इब्रानियों 12:2 - लाहौली बाइबिल

² हेंदिंङ यीशु तरफे खंड्री जूंशी तोह, अंऊ हेंदिंङ विशवासो दोरच़ी तुंखा बढ़ाएच़ा दंङ हेंदु विशवास पूरा लहज़ा। दोई षेह्पिमी छा चिंद माह लहच़ी ते क्रूसो दुख सहन लहरी दंङ सिए इलि; छना कुचे दोई ञेंहच़ाते कि दोई झांह लहरी। हेंतेग दू परमेश्वरो सिंहासनो सुचंङ हासी बंङज़ा तोह।

इब्रानियों 12:2 Iomraidhean Croise

मत्ती 16:21

दोहथर यीशु एनोह चेला तिंङ कंड्री लेहती, “ज़रूरी तोह कि यरूशलेम शहरो हखा योग दंङ यहुदी सेंहणा मीहरे यहुदी मोह्ड़े पुरोहित ए यहुदी शास्त्री तु गुहड़च़ि महस दुख उठाएपोग सिए योग दंङ तीसरा ध्याड़ारिंङ षीङे योग।”

मत्ती 20:28

छना कि गेह मीहू योह; दिऊ थल्जी अंज़े मशुह कि गिऊ सेवा टहल शुहबी जूंस, पर दिऊ थल्जी अंज़े शुह कि सेवा टहल लोहग, दंङ महसतिङ बचाएच़िमी थल्जी घेंङौ जान रमोग।”

मरकुसो 14:36

छना कुचे केई भत्ते धिर लेह तरपोन। दि दुखो घड़ी गिऊ तुईज़ी ऐखा लेह च़रतु। तांला गेह छना जुंज़ातेग ध्वांए मा शुह, दंङ केई छी जुंज़ातन ध्वांए ए शुह।”

मरकुसो 15:28

(झांह लेह पवित्रशास्त्रो दुह वचन पुरे शुई अंऊर मसीहू पाहठी च़ेहसी तोह, “कि दुह अपराधी तु साते चुवासा योतो।”)

मरकुसो 16:19

प्रभु यीशुज़ि एनोह चेला तु हखा दि गप्पारे कुट्रिमी थल, दंङ परमेश्वरे प्रभु यीशुबि सर्गो हखा रेंज़ा शीलिरे। दंङ दुरेह इलजे दुह परमेश्वरो सुचंङ हासी इज्ज़त रंङ बंङज़ा इलि।

मरकुसो 9:12

यीशुज़ि जवाब रेंई, “दिह हेले शुह कि एलियाह भविष्यवक्ताज़ि तुहई अंज़े भत्ते धिर ठीक लोहतो। पर गेह केतिंङ कुट्रातग, यूहन्ना बपतिस्मा रंड्रा एलियाह ओ ठाहरीरिंङ गिहबे लाह तुई अच़ा अंजा। दंङ दोई भत्ते धिर ठीक लोहतो, मीहज़ी एनोह मर्ज़ी लेह दुह लहज़ातोर छना दोच़ी जुन्ज़ातेर छना दोऊ पाहठी च़ेहसी तोह। दाह केहच़ी सोचेकतोंई कि गिऊ पाहठी अरी परमेश्वरो तरफे च़रसी शुगाह, पवित्र शास्त्ररंङ झांह ठ्रोह छिल्ला च़ेहसी तोह? ‘कि मीहज़ी गेह मीहू योह बि महस बर्दो रमोंर, मासुखापोर दंङ गेह स्वीकार ला माह लोहर।’ ”

मरकुसो 9:24

कटु पिता परमेश्वरे दोहथल ए बिनती लेह कुंई, “हे प्रभु, गेह विशवास लहज़ातग, गिऊ अबिश्वासबि गिऊ दोरच़ी शत्‌ह लेह च़रतु।”

लूको 17:5

दंङ प्रेरित ज़ि प्रभु यीशु हखा कुहतोर, “ञेंहतु विशवास बि ऊई ला पक्‍का लोहू।”

लूको 23:11

दंङ रज्ज़ा हेरोदेसे एनोह सेनिक रंङ साते यीशु बेज़ती ए मज़ाक लहरी लेहतिर, दंङ चमकदार खमज़ेर लेहकी पिलातुसो हखा याहच़े च़रति।

लूको 24:26

दिह ज़रूरी तोहई कि मसीह ज़ि दिह भत्ते दुख उठाएपोतो दंङ यच़ाह एनोह महिमा रिंङ प्रवेश लोहतो।”

यहून्नो 1:29

“दोऊ ओइरग दोई यीशु बि एनोह हखा अपि तंङाते कुहतो, खंणु, दी परमेश्वरो कुर्च़ा शुह, अच़ि संसारो पापो उठा के शिली!

यहून्नो 12:24

गेह केतंङ साते हेले कुट्रातग, अपेहल तचेक छ्वाऊ सोल धरती रिंङ इलजे सीए मेहवा, दुह इच्च़ा केहषी पर अपेहल सीए य्वा, ता महस फल हपा।

यहून्नो 12:32

दंङ अपेहल गेह धरतीऊ टोहकठे च़ि खेका लोहर ता भत्ते मीहतिंङ घेंङौ कछंङ हपोग।”

यहून्नो 13:3

यीशु दिह ञेंहच़ाते कि दोबि भत्ते चीज़ो टोहकठे अधिकार रांहषी ततो दंङ दिह ला कि दुह परमेश्वरो दोरच़ी अंज़े शुह दंङ परमेश्वरो कछंङ वापिस इबिमी तोह।

यहून्नो 6:40

छना कुचे गिऊ पिता परमेश्वरो हिटी दिह तोह, कि अच़िला गिह्बी खमोर, दंङ गिऊ टोहकठे विशवास लोहर, दोई अनंत जीवन खोक्पोतो; दंङ गेह अंतिम ध्याड़ा रिंङ यच़ाह षीङमी लोहग।”

यहून्नो 8:56

केहतु बाह मेमे अब्राहम गिऊ ध्याड़ा खंड्रिमी थल्जी मगन तोहई; दंङ दोई तंङतो दंङ खुश शुई।”

प्रेरित 2:36

दिऊ थल्जी इस्राएल देशो भत्ते मीहतिंङ दि ञेंई च़रतुंई कि परमेश्वरे दिह ए यीशु बि अतिंङ केहच़ी क्रूसो टोईच़ी चढ़ाएकातेंई, “प्रभु ला ठहराएति दंङ मसीह ला ठहराएति।”

प्रेरित 3:15

दंङ केहच़ी दुह सच़ी च़रतिन, अरि मीहतिंङ हमेशा ओ जीवन रंड्रा, पर परमेश्वरे दोबि सिए दोतु बिचंङ ज़ि श्रींङमी लहरी; दंङ दिह गप्पातु ञेंहरे गवाह तोतोंई।

प्रेरित 5:31

परमेश्वरे दोबि स्वर्गो हखा रेंज़ा शिलि दंङ दोऊ महसे आदर लहरी। दंङ दोबि प्रभु ए उद्धार लहज़ा ठहराएति, ताकि इस्राएल ओ मीहरे एनातु मदम सोच बिचार ए अमतु दोरच़ी परमेश्वरो हखा किर्ज़ोर दंङ दोऊ दोरच़ी एनातु पापो थल्जी माफी खोक्पोर।

प्रेरित 5:41

दंङ दोरे यहुदी सभा ओ तुईज़ी हुंच़ा इलिर। दंङ छना दोरे वापिस यवातेर दोरे दि गप्पा रंङ खुश शुचे तोईरे कि ञेंरे यीशु थल्जी निरादर शुहबिमी जोगे शुईरे।

1 कुरिन्थियों 1:18

अपेहल मीहरे दि रूठे खबर रेड्रातोर कि मसीह क्रूसो टोईच़ी सिए इलि दंङ दोतु बिचंङ रें मीहरे दि सोचेक्च़ातोर कि दि खबर शुहके शुह। अंऊ मीहरे झांह ठ्रोह सोचेक्च़ातोर दोरे नरको हखा इबि लेहकी तोतोर। पर हेंदु थल्जी अंऊ दू रूठे खबरो टोईच़ी विशवास लहज़ातोर, दि परमेश्वरो मीहतिंङ एनोह सामर्थो दोरच़ी बचाच़िमी तरीका शुह।

1 कुरिन्थियों 1:23

पर हेनर दि प्रचार लहज़ातंई कि मसीह हेंदिंङ हेंदु पापो दोरच़ी छुड़ाएच़िमी थल्जी क्रूसो टोईच़ी सिए इलि। अंऊ यहुदी तु कछंङ ठोकरो वहज़ा, दंङ ऊईजाति तु कछंङ मुर्खता तोह।

इफिसियों 2:16

क्रूसो टोईच़ी एनोह मौतो दोरच़ी मसीह ज़ि झुह्ट झुण्डा बि इच्च़ा लेह च़रति दंङ दोतु मेल-मिलाप परमेश्वरा रंङ साते लेह च़रति, झांह लेह यहुदी ए ऊईजाति तु मीहतु बिचंङ दुश्मनी योह्च़े च़रति।

इफिसियों 5:2

मसीहू उदाहरणो हिद लहज़ा, ऊईतु थल्जी दाह रंङ साते जीवन श्रींङमा तंई, अच़ि केतंङ साते दाह लहज़ा दंङ केहतु पाप उठाएच़िमी थल्जी एनाबि बलिदान लेह च़रति। दंङ दिरंङ खुश तोहई छना कुचे दू बलिदान दोऊ थल्जी इत्रो ठ्रोह तोह।

फिलिपियों 1:6

गिह्बी दि गप्पा ओ विशवास तोह कि परमेश्वरे केहतु बिचंङ छा रूठे लहच़ी शुरूआत लहतो, दोई ए दोबि यीशु मसीहू वापिस अपिमी ध्याड़ा तचेक पूरा लोहतो।

फिलिपियों 3:20

पर हेंदु देश स्वर्ग शुह, दंङ हेनर हेंदु उद्धार लहज़ा प्रभु यीशु मसीहू स्वर्गंङ ज़ि वापिस अपिमी थल्जी रुमज़ा तोतोंई।

2 तीमुथियुस 4:8

दंङ हेंतेग जीतो दुह मुकुट गिऊ थल्जी रुमज़ा, छना कुचे गेह घेंङौ जीवनो दोरच़ी परमेश्वराबि खुश लहतेग। प्रभु अंऊ धर्मिकताओ कम रंङ साते भत्ते मीहतु न्याय लहज़ा दुह, दुह ध्याड़ा गिह्बी दुह मुकुट रमतो अपेहल न्याय लहज़िमी थल्जी दोबारा अपतो पर दुह गिह्बी ए मशत पर दोतिंङ भत्ते दि ईनाम रमतो अंऊ दोऊ यह्च़ा अपिमी थल्जी रुमज़ा तोतोर।

इब्रानियों 1:13

दंङ परमेश्वरे एनोह स्वर्गदूतातु बिचंङ ज़ि दोई अपेहल कुहतो, काह गिऊ सुचंङ हासी बंङज़ु, कि “काह गिऊ सुचंङ आदरो ठाहरीरिंङ बंङज़ु, अपेहल तचेक कि गेह कनु बैरीतिंङ कांह वशारिंङ लेह माहकेग?”

इब्रानियों 1:3

दू योह ए परमेश्वरो महिमा ओ छंङी दंङ हर तरफे परमेश्वरो ठ्रोह तोह। दंङ भत्ते संसारा बि दंङ एनोह शाक्तिशाली बचनो दोरच़ी, भत्ते संसारा बि खड़े लहज़ी तहज़ा। दोई मीहतिंङ दोतु पापो दोरच़ी शुद्ध लेह च़रति, दंङ दोऊ थल स्वर्गारिंङ महिमामय परमेश्वरो सुचंङ हासी विराजमान शुहचे इलि।

इब्रानियों 10:33

रेह बिचंङ ता झांह शुई कि, कि केरे अपमान ए अत्याचार सहन लहज़ा भत्ते तु तुईज़ी तमाशा बणेंके इलांई, दंङ रें बिचंङ केरे दू मीहतु बिचंङ शामिल शुहचे इलांई अंऊ दोतु अपमान शवाते दंङ अंऊ दोतंङ साते मदम बर्ताब शवाते।

इब्रानियों 11:36

रेह मीहतिंङ मज़ाक ए कोड़ा तु सामना लहज़ी लेहती पर रें तिंङ षंङणी रें छ़ुह्च़ी बन्दी घरबारंङ केहच़ी च़रतिर।

इब्रानियों 12:3

यीशु उदाहरणो पाहठी सोचेक्तुंई, कि दोई दू पापी तु थल्जी अंयों सहन लहरी अंऊ दोरंङ धोंण नफरत लहज़ातेर। दोई दिऊ थल्जी दुख सहन लहरी, ताकि केरे निराश शुहचे हिम्मत छोड़ेके माह केईनि।

इब्रानियों 13:13

झांह लेह अतंई हेंज़ी यहुदी कानून छोड़ेके यीशु टोईच़ी विशवास लोहनि दंङ तम्बू धकतेखा योंई अंऊर मीहरे तोतोर, छना दोच़ी निन्दा सहन लहरिर ध्वांए हेंज़ी ला निन्दा सहन लोहनि।

इब्रानियों 5:9

परमेश्वरे मलिकिसिद्को ठ्रोह दोबि यहुदी महापुरोहित ओ आदर रांही, दोबि सिद्ध बणाएति दंङ दू भत्ते मीहतु थल्जी उद्धारो शुरूआत बणेंके इलि अंऊ दोऊ हुकुमो भाषे लहज़ातेर।

इब्रानियों 7:19

झांह लेह मूसा ओ कानून अंऊ ला गप्पा सिद्ध माह लहज़ा, पर दोऊ ठाहरीरिंङ हेंदु दोर इच्च़ा मोह्ड़े उम्मीद तोह अंऊ यीशु मसीह रिंङ तोह, अंऊ दोऊ दोरच़ी हेनर परमेश्वरो कछंङ अपि तरपोंई।

इब्रानियों 8:1

हेंतेग अंऊ गप्पा ञेंहच़ी कुट्रातंई, दोतु बिचंङ भत्ते बे मोह्ड़े सच्चाई दि तोह, कि ञेंहतु कछंङ झांह ठ्रोह यहुदी महापुरोहित तोह, अंऊ हेंतेग ला स्वर्गंङ परमप्रधान परमेश्वरो सिहासन सुचंङ हासी बंङज़ा इलजी तोह,

इब्रानियों 9:28

ध्वांए ठ्रोह, मसीह ला भत्ते मीहतु पाप बि एनोह टोईच़ी कुरच़ा इच्च़ा फेरा बलिदान शुहचे इलि। अपेहल दू दोबारा अपतो दू मुक्का दू पापो थल्जी बलिदान शुहबी मशत पर दोतिंङ बचाएच़िमी थल्जी अपतो अंऊ दोबि रुमज़ा तोतोर।

याकूब 2:1

हे गिऊ प्यारे साथी विशवासी रे, केरे हेंदु महिमामय प्रभु यीशु मसीहू चेला शुई, झांह लेह केतिंङ पक्षपात शुहबी माह जूंस।

1 पतरस 1:11

मसीहू आत्मा भविष्यवक्ता तु अंदरेग तोह, अंऊ मसीहू दुख ए दू दुख थल खोकच़ा मोह्ड़े दाह ओ पाहठी दोतिंङ तुहई ए कंड्राते। भविष्यवक्ता ज़ि तुहई ए दि ञेंच़िमी कोशिश लहरिर, कि आत्मा दोतिंङ छि कंड्रा, दि भत्ते गप्पा अपेहल शोतो दंङ दि छना पूरे शोतो।

1 पतरस 3:18

गेह दि दिऊ थल्जी कुट्रातग, छना कुचे मसीह ज़ि हेंदु पापो थल्जी दुख सहन लहरी दंङ सिए इलि। दू सिर्फ इच्च़ा फेरा सिए इलज़ा दंङ दोबि दोहराएच़िमी ज़रूरत माह। दू इच्च़ा धर्मी मीह तोहई अंऊ पापी मीहतु थल्जी सिए इलि ताकि दू हेंदिंङ परमेश्वरो कछंङ रैंज़ा शोतो। दोच़ी दोऊ फुक सचे च़रतिर, पर परमेश्वरे दोबि पवित्र आत्माओ सामर्थ रें यह्च़ा श्रींङमी लेह च़रति।

1 पतरस 3:22

दंङ दुह स्वर्गो हखा अच़ा इलज़ा। हेंतेग दू दोर्तिंङ परमेश्वरो सुचंङ हासी भत्ते बे खास ठहरि बंङज़ा तोह, दंङ दू भत्ते स्वर्गदूत ए भत्ते अधिकारी दंङ शाक्ति तु टोईच़ी राज लहज़ा।

यहूदा 1:21

केनातु थल्जी परमेश्वरो दाह महसूस लोहवा लंहि। अपेहल कि केरे हेंदु प्रभु यीशु मसीहू दि उम्मीदा रंङ साते इंतज़ार लहज़ातंई कि केतिंङ अनंत जीवन खोकसोतो। दोई झांह पक्‍का ए लोहतो छना कुचे दोई केतंङ साते दाह लहज़ा।

प्रकाशित वाक्य 1:11

कि “छिल्ला केई खंड्रातन, दोबि कताबारिंङ च़ेहसी ते निह्ज़ी कलीसिया बि चरच़ि च़रतु, अंऊ दि शहरारिंङ तोह, इफिसुस, स्मुरना, पिरगमुन, थुआतीरा, सरदीस, फिलेदिलफिया ए लौदीकिया।”

प्रकाशित वाक्य 1:17

अपेहल गेह दोबि खंड्रातग ता दंङ गेह दोऊ कोंज़ो टोईच़ी दह्चे इलिगा। गेह इच्च़ा सिए मीहू ठ्रोह शुहचे इलिगा। दंङ दोई गिऊ टोईच़ी एनोह सुचंङ गुह्ट्र केहच़ी कुहतो, “बेऊ था; गेह मुण्डो ए थल मुखङ तचेक शुगाह, दंङ गेह दुह शुगाह अंऊ जहानो जुंशी शुगाह।”

प्रकाशित वाक्य 1:8

प्रभु परमेश्वरे कुट्रा, “गेह अल्फा ए ओमेगा शुगाह, मतलब, शुरूआत ए अंत शुगाह। गेह ए शुगाह अंऊ तोतोग, अंऊ तोईगा, दंङ अंऊ एंतेग अपिमी तोह दंङ सर्वशक्तिमान तोह।”

प्रकाशित वाक्य 2:8

स्मुरना शहरो विशवासी तु मंडली ओ स्वर्ग दूताबि दि चेऊ: “बेऊ था; गेह मुण्डो ए थल मुखंङ तचेक शुगाह, दंङ गेह दुह शुगाह अंऊ जहानो जुंशी शुगाह।” गेह इच्च़ा फेरा सिए इलजी तोईगा पर एंतेग गेह श्रींङे तोतोग दंङ हमेशा श्रींङे बंङज़ोग, अंऊ गेह कुट्रातग दुह रेड्रुंई।