इब्रानियों 10:8 - लाहौली बाइबिल

⁸ मूसा ओ कानून कंड्रा, कि “पाप ओ वहज़ा ज़ि तग ए बलिदान चढ़ाएसी जूंशी तोह। पर मसीह ज़ि दि गप्पातु पाहठी छारिंङ कुहतो कि परमेश्वरा बि दितु ज़रूरत माह?”

इब्रानियों 10:8 Iomraidhean Croise

मरकुसो 12:33

दंङ दोबि भत्ते सेहम रंङ, केनोह भत्ते बुद्धिरंङ, दंङ केनोह भत्ते शक्ति रंङ साते दाह लोहू दंङ केनोह पड़ोसी रंङ साते केनोह बराबर दाह लोहू। झांह लेह तग चढ़ाएसी ए बलि चड़ाएसिबे ए मोह्ड़े तोह।”

रोमियो 8:3

छना कुचे अंऊ कम, मुसाओ कानून पापो स्वाभावो दोरच़ी कमज़ोर शुहचे लेह मरति, दोबि परमेश्वरे लहरी। दोई पापो प्रायश्चितो थल्जी एनोह योह बि ए पापी मीहू ठ्रोह पापो बलि ऊ थल्जी च़चे च़रति, झांह ठ्रोह परमेश्वरे पाप मय फुकारिंङ ए पापो सामर्थ थाक्शे च़रति।

इब्रानियों 10:5

झांह लेह अपेहल संसारारंङ अति, दंङ दोई परमेश्वरो हखा कुई, “केई माह जुंज़ातन कि मीहरे कनिंङ बलिदान ए तग चढ़ाएपोर, पर केई गिह्बी बलिदान लहज़िमी थल्जी इच्च़ा फुक रांहषी तातन।”