इब्रानियों 1:9 - लाहौली बाइबिल

⁹ केई रूठे कमा रंङ साते दाह ए मदम कमारंङ साते बैर लहरिन; झांह लेह गेह, कांह परमेश्वरे, कनिंङ अंङषी चरच़तो, दंङ कांह भत्ते साथी बे कनिंङ महस आदर रांहषी ततो दंङ खुशी मनाएच़ी ततो।”

इब्रानियों 1:9 Iomraidhean Croise

लूको 4:18

“प्रभुऊ आत्मा गिऊ टोईच़ी तोह, छना कुचे कि दोई गरीबातिंङ रूठे खबर सुनाएच़िमी थल्जी गिऊ अभिषेक लहसी शुह। दंङ गेह दिऊ थल्जी चरच़ि शुगाह कि केदीतिंङ छुटकारा ए कांणे दोतिंङ खंड्रिमी रूठे खबर सुनाएपोग, दंङ दुखी ए लचार मीहतिंङ दोतु दोरच़ी छुड़ाएपोग अच़ि दोतु टोईच़ी अत्याचार लाहतोर,

यहून्नो 1:41

दोई मुण्डा एनोह सका न्वा शमौन रंङ साते दोइए कुहतो, ञेंतिंङ मसीह मतलब परमेश्वरो दोरच़ी अभिषेक लहसी खोकसा इलज़ा।

यहून्नो 10:17

गेह घेंङौ जहान रंड्रातग दिऊ थल्जी पिता परमेश्वरे गेरंङ साते दाह लहज़ा, कि गेह यह्च़ा षीङे योग।

यहून्नो 20:17

यीशु ज़ि दोबि कुहतो, “गिऊ कोन्ज़ा रिंङ ज़िल्ज़ाते गिह्बी था चऊ, छना कुचे अईता गेह पिता परमेश्वरो कछंङ इल्जी माह तोग, गिऊ चेला तु कछंङ इलजे दोतंङ साते कुडू, कि गेह घेंङौ पिता परमेश्वर ए केहतु पिता परमेश्वर दंङ घेंङौ परमेश्वर ए केहतु परमेश्वरो कछंङ य्वातग।”

यहून्नो 3:34

छना कुचे अतिंङ परमेश्वरे च़रति, दोई परमेश्वरो गप्पा लहज़ी: छना कुचे दिह ए दुह ए शुह अतिंङ परमेश्वरे पवित्र आत्मा भरपूरी रंङ साते रांहषी ततो।

प्रेरित 10:38

केतिंङ दि ला पता तोह परमेश्वरे छना ठ्रोह नासरत नगरो यीशु बि पवित्र आत्मा ए सामर्थ रंङ साते अभिषेक लहरी; दुह ठहरि-ठहरि इलजी हमेशा मीहतु थल्जी भलाईओ कम लहज़ाते, दंङ दोतिंङ आईन लहरी अंऊ दोरे शेतानो वहज़ा ज़ि तकलीफा रिंङ तोईरे, छना कुचे परमेश्वर दोरंङ साते तोहई।

प्रेरित 4:26

प्रभु परमेश्वर ए दंङ अपि मसीह शुहबिमी थल्जी दोई अंङषी ततो दोऊ खिलाप धरतीऊ रज्ज़ा खड़े शुहचे इलिर; दंङ अधिकारीर इच्च़ा साते ठ्रोहका शुहचे इलिर।

प्रेरित 4:27

छना कुचे हेले कांह पवित्र सेवक यीशु ऊ खिलाप रिंङ, अतु चुनाव केई लहतेन, रज्ज़ा हेरोदेस ए पुन्तियुस पिलातुस राज्यपाल ऊईजाति ऊ मीहतंङ साते ए इस्राएल देशो मीहतंङ साते दिह नगरंङ ठ्रोहका शुईरे।

रोमियो 12:9

ऊईतिंङ साते दाह लहज़िमी दिखावा थालोहू; बुराईरंङ साते रोहष लोह; अंऊ रूठे तोह दोबि लगातार लोहवा लोह।

रोमियो 15:13

गेह प्रार्थना लहज़ातग कि परमेश्वर अंऊ उम्मीदो दाता तोह, केतिंङ विशवास लहज़िमी भत्ते पाहठी खुशी ए शांति रंङ साते पिंङे च़रपोतो, कि पवित्र आत्माओ सामर्थो दोरच़ी केहतु उम्मीद बणेंके योतो।

1 कुरिन्थियों 1:9

परमेश्वर दि लोहतो, छना कुचे दू विशवासो जोगे तोह दंङ दोई छि कुट्रा दू ए लहज़ा, दंङ दोई केतिंङ एनोह योह, हेंदु प्रभु यीशु मसीह रंङ साते नाता तहज़िमी थल्जी बुलासी शुई।

2 कुरिन्थियों 11:31

परमेश्वर, हेंदु प्रभु यीशु मसीहू बाह अंऊ हमेशा धन्य तोह, ञेंहच़ा, कि गेह हप्सी माह कुट्रातग।

गलातियों 5:22

पर अपेहल पवित्र आत्मा हेंदिंङ काबू लहज़ा दंङ दोऊ गुण दि तोह “दाह, खुशी, शांति, धीरज़, दया, भलाई, विशवासो जोगे, नम्रता दंङ हेंदु टोईच़ी काबू लहज़ी।”

इफिसियों 1:3

हेंदु परमेश्वर ए प्रभु यीशु मसीहू बाहऊ महिमा शुहबी जूंस, अच़ि हेंदिंङ मसीहू दोरच़ी स्वर्गंङ ज़ि खोकसा, भत्ते पाहठी आशीष रें च़रति। दि मसीहरंङ हेंदु एकता ओ वहज़ा ज़ि शुई।

फिलिपियों 2:9

झांह लेह परमेश्वरे दोबि भत्ते बे महान लहरी, दंङ दोबि दुह मिन रेंई अंऊ भत्ते मिन बे मोह्ड़े तोह।

इब्रानियों 2:11

छना कुचे अंऊ मीहतिंङ दोतु पापो दोरच़ी शुद्ध लहज़ा, दंङ अंऊ मीहरे दोतु पापो दोरच़ी शुद्ध लेह चरच़ि, दू भत्ते तु इच्च़ा ए बाह तोह; झांह लेह यीशु बि दोतिंङ एनोह युंङ रिंङ बणाएच़िमी थल्जी षेह्द माह अपा।

इब्रानियों 2:9

पर हेले दि तोह कि थोड़े टेमो थल्जी, यीशु दर्जा स्वर्गदूता बे थोड़े कम शुई। ताकि परमेश्वरो मोह्ड़े दाह रंङ साते यीशु भत्ते मीहतु थल्जी सिए योतो। दंङ छना यीशु ज़ि दुख उठाएती ए सिए इलि, परमेश्वरे दोबि महिमा ए आदर रांई।

इब्रानियों 7:26

झांह ठ्रोह ए यहुदी महापुरोहित हेंदु ज़रूरत पूरा लेह तरपोतो, अंऊ पवित्र शोतो, निर्दोष शोतो, शुद्ध शोतो, पाप लहच़ाड दोतंङ शत्‌ह शोतो अतिंङ स्वर्गो दोरच़ी ला खेका लेह केहषी तोह।

1 पतरस 1:3

हेंदु प्रभु यीशु मसीहू बाह ए परमेश्वरो धन्यवाद शुहबी जूंस, अच़ि हेंदु थल्जी एनोह मोह्ड़े दाह ओ दोरच़ी हेंदिंङ इच्च़ा खरकोई जीवन रांहषी ततो। छना कुचे परमेश्वरे यीशु मसीह बि सिए दोतु बिचंङ ज़ि श्रींङमी लहरी, दोई हेंदिंङ महस आत्मविशवास रंङ श्रींङमिमी जोगे बणाके च़रति; मतलब हेनर दू चीज़ खोकच़िमी पूरे उम्मीद लेह तरपोंई अंऊ दोई हेंदिंङ रंड्रीमी वाईदा लहसी ततो।

1 यूहन्ना 1:3

ञेंहच़ी यीशु मसीहू पाहठी छिल्ला ञेंहच़ी तंङातेंई या रेहशी तातंई दोऊ गवाही केतिंङ रंड्रातंई, झांह लेह कि ञेंतंङ साते केहतु संगति शुहबी जूंस। दंङ ञेंहतु दिह संगति बाह परमेश्वरा रंङ साते ए दोऊ योह यीशु मसीह रंङ साते तोह।

प्रकाशित वाक्य 2:15

ध्वांए ठ्रोह केहतु बिचंङ रे मीहरे तोतोर अंऊ नीकुलई तु झुंडो शिक्षा मनेक्च़ातोर।