इब्रानियों 11:1 - लाहौली बाइबिल

¹ विशवास दि गप्पो टोईच़ी भरोसा लहज़ी शुह कि हेंदिंङ पक्‍का रूपारिंङ दू ए खोकसोतो अतु हेंज़ी उम्मीद लहज़ातंई दंङ दि उम्मीद लहज़ी कि अंऊ चीज़ारे हेंज़ी खंड्री मरच़ातंई दू हेले रिंङ तोह।

इब्रानियों 11:1 Iomraidhean Croise

प्रेरित 20:21

गेह यहुदी मीहरे ए ऊईजाति मीहतिंङ शिक्षा रेंईगा, दुह भत्ते तंङ साते कुईगा कि दोरे एनोह पापो दोरच़ी सेहम किरच़ी च़रतुंई, दंङ ञेंहतु प्रभु यीशु मसीहू टोईच़ी विशवास लंहि।

1 कुरिन्थियों 13:13

झांह लेह, हेंतेग, दि षुमु पाहठी कम लहज़ी ज़रूरी जूंशी तोह: परमेश्वरो टोईच़ी विशवास परमेश्वरो वाईदा रिंङ उम्मीद तहच़ि, दंङ ऊईतिंङ साते दाह लहज़ी। पर दि भत्ते बे इच्च़ा ए मोह्ड़े तोह, दू तोह ऊईतिंङ साते दाह लहज़ी।

2 कुरिन्थियों 11:17

दंङ दि बेधड़क रिंङ छिल्ला गेह कुट्रातग झांह ठ्रोह घमण्ड प्रभु दोरच़ी माह, पर ञेंई कि मुर्खता रंङ साते कुट्रातग।

2 कुरिन्थियों 4:18

छना कुचे हेंज़ी हेंदु ध्यान दोऊ टोहकठे माह लगाएकातंई, अंऊ तंङफा पर दोऊ टोहकठे लगाएकातंई, अंऊ तंङफा ए माह, अंऊ ला धिर तंङफा, दू थोड़े टेमो थल्जी शुह पर अंऊ तंङफा माह दू अनंत काल तचेक बंङज़ा।

2 कुरिन्थियों 5:17

झांह लेह अगर अरिया मसीहू टोहकठे विशवास लहज़ा ता दंङ दोई इच्च़ा खरकोई स्वाभाव खोक्शातो, युई गप्पा बीतेगी इलजी तोह दंङ हेंतेग खरकोई गप्पा अच़ा अंज़े तोह।

2 कुरिन्थियों 5:7

हेंतेग हेनर अपेहल दि संसारारंङ बंङज़ातंई, दंङ हेनर हेंदु विशवासो दोरच़ी प्रभु थलेच़ि ज़ोवातंई, माह कि दोबि खंड्राते।

2 कुरिन्थियों 9:4

झांह शुहबी मेस, कि अगर अपेहला मकिदुनिया नगरो रें विशवासी गेरंङ साते अपोर, दंङ केहतु धन तेयार माह शोतो, दंङ शुहबी तरपोतो कि, ञेंरे केहतु टोहकठे हेंदु विशवासो पाहठी शर्मिन्दा शोनि, पर केरे ऊई ला महस शर्मिन्दा शोनि।

गलातियों 5:6

अगर हेनर यीशु मसीहू टोईच़ी विशवास लहज़ातंई दंङ खतना शुहबी ए खतना माह शुहबिमी छल्ले फायदा माह। पर ज़रूरी गप्पा दि तोह कि हेनर मसीहू टोहकठे विशवास लहज़ातंई दंङ परमेश्वर ए ऊई मीहतु थल्जी दाह तहच़ातंई।

तीतुस 1:1

गेह पोलुस अंऊ परमेश्वरो दास ए यीशु मसीहू प्रेरित शुगाह, केतिंङ दि डाक चेहच़ातग। गेह परमेश्वरो अंङषी मीहतिंङ पक्‍का लहज़ी ए दुह सच्चाईऊ शिक्षा समझेक्सिमी थल्जी अंङषी शुई, ताकि दोरे झांह ठ्रोह जीवन श्रींङमोंई अंऊ परमेश्वराबि खुश लहज़ा।

इब्रानियों 10:22

दंङ अतंई हेनर, मसीहू शुई पुरच़ि ते हेंदु सेहम शुद्ध लहच़ी दंङ साफ ती रें हेंदु फुक शुहल्ज़े संङा सेहम ए पक्‍का विशवासा रंङ साते परमेश्वरो कछंङ योंई।

इब्रानियों 10:39

हेनर दू मीहतु ठ्रोह माह शुई अंऊ परमेश्वरो टोईच़ी विशवास लहज़ी छोड़ेके चरच़ातोर दंङ नाश शुहचे यवातोर पर हेनर दू मीहतु ठ्रोह शुई अंऊ एनोह विशवासो दोरच़ी अनंत जीवन खोक्शातोर।

इब्रानियों 11:13

दि भत्ते मीहरे अच़ि परमेश्वरो टोईच़ी विशवास लहरी, दू चीज़ खोक्शे मेह सिए इलिर अतु वाईदा परमेश्वरे लहसी ततो। पर दोच़ी दि गप्पा तिंङ तुंखा अंजा टेमारिंङ शुहबिमी तंङरिर दंङ खुश शुचि इलिर। समझेकी इलिर कि परमेश्वर अंजा टेमारिंङ छि लोहतो। दोच़ी दि गप्पा ला ञेंई च़रतिर कि हेनर दि धरती ऊ टोईच़ी परदेशी ए पराया शुंई।

इब्रानियों 11:27

विशवासो दोरच़ी रज्ज़ा ओ रोहष रंङ साते माह बेवा ते मूसा ज़ि मिस्त्र देश छोड़ेकी च़रति, छना कुचे दोई ञेंई च़रते कि दि झांह तोहई कि छना दोई परमेश्वरा बि तंङाते अंऊ तंङफिमी माह तोहई।

इब्रानियों 11:7

विशवासो दोरच़ी ए नूह बि इच्च़ा हढ डढो पाहठी परमेश्वरो दोरच़ी चेतावनी खोकसिरी अंऊ दोई अपेहल खांहषी माह तोई, तांला दोई चेतावनी खोक्शे परमेश्वरो हुकुमो भाषे लहरी, दंङ एनोह टबरातु बचावो थल्जी जहाज़ बणाएति, दंङ नूहो विशवास लहज़िमी तुहई, ऊई मीहरे अंऊ दोच़ी विशवास माह लहरिर, दोतिंङ दोषी ठहराएतिर दंङ दोरे डुमज़े सिए इलिर। नूह परमेश्वरो नज़रारिंङ धर्मी बणेंके इलि, छना कुचे दोई परमेश्वरो टोईच़ी विशवास लाहते।

इब्रानियों 2:3

झांह लेह अगर हेनर दि महान उद्धारो अनदेखी लोहनि ता दंङ पक्‍का रूपारिंङ हेंदिंङ ला सज़ा खोकसोतो। प्रभु ज़ि ऐनाह तुहई ए दि उद्धारो पाहठी कंङाते, दंङ अंऊ दोच़ी प्रभु दोरच़ी रेड्री तरेर, दुह मीहतु वहज़ा ज़ि हेंदु थल्जी दि साबित शुचि इलि।

इब्रानियों 3:14

अगर हेनर हेंदु तुहई कि विशवासा बि थल मुक्का तचेक पक्‍का बणाके तोहनि, दंङ हेनर मसीहू सहभागी शुहचे योंई।

इब्रानियों 3:6

पर मसीह योह रूपारिंङ एनोह टबरातु थल्जी विशवासो जोगे तोह दंङ दू टबर हेनर शुई, अगर हेनर हेंदु उम्मीद रिंङ हिम्मत ए घमण्ड लहज़ी जारी तोहनि ता, दंङ हेनर परमेश्वरो मीहरे शुहनि।

2 पतरस 1:1

गेह, शमौन पतरस, अंऊ यीशु मसीहऊ दास ए प्रेरित शुगाह, केतिंङ चेहच़ातग। गेह केहतु भत्ते तु थल्जी चेहच़ातग। अंऊ दुह बहुमूल्य विशवास बि ठ्रोहका लहज़ातंई अंऊ हेंदु परमेश्वर ए उद्धार लहज़ा यीशु मसीहू दोरच़ी हेंदिंङ रांहषी तोह, अंऊ हेंदिंङ परमेश्वरा रंङ साते धर्मी ठहराच़ा।