इब्रानियों 12:3 - लाहौली बाइबिल

³ यीशु उदाहरणो पाहठी सोचेक्तुंई, कि दोई दू पापी तु थल्जी अंयों सहन लहरी अंऊ दोरंङ धोंण नफरत लहज़ातेर। दोई दिऊ थल्जी दुख सहन लहरी, ताकि केरे निराश शुहचे हिम्मत छोड़ेके माह केईनि।

इब्रानियों 12:3 Iomraidhean Croise

मत्ती 11:19

पर अपेहल गेह मीहू योह ज़ेहे तुंङमातोग दंङ केहच़ी कुट्रातंई कि गेह महस ज़ज़ा ए सरा तुंङज़ा, दंङ चुंगी लेहप्च़ातु ए पापीतु साथी शुगाह, पर अच़ि परमेश्वरो शिक्षा मनेके जोज़ा दोऊ ज़िंदगीरिङ परमेश्वरो ज्ञान हेले साबित शोतो।”

मत्ती 12:24

पर फरीसी ज़ि दिह रेड्री रंङ कुह्तेर, “दिहता मांजी आत्मातु मुख्या शेतानो सेवक शुह, अच़ि मांजी आत्मारे हुंपा।”

मत्ती 15:2

“कांह चेलारे तुईकी रीति रिवाज़ छिले माहमनेक्च़ातोर, कि गुहड़ च़ि मेह रोटी ज्वातोर?”

मत्ती 21:23

यीशु यहुदी मंदिरंङ इलजे उपदेश रंड्री लेहकी तोहई, दंङ यहुदी मोह्ड़े पुरोहितरे ए मीहतु यहुदी सेंहणाज़ि दोऊ कछंङ इलजे रुहकातोर, “केई दिह अतु अधिकारे लहतन? कनिंङ दिह अधिकार अच़ि रांहषी ताह्तो?”

मत्ती 21:46

दंङ दोच़ी दुह च़ुमज़ि ताहरेर पर मीहतंङ बेऐ इलिरे छना कुचे दोच़ी दोबि भविष्यवक्ता मनेक्च़ातेर।

मत्ती 22:15

दंङ फरीसी मीहज़ी इलजे एनातु बिचंङ विचार लहरिरे कि दोबि छना गप्पारिंङ फसापोंई।

लूको 14:1

दंङ यीशु अरामो ध्याड़ारिंङ फरीसी मीहतु मुख्या विचंङज़ि इदिऊ घरबारंङ बगत ज़ेई इलि; दंङ दोरे दि साकिमारिंङ तोईरे कि छना यीशु टोईच़ी अरोप लगाएपोंई।

लूको 15:2

पर फरीसी मीहरे ए यहुदी शास्त्रीरे एनातु बिचंङ दोऊ पाहठी गप्पा लहज़ी लेहतिर कि, “दिह ताह पापी मीहतंङ साते दोहआ दंङ दोतंङ साते बगत ला ज़ोआ।”

लूको 16:14

फरीसी मीहरे अरी लालची तोईरे, दिह भत्ते गप्पारे रेड्रीरंङ साते यीशु मज़ाक लहज़ी लेहतिरे।

लूको 2:34

दंङ शमौने दोतिंङ आशीष रेह, दोऊ याह मरियम रंङ साते कुतोह, “खंणु, दिह ता इस्राएल शहरंङ महस मीहतु उद्धार ए नाश शुहबिमी बजह शोतो, दंङ दिह इच्च़ा चेतावनीऊ निशानी ठ्रोह शोतो, अतु खिलाप मीहरेर गप्पा लोहर।

लूको 5:21

दंङ यहुदी शास्त्री ए फरीसी मीहरे बिवाद लहज़ी लेहतिर, “दीह मीह अरी शुह! दी ता परमेश्वरो बुराई लहज़ा! परमेश्वरो अलावा ऊई अच़िला पाप माफ लेह मरच़ि!”

यहून्नो 10:20

दोतु बिचंङ महसे ज़ि कुट्री लहतिरे, “दोऊ अंद्रेग मांजी आत्मा तोह दंङ दुह बमजी शुह; दोऊ थाह रेड्रुंई।”

यहून्नो 18:22

अपेहल दोई झांह कुंई, ता यहुदी मंदिरो पहरेदारातु बिचंङ च़ि इदि अंऊ दोऊ कछंङ खड़े तोहई, यीशु बि चटे रें कुंई, “छि केई यहुदी महापुरोहिता बि झांह ठ्रोह जुबाब रंड्रातन आ?”

यहून्नो 5:16

दी बजह च़ि यहुदी नेतारे यीशु बि परेशान लहज़ी लेहतिर, छना कुचे दोई झांह ठ्रोह कम अरामो ध्याड़ा रिंङ लाहते।

यहून्नो 7:12

दंङ मीहतु बिचंङ यीशु ऊ पाहठी गप्पा शुबी लेहती। अच़िया कुट्रातेर, “कि दुह रुठे मीह शुह” दंङ अतुआ कुट्री तोहई, “कि दुह भरमाएच़ा मीह शुह दंङ भत्ते तंङ साते धोखा लहज़ा।”

यहून्नो 8:13

फरीसी मीहज़ी दोऊ हखा कुईर; “केई केनोह गवाही केनाह ए रंड्रातन; कांह गवाही हेले माह शुह।”

यहून्नो 8:52

यहुदी सेंहणा ज़ि यीशु हखा कुईर, “दा ञेंहच़ी ञेंह केहतन कि कांह अंद्रेग मांजी आत्मा तोह; अब्राहम सीए इलजी तोह, दंङ भविष्यवक्तार ला सीए इलजी तोतोर; दंङ केई कुट्रातन कि ‘अगर अच़िया गिऊ शिक्षा मनेकपोतो ता दुह अनंत काल तचेक माह सीओतो।’

यहून्नो 8:59

दिह गप्पारे रेड्रा दोच़ी यीशु बि सच़िमी थल्जी रघ उठाएतिर, पर यीशु ट्रेपा यहुदी मंदिरंङ च़ि हुंच़ा इलि।

यहून्नो 9:40

अरी फरीसी मीहरे दोरंङ साते तोईरे, दोच़ी दीह गप्पा रेड्री रंङ साते यीशु ऊ हखा कुंई, “छि केई कुट्रातन आ कि ञेंहरे ला काणे शुंईयां?

1 कुरिन्थियों 15:58

झांह लेह हे गिऊ प्यारे साथी विशवासी रे, केनातु विशवासा रिंङ पक्‍का बंङज़ुंई दंङ गलत शिक्षा ओ वहज़ा ज़ि भटक्तेतुंई था, प्रभु थल्जी छि कम केहच़ी लहज़ातंई दोरिंङ हमेशा तुंखा शुई। छना कुचे दि ञेंहच़ा, कि छिल्ला धिर केहच़ी प्रभु थल्जी लोहनि दोऊ ईनाम केतिंङ पक्‍का खोकसोतो।

2 कुरिन्थियों 4:1

झांह लेह अपेहल हेंदु टोहकठे झांह ठ्रोह दया शुई, कि हेंदिंङ परमेश्वरो रूठे खबर प्रचार लहज़िमी सेवकाई खोकसिरी, दंङ हेंज़ी अपेहल ला हार माह खोकपोंई।

2 कुरिन्थियों 4:16

झांह लेह हेनर याहब माह छोड़ेक्च़ातंई; हेंदु धकते कि इन्सानी रूप कमज़ोर शुहचे यवात पर हेंदु तोंखी अन्तरात्मा हर ध्याड़ा खरकोई शुहचे यवाह।

गलातियों 6:9

हेनर रूठे कम लहज़िमी रंङ साते परेशान शुहबी माह जूंस, छना कुचे अगर हेनर परेशान माह शोंई, दंङ परमेश्वरो ठीक टेमारिंङ ईनाम खोकपोंई।

2 थिस्सलुनीकियों 3:13

हे गिऊ प्यारे साथी विशवासी रे, केरे भलाई लहज़िमी थल्जी हिम्मत था छोडे़क्तेंई।

इब्रानियों 12:2

हेंदिंङ यीशु तरफे खंड्री जूंशी तोह, अंऊ हेंदिंङ विशवासो दोरच़ी तुंखा बढ़ाएच़ा दंङ हेंदु विशवास पूरा लहज़ा। दोई षेह्पिमी छा चिंद माह लहच़ी ते क्रूसो दुख सहन लहरी दंङ सिए इलि; छना कुचे दोई ञेंहच़ाते कि दोई झांह लहरी। हेंतेग दू परमेश्वरो सिंहासनो सुचंङ हासी बंङज़ा तोह।

इब्रानियों 12:5

पर केरे दू हिम्मतो उपदेश पेहषा इलजी तोतोंई, अंऊ परमेश्वरे केतिंङ एनोह योह चेहके ते रंदे, “हे गिऊ योह, अपेहल प्रभु ज़ि केतिंङ दि एहसास दिलाएच़ा कि केहच़ी गलत लाहतंई, दंङ अपेहल दोई केतिंङ रैहच़तो ता केहच़ी हिम्मत छोड़ेक्तुंई था।

इब्रानियों 3:1

झांह लेह, हे गिऊ प्यारे साथी विशवासी रे, केरे अंऊ स्वर्गा रिंङ दोरंङ साते शामिल शुहबिमी थल्जी बुलासी शुईं, मसीह यीशु टोईच़ी ध्यान रांही! दुह हेंदु थल्जी परमेश्वरो रूठे खबरो प्रेरित यहुदी महापुरोहित शुह।

1 पतरस 2:23

अपेहल मीहच़ी यीशु अपमान लहरिर, दंङ दोई किरच़े ते दोतु अपमान माह लहरी। दंङ माह ए दोई दोतिंङ दुख रंड्रीमी कोशिश लहरी, बल्कि दोई एनोह मदतो थल्जी परमेश्वरो टोईच़ी भरोसा लहरी। दोई ञेंहच़ाते कि परमेश्वर हमेशा सच्चाई रंङ साते मीहतु न्याय लहज़ा।

प्रकाशित वाक्य 2:3

केई धीरज़ रंङ दुख सहन लहज़ातन, छना कुचे काह गिऊ टोईच़ी विशवास लहज़ातन, दंङ केई अपेहल ला सेवा लहज़ी बंद माह लहज़ातन।