
पर अपेहल पवित्र आत्मा हेंदिंङ काबू लहज़ा दंङ दोऊ गुण दि तोह “दाह, खुशी, शांति, धीरज़, दया, भलाई, विशवासो जोगे, नम्रता दंङ हेंदु टोईच़ी काबू लहज़ी।”
अगर हेनर यीशु मसीहू टोईच़ी विशवास लहज़ातंई दंङ खतना शुहबी ए खतना माह शुहबिमी छल्ले फायदा माह। पर ज़रूरी गप्पा दि तोह कि हेनर मसीहू टोहकठे विशवास लहज़ातंई दंङ परमेश्वर ए ऊई मीहतु थल्जी दाह तहच़ातंई।
झांह लहज़िमी कोशिश लंहि ताकि केरे लगातार मेल-मिलाप रंङ साते बणेंके तोंई, छना कुचे केरे परमेश्वरो आत्माओ दोरच़ी इच्च़ा शुहचे इलजी तोतोंई।
मसीहू उदाहरणो हिद लहज़ा, ऊईतु थल्जी दाह रंङ साते जीवन श्रींङमा तंई, अच़ि केतंङ साते दाह लहज़ा दंङ केहतु पाप उठाएच़िमी थल्जी एनाबि बलिदान लेह च़रति। दंङ दिरंङ खुश तोहई छना कुचे दू बलिदान दोऊ थल्जी इत्रो ठ्रोह तोह।
हे गिऊ प्यारे साथी विशवासी रे, केहतु पाहठी ञेंतिंङ लगातार परमेश्वरो धन्यवाद लहच़ी जूंशी तोह, झांह लेह ञेंहतु थल्जी ठीक ला तोह, छना कुचे प्रभु यीशु मसीहरिंङ केहतु विशवास लगातार बड़ेक्पी लेहकी तोह, दंङ इदि अई दिऊ थल्जी केहतु दाह ला महस बड़ेक्पी लेहकी तोह।
अतंई हेनर इदि-अई दिरंङ साते दाह ए रूठे कमो दोरच़ी इदि-अईदि बि याहब रम्मा लोंहि।
छना कुचे हेले ओ भाषे लहज़िमी रंङ साते केतिंङ पापो दोरच़ी शुद्ध लेह चरच़ातंई, हेंतेग केतिंङ केनातु साथी विशवासी तंङ निष्कपट दाह लेह जूंशी तोह। इदि-अई दिरंङ साते महसे ए भत्ते सेहमे दाह लेह जारी तंही।
भत्ते तु आदर लंहि केनातु भत्ते साथी विशवासी तंङ साते दाह तंही, परमेश्वरा रंङ साते बेईनि, रज्ज़ा ओ आदर लंहि।
थल मुखंङ, गेह केतंङ साते दि कुट्री जुंज़ातग, कि केरे केनातु बिचंङ ठ्रोहका शुहचे बंङज़ुंई, दंङ इदि-अई दिऊ चिंद लोहवा लंहि, दंङ इच्च़ा टबरातु ठ्रोह केनातु बिचंङ दाह लोहवा लंहि, ऊईतु टोईच़ी दया लोहवा लंहि इदि-अई दिरंङ साते नम्र शुहचे तोहई।
भत्ते बे मोह्ड़े गप्पा दि तोह कि इदि-अई दिरंङ साते महसे बे महसे दाह लंहि, छना कुचे अगर केरे मीहतंङ साते दाह लहज़ातंई, दंङ केरे हमेशा अंऊ ला पाप बि माफ लहज़िमी थल्जी तेयार बंङज़ोंई, अंऊ दोच़ी लहसी ततोर।
पर केतिंङ माह सिर्फ झांह ठ्रोह तरीका रंङ श्रींङमी जूंशी तोह अंऊ परमेश्वरा बि खुश लहज़ा, पर केतिंङ इदि-अई दिऊ विशवासी तंङ साते केनातु टबरातु ठ्रोह व्यवहार लहज़ी जूंशी तोह, पर केतिंङ ऊई मीहतंङ साते दाह ला लहज़ी जूंशी तोह।
दंङ दोऊ हुकुम दि तोह कि हेनर दोऊ योह यीशु मसीहू मिंदंङ विशवास लोंई, दंङ छना दोई हेन्दिंङ हुकुम रांहषी ततो दोऊ ए हिसाबे हेंदु बिचंङ दाह लोहनि।
अगर अच़िया कोहतो, “गेह परमेश्वरारंङ साते दाह तहज़ातोग,” पर एनोह विशवासी न्वा रंङ साते बैर तहरि दंङ दुह हप्साड़ शुह; छना कुचे अच़ि एनोह न्वा रंङ अच़ि दुह तंङसी शुह दाह माह तहच़ा, दंङ दोई परमेश्वरारंङ साते ला अपि दोई तंङसी माह दाह तहच़ि मरपोतो।
पर गिह्बी कनु हखा दि शिकायत तोह: पर काह गेरंङ साते ध्वांए ठ्रोह दाह माह लहज़ातन छना ठ्रोह दाह केई गेरंङ साते दुह मुक्का लहज़ातेन अपेहल केई मुण्डा गिऊ टोईच़ी विशवास लाहतेन।
