इब्रानियों 11:4 - लाहौली बाइबिल

⁴ विशवासो दोरच़ी ए हाबिले एनोह मोह्ड़े न्वा कैन बे रूठे बलिदान चढ़ाएक्ते; दंङ दोऊ बलिदानो दोरच़ी परमेश्वरे स्वीकार लहरी कि हाबिल इच्च़ा धर्मी मीह तोहई। छना कुचे परमेश्वर हाबिलो बलिदानो दोरच़ी खुश तोहई। हालांकि हाबिल सिए इलजी तोह, तांला हेनर परमेश्वरो टोईच़ी विशवास लहज़िमी पाहठी दोरंङ सिखेक्च़ातंई।

इब्रानियों 11:4 Iomraidhean Croise

इब्रानियों 12:24

केरे यीशु कछंङ अंज़े शुई अंऊ परमेश्वर ए मीहतु बिचंङ खरकोई वाईदा ओ बिचवाई लहज़ा, दंङ पुरच़ि शुहई कछंङ अंज़े तोहई, अंऊ हाबिलो शुई ओ ठ्रोह क्रपिमी वहज़ा पाप माफ लहज़िमी गप्पा लहज़ा।

यहूदा 1:11

दोतु टोईच़ी हाय! कि दोच़ी आदमो योह कैनो ठ्रोह मदम व्यवहार लहरिर, अच़ि एनोह न्वा सचे च़रति। दोच़ी जल्दबाज़ी रिंङ दुह ए गलती लहरिर अंऊ बिलामे ऊई मीहतिंङ पापो हखा शिल्ज़िमी मुक्का लहरी ताकि ढबाह खोक्शे तरपोतो। छना मूसा ओ खिलाप विरोध लहज़ा कोहर वंशो नाश शुहचे इलि, ध्वांए ठ्रोह दिरे मीहरे ला नाश शुहचे योर छना कुचे दोरे ला प्रभु खिलाप विद्रोह लहज़ातोर।

मत्ती 23:35

दिऊ थल्जी धर्मी हाबिल ओ दोरच़ी बे तिखियाहो माह जकर्याह तचेक अतिंङ केहच़ी यहुदी मंदिरंङ ए बेदीऊ बिचंङ सचातंई अंयों लाह धर्मीतु हत्या धरतीरिंङ केरे केनातिंङ दोषी षोंई।

इब्रानियों 9:22

मूसा ओ कानूने कुट्रा कि लगभग भत्ते चीज़ातिंङ शुहई पुरच़िमी दोरच़ी शुद्ध लेह जूंशी तोह। शुई बहाके मेह, परमेश्वर मीहतिंङ दोतु पापो थल्जी माफ लेह मरपोतो।

इब्रानियों 12:1

हेंदु कछंङ झांह ठ्रोह महस मीहरे तोतोर अंऊ दोतु विशवासे दि कंड्रा कि विशवासो मतलब छि शुहबी। दिऊ थल्जी अतंई हेंज़ी हर इच्च़ा रूकावट दंङ पाप बि शत्‌ह लेह, हेंदिंङ अंऊ अमरिंङ जोज़िमी तोह, दोऊ टोईच़ी जोज़ातंई।

लूको 11:51

हाबिल ओ हत्या बे जकर्याह भविष्यवक्ताओ हत्या तचेक, अरी यहुदी मंदिर ए बेदीऊ बिचंङ सचे केहरिर। गेह केतंङ साते हेले कुट्रातग दोऊ लेखा दीह जुगो मीहू दोरच़ी लेहपोर।

तीतुस 1:16

दोरे हप्सी शिक्षा रंड्रा कुट्रातोरे कि हेनर परमेश्वरा बि ञेंच़ातंई, पर दोतु कम दिबी गलत सबित लहच़ी केट्रा। छना कुचे दोरे महस झखंजी (घिनौने) ए हुकुम माह मनेक्च़ा तोतोर, दंङ दोरे अंऊ ला रूठे कम लहज़िमी जोगे माह तोहर।

इब्रानियों 5:1

हर इच्च़ा यहुदी महापुरोहित इस्राएलो मीहतु बिचंङ अंङड्री। दंङ मीहतु थल्जी परमेश्वरो सेवा लहज़िमी थल्जी अंङड्री ताकि दुह भेंट चढ़ाएच़ा लोहतो दंङ मीहतु पापो थल्जी बलि चढ़ाएपा लोहतो।

इब्रानियों 11:2

हेंदु बाह-मेमेतु झांह ठ्रोह विशवास तोहई। सिर्फ दिए वहज़ा ज़ि परमेश्वर दोतंङ साते खुश तोहई।

2 पतरस 2:8

लूत इच्च़ा धर्मी गंङमी तोहई, पर दुह हर ध्याड़ा मदम मीहतंङ साते बंङज़ाते, दंङ दोऊ मदम खंड्राते ए रेड्राते। झांह लेह दोऊ रूठे सेहम मदम कमो थल्जी दुखी शवाते।