इब्रानियों 12:1 - लाहौली बाइबिल

¹ हेंदु कछंङ झांह ठ्रोह महस मीहरे तोतोर अंऊ दोतु विशवासे दि कंड्रा कि विशवासो मतलब छि शुहबी। दिऊ थल्जी अतंई हेंज़ी हर इच्च़ा रूकावट दंङ पाप बि शत्‌ह लेह, हेंदिंङ अंऊ अमरिंङ जोज़िमी तोह, दोऊ टोईच़ी जोज़ातंई।

इब्रानियों 12:1 Iomraidhean Croise

मत्ती 10:22

दंङ गिऊ टोहकठे विशवास लहज़िमी रंङ साते भत्ते मीहच़ी केतंङ साते बैर लोहर; पर अंऊ दुखो अनंत तचेक गिऊ टोहकठे पक्‍का विशवासरिंङ बंङज़ोतो, परमेश्वरे दुह बचाके च़रपोतो।

मत्ती 24:13

पर अंऊ जीवनो अंत तचेक गिऊ टोहकठे पक्‍का विशवासरिंङ बंङज़ोतो, परमेश्वरे दुह बचाके च़रपोतो।

मरकुसो 10:50

दुह कांणे दोई एनोह लेहसी चादर छ़ंङज़ा दोपहल ए खड़े शुहचे यीशु ऊ कछंङ अति।

लूको 12:15

दंङ यीशुज़ि दोतंङ साते कुंई, “खबरदार तोंई, भत्ते पाहठी लालच रंङ साते बचेकी बंङज़ुंई; छना कुचे अतु ला जीवन दोऊ टंगा ढबाहो दोरच़ी माह शुबी।”

लूको 16:28

छना कुचे गिऊ ङा न्वारे तोतोर; गेह जुंज़ातग कि दुह इलजे गिऊ न्वातिंङ खबरदार लोहतो, झांह शुहबी मेस कि दोहरेला दिह दुख खांची अपोर।

लूको 21:34

“दिऊ थल्जी खबरदार तोहई, झांह शुहबी माह जूंस कि केहतु सेहम मस्त ए मतवाला, दंङ दिह ज़िन्दगीऊ चिंदे सुस्त शुहचे योतो। दंङ दुह ध्याड़ा फन्दा ओ ठ्रोह अचानक केहतु तुईज़ी अपतो।

यहून्नो 3:32

अंऊ ला दोई खंणी दंङ रेड्री, दोऊ ए गवाही रंड्रा; पर थोड़े अरे मीहरे दोऊ गवाही ग्रहण लहज़ातेर।

यहून्नो 4:39

दुह नगरो महस सामरी मीहज़ी दुह मेच़मीऊ कुट्रिमी रंङ साते यीशु टोईच़ी विशवास लहरीर; अच़ि दिह कुहते कि: दोई भत्ते धिर छिला गेह लहतेग, गिह्बी कंज़े च़रति।

यहून्नो 4:44

छना कुचे यीशु ज़ि ऐनाह ए गवाही रेंई कि भविष्यवक्ता बि एनोह देशंङ आदर माह खोखकसी।

रोमियो 12:12

हेंदु कछंङ छि उम्मीद तोह दोऊ वहज़ा ज़ि खुशी मनेक्तुंई; मुसीबता रिंङ धीरज़ तंही भत्ते टेमारिंङ प्रार्थना लोहवा लंहि।

रोमियो 2:7

अंऊ मीहरे ड्काह बंङज़ा ते भलाई लहज़ा ते महिमा ए आदरो, अपेहल ला माह योह्सा जीवनो खोजारिंङ लेहकी बंङज़ातोर, परमेश्वर दोतिंङ अनंत जीवन रमतो;

2 कुरिन्थियों 7:1

हे गिऊ प्यारे साथी विशवासी रे, अपेहल परमेश्वरे हेंदंङ साते वाईदा लोहतो, दंङ अतंई हेनर फुक ए सेहमो भत्ते पाहठी बुराई दोरच़ी हेंदिंङ शत्‌ह तोहनि, दंङ परमेश्वरो बेह्द चेहके हेंदिंङ भत्ते रिति रंङ पवित्र जीवन श्रींङमी कोशिश लंहि।

गलातियों 2:2

गेह दोर दिऊ थल्जी इलिगा छना कुचे परमेश्वरे गिह्बी इबिमी थल्जी कुहते। दंङ अपेहल गेह दोर तोईग दंङ गेह अगुवा तंङ साते सामटे ठ्रोह दोहरिगा दंङ दोतिंङ दू रूठे खबरो पाहठी कंड्रीगा अंऊ गेह ऊईजाति तु बिचंङ प्रचार लहज़ी लेहकी तोईगा। ताकि झांह शुहबी मेस, कि गिऊ दि टेमो या थलेकी दू मेहनत शुहके शोतो।

गलातियों 5:7

केरे ता केनातु आत्मिक ज़रका रिंङ ला रूठे रंङ ज़रका रैंईनि। अच़ि केतिंङ तुंखा शुहबिमी दोरच़ी रोकेक्सी ततो कि केरे सच्चाई बि था ञेंहनि।

इफिसियों 4:25

झांह लेह हप्सी कुट्री छोड़ेके, हर इच्च़ा साथी विशवासारंङ साते हेले कुंई, छना कुचे हेनर भत्तेर इच्च़ा फुको अंङ शुई।

फिलिपियों 1:30

दंङ केतिंङ ला ध्वांए दुख उठाएच़ी जूंशी तोह, छना केहच़ी गिह्बी दुख उठाएच़ी तंङसी शुई, अपेहल गेह केतंङ साते फिलिप्पी शहरंङ तोईग, दंङ अंऊ दुखो पाहठी केहच़ी रेड्रातंई अंऊ गिह्बी जेलंङ हेंतेग ला तोह।

फिलिपियों 2:16

झांह लेह गेह मसीहू यह्च़ा अपिमी ध्याड़ो थल्जी दि गप्पो टोहकठे घमण्ड लेह तरपोग कि गिऊ कोशिश ए मेहनत लहज़ी बेकार माह शुई।

2 तीमुथियुस 2:4

इच्च़ा सेनिक अंऊ सेना रिंङ शवात, दुह एनोह कम ओ छोड़ेके ऊई छल्ले कम माह लहज़ा, छना कुचे दुह एनोह अधिकारी बि खुश लहज़ी जुंज़ा।

2 तीमुथियुस 4:7

छना इच्च़ा रूठे योद्धा लड़ाईरिंङ हार माह मनेक्च़ा ध्वांए गेह ला प्रभु थल्जी महस मेहनत लहज़ी माह छोड़ेक्च़ातग। गेह मसीहू रांहषी कम पूरा लेह चरच़ातग, गेह प्रभु रिंङ थल मुक्का तचेक वफादार बंङज़ातग।

इब्रानियों 6:15

अब्राहमे धीरज़ा रंङ साते लम्हें टेम तचेक इंतज़ार लहरी। दोहपल दोइ, दू खोकसिरी अतु वाईदा परमेश्वरे दोरंङ साते लाहते।

याकूब 1:3

छना कुचे केहच़ी ञेंहच़ातंई कि केहतु विशवास परखेक्सा योतो, दोहपल केहतु धीरज़ बणेक्पोतो।

1 पतरस 2:1

झांह लेह भत्ते पाहठी मदम व्यवहार छोड़ेके च़रतुंई। ऊईतिंङ धोखा थारांई, पाखंडी थाशुंई। ऊईतिंङ साते जलन थालंही। ऊई मीहतु पाहठी मदम गप्पा था कुंई।

1 पतरस 4:2

एंतेग बेहच़ी, यह्च़ा, केरे केनातु ऊई संसारिक ज़िन्दगी बि पापो हिटी पूरा लहज़िमी थल्जी मश्त; पर परमेश्वरो हिटी पूरा लहज़िमी थल्जी श्रींङे च़रतुंई।

1 पतरस 5:1

रें झांह ठ्रोह गप्पा तोह अंऊ गेह दोरकी सेंहणा तंङ साते कुट्री तातग छना कुचे गेह ला केहतु ठ्रोह इच्च़ा सेंहणा शुगाह। गेह घेंङौ दू दुखा बि तंङातेग अंऊ महसे तुहई मसीह ज़ि सहन लहरी। अपेहल दू यह्च़ा वापिस अपतो, दंङ गेह ला दोऊ महिमा रिंङ सहभागी शोहग दंङ गेह केतंङ साते विनती लहज़ातग,

1 पतरस 5:12

गेह दि कवचि डाक सिलवानुसो मदते चेहच़ातग दंङ केतिंङ चरच़ातग। गेह दोबि मसीह रिंङ इच्च़ा विशवासो जोगे साथी मनेक्च़ातेग। गिऊ दि डाक चेहच़िमी खास वहज़ा केतिंङ उत्साहित लहज़ी ए केतिंङ भरोसा रंड्रीमी तोहई, कि छिल्ला धिर केहच़ी महसूस लहज़ातंई दू हेले रिंङ केहतु थल्जी परमेश्वरो मोह्ड़े दाह ऊ हिस्सा शुह। दि मोह्ड़े दाह रिंङ खड़े बंङज़ुंई।

2 पतरस 1:6

दंङ माह सिर्फ दि ञेंहच़ी जूंशी तोह कि समझदारी रंङ साते छना व्यवहार लेह जूंशी तोह, बल्कि केतिंङ केनातु टोईच़ी काबू ला लहज़ी जूंशी तोह, बल्कि केतिंङ मुसीबता रिंङ ला धीरज़ तहच़ि जूंशी तोह।

प्रकाशित वाक्य 1:9

“गेह यूहन्ना, केहतु साथी विशवासी, दंङ यीशु रंङ साते केहतु एकता ओ वहज़ा ज़ि गेह केतंङ साते परमेश्वरो राज रिंङ, दुखा रिंङ, दंङ दुह सहन लहज़िमी शाक्ति रिंङ सहभागी तोतोग, गिह्बी पतमुस टापूरिंङ कैदी बणाके चरच़ि छना कुचे परमेश्वरो खबर ए यीशु दोरच़ी प्रगट लहसी सच्चाई ओ प्रचार लहज़ा।”

प्रकाशित वाक्य 13:10

अंऊ मीहतिंङ कैद लहज़ी जूंशी तोह, दोरे पक्‍का रूपारिंङ कैद शोर, दंङ अतु थल्जी पक्‍का तोह कि अतु थल्जी ज़रूरी तोह कि दोरे ऊई मीहतु दोरच़ी तलवारे रें सच़ी च़रपोर, दंङ दोरे पक्‍का रूपा रिंङ तलवारे रें सच़ी च़रपोर। दिऊ थल्जी जूंशी तोह कि परमेश्वरो मीहरे दुह खरे तिंङ सहन लंहि अंऊ दोऊ दोच़ी अनुभव लहज़ातोर दंङ विशवास लहज़िमी थल्जी पक्‍का शुहचे बंङज़ेंई।

प्रकाशित वाक्य 22:16

“गेह यीशु ज़ि घेंङौ स्वर्गदूता बि केहतु कछंङ कलीसिया तु पाहठी दि गप्पा तिंङ प्रगट लहज़िमी थल्जी चरच़ातग। गेह रज्ज़ा दाऊद ओ खानदानो शुगाह; गेह ए शुगाह, अंऊ दुह कर तु ठ्रोह तोतोग अंऊ एके हुंच़िमी मुक्का चमकेपी।”

प्रकाशित वाक्य 3:10

केई गिऊ खबरो भाषे लहज़ातन ताकि अपेहल केई दुख उठाएपोन दंङ दुह धीरज़ा रंङ साते सहन लेह तरपोन। झांह लेह, गेह मोह्ड़े परीक्षा ओ मुक्का कांह रक्षा लेह तरपोग। परीक्षा ओ दि मुक्का दि संसारो भत्ते मीहतु टोईच़ी अपतो।