इब्रानियों 10:5 - लाहौली बाइबिल

⁵ झांह लेह अपेहल संसारारंङ अति, दंङ दोई परमेश्वरो हखा कुई, “केई माह जुंज़ातन कि मीहरे कनिंङ बलिदान ए तग चढ़ाएपोर, पर केई गिह्बी बलिदान लहज़िमी थल्जी इच्च़ा फुक रांहषी तातन।”

इब्रानियों 10:5 Iomraidhean Croise

मत्ती 11:3

“छि कांह ए दुह मसीह शुनाह, कि अच़ि च़रच़िमी वाईदा परमेश्वरे लहसी तोहई कि ञेंहच़ी ऊईदिऊ इंतज़ार लोहई?”

लूको 1:35

स्वर्गदूते दोबि जुबाब रेंई, “पवित्र आत्मा कनु टोईच़ी अपतो, दंङ परमप्रधान परमेश्वरो सामर्थ कनु टोईच़ी अपतो; दिऊ थल्जी कांह दोरच़ी जेह्की गंङकटु पवित्र शोतो दंङ, परमेश्वरो योह कहलाहएपोतो।

लूको 7:19

दंङ यूहन्ना ज़ि एनोह चेला तु बिचंङज़ि झुह्ट बि प्रभुऊ कछंङ दीह रुहक्च़ी मी थल्जी च़रति, “छि कांह ए दुह मसीह शुनाह, कि अच़ि च़रच़िमी वाईदा परमेश्वरे लहसी तोहई कि ञेंहच़ी ऊईदिऊ इंतज़ार लोहई?”

यहून्नो 1:14

दंङ बचन इच्च़ा मीहू रुपंङ अति; दंङ मोह्ड़े दाह ए सच्चाईरङ परिपूर्ण शुहचे हेंदु बिचंङ डेरा लहरी, दंङ हेंज़ी दोऊ धिंङघा महिमा खंणी छना पिता (परमेश्वरो) इच्च़ा योह।

गलातियों 4:4

पर अपेहल दू टेम अति अतु योजना परमेश्वरे बणाक्ते, दंङ परमेश्वरे एनोह योह दि संसारारिंङ च़रति, दंङ दू इच्च़ा मीहू रूपा रिंङ जेह्कते। दुह यहुदी जेह्के, मूसा ओ कानूनो अधीन दिऊ थल्जी बंङज़िरी,

1 तीमुथियुस 3:16

दंङ दिरिंङ छल्ले शक माह कि हेंदु विशवासरिंङ पक्‍का भेद तोह, मसीह इच्च़ा मीहू रूपारिंङ प्रगट शुई, दंङ पवित्र आत्माज़ि दुह परमेश्वरो योह साबित लहरी, दंङ स्वर्गदूता ज़ि दुह तंङातेर, दंङ परमेश्वरे दुह स्वर्गंङ रैंज़ा शिली। चेलाज़ि भत्ते ठाहरिरिंङ दोऊ प्रचार लहरिर। दंङ संसारो मीहच़ी दोऊ टोहकठे विशवास लहरिर।

इब्रानियों 1:6

दंङ अपेहल दोई एनोह आदरो जोगे योह बि संसारारिंङ च़रति, दंङ दोई कुई, “परमेश्वरो भत्ते स्वर्गदूत दोबि फ्यग लोहर।”

इब्रानियों 10:7

दोहपल मसीह ज़ि परमेश्वरो हखा कुई, हे परमेश्वर खंणु, गेह दू ए लहज़िमी थल्जी अंज़े शुगाह अंऊ केई जुंज़ातन। छना गिऊ पाहठी दि गप्पा पवित्र शास्त्रा रिंङ च़ेहसी तोह।

इब्रानियों 10:8

मूसा ओ कानून कंड्रा, कि “पाप ओ वहज़ा ज़ि तग ए बलिदान चढ़ाएसी जूंशी तोह। पर मसीह ज़ि दि गप्पातु पाहठी छारिंङ कुहतो कि परमेश्वरा बि दितु ज़रूरत माह?”

इब्रानियों 2:14

छना कुचे अपि परमेश्वरे कटुरे कुह्चे बुलाएक्तो, दोतु इच्च़ा मीहू फुक तोहई। यीशु एनाह ए हेंदु ठ्रोह मीहू रूप धारण लहरी ताकि दोऊ मौतो दोरच़ी मौतो टोईच़ी अधिकार तहच़ा शेताना बि नाश लोहतो।

इब्रानियों 5:7

यीशु ज़ि दि धरती ऊ ज़िंदगी रिंङ अंऊ दोबि मौतो दोरच़ी बचाएके तरच़ाते, जोरे हाऊष रें मिक्ति बहाके, परमेश्वरो हखा प्रार्थना ए बिनती लहरी छना कुचे दुह नह्की ए समर्पित तोहई, परमेश्वरे दोऊ प्रार्थना रेड्रीरी।

इब्रानियों 8:3

छना कुचे हर इच्च़ा यहुदी महापुरोहित बि भेंट चढ़ाएच़िमी थल्जी दंङ पापो माफी ओ थल्जी बलिदान चढ़ाएच़िमी थल्जी अंङषी शुहबी, झांह लेह ज़रूरी तोह कि, कि हेंदु यहुदी पुरोहितो दोर ला छा चढ़ाईच़िमी थल्जी शुहबी जूंस।

1 पतरस 2:24

अपेहल मसीह सिए इलि, दंङ हेंदु पापो थल्जी क्रूसो टोईच़ी दोऊ फुका बि तकलीफ रेंईर ताकि हेनर पाप लेह बन्द लेह केओनि दंङ धर्मिकता रंङ साते श्रींङमी शुरू लोहनि। दंङ दू घाहो वहज़ा ज़ि अंऊ दोई सहन लहरी, हेनर ठीक शुहचे इलजे तोतोंई।

2 यूहन्ना 1:7

गेह दिह दिऊ थल्जी कुट्रतग छना कुचे महसे मीहरे अंऊ हप्सी शिक्षा रंड्रा ऊईतिंङ धोखा रंड्रातोर दोरे संसारारिंङ अच़ा अन्दोर। दोच़ी कुट्रातोर कि यीशु मसीह इच्च़ा मीहू रूपारिंङ दिह संसाररिंङ अंज़े मशत। अगर अरिया मीह झांह कुट्रा कि, दुह मीह मसीहू विरोधी शुह अंऊ हमेशा मीहतिंङ धोखा रंड्रा।