इब्रानियों 1:6 - लाहौली बाइबिल

⁶ दंङ अपेहल दोई एनोह आदरो जोगे योह बि संसारारिंङ च़रति, दंङ दोई कुई, “परमेश्वरो भत्ते स्वर्गदूत दोबि फ्यग लोहर।”

इब्रानियों 1:6 Iomraidhean Croise

मत्ती 24:14

दंङ परमेश्वरो राज्यो पाहठी दिह रूठे खबर भत्ते संसारारंङ प्रचार शोतो कि भत्ते देशो जाति ज़ि दिबी ग्रहण लहज़िमी मोका खोकसोतो। दोहथल संसारो अंत अपतो।

यहून्नो 1:14

दंङ बचन इच्च़ा मीहू रुपंङ अति; दंङ मोह्ड़े दाह ए सच्चाईरङ परिपूर्ण शुहचे हेंदु बिचंङ डेरा लहरी, दंङ हेंज़ी दोऊ धिंङघा महिमा खंणी छना पिता (परमेश्वरो) इच्च़ा योह।

यहून्नो 1:18

परमेश्वरा बि अच़िला अपेहला तंङशी माह शुह। सिर्फ परमेश्वरो इच्च़ा योह अंऊ सच्चा परमेश्वर शुह दंङ अरी बाहो कछंङ तोह, अच़ि ञेंतिंङ कंङातो कि परमेश्वर छना ठ्रोह तोह।

यहून्नो 3:16

छना कुचे परमेश्वरे संसारो मीहतंङ साते झांह ठ्रोह दाह लहरी कि दोई एनोह इच्च़ा योह रें च़रति, कि अच़िला दोऊ टोहकठे विशवास लोहतो दुह नाश माह शोह्तो, पर दोच़ी अनंत जीवन खोक्पोर।

रोमियो 8:29

छना कुचे अंऊ दोतिंङ दोई तुहई ए अंङषी चरच़तो दोतु थल्जी दि इरादा लेह चरच़तो कि दोरे दोऊ योह यीशु ठ्रोह शोर ताकि दू न्वारेतु बिचंङ जेठे शोतो।

कुलुस्सियों 1:15

अच़िला परमेश्वर बि खंड्री मरपोतो, पर अपेहल दोऊ योह इच्च़ा मीह बणेक्ति, दंङ दोई परमेश्वरा बि मीहतु तुहई ज़ि प्रगट लेह च़रति, अंऊ ला चीज़ा बणेक्पिमी तुहई दुह मौजूद तोहई दंङ भत्ते धरतीऊ टोहकठे भत्ते बे मोह्ड़े दोऊ अधिकार तोह।

कुलुस्सियों 1:18

मसीह कलीसियाओ अगुवाई ध्वांए ठ्रोह लहज़ा, छना इच्च़ा मीहू पुंज़ा दोऊ फुका बि काबू लाह। दुह ए शुरूआत शुह दंङ सिऊ दोतु बिचंङ श्रींङज़ा दोतु बिचंङ जेठे तोह कि भत्ते गप्पारिंङ दुह ए प्रधान शोतो।

इब्रानियों 1:5

पवित्र शास्त्रारिंङ अपेहल अच़िया माह कंड्रीर कि परमेश्वरे दू भत्ते अरिया स्वर्गदूता तु हखा कुई, अंऊ दोई एनोह योह हखा कुई, “काह गिऊ योह शुनाह; तोग गेह घोषणा लहज़ातग कि काह गिऊ योह शुनाह” “दंङ, दोई झांह एनोह अरिला स्वर्गदूतो हखा माह कुई” “कि गेह दोऊ बाह बणेक्पोग, दंङ दू गिऊ योह बणेंके योतो।”

इब्रानियों 10:5

झांह लेह अपेहल संसारारंङ अति, दंङ दोई परमेश्वरो हखा कुई, “केई माह जुंज़ातन कि मीहरे कनिंङ बलिदान ए तग चढ़ाएपोर, पर केई गिह्बी बलिदान लहज़िमी थल्जी इच्च़ा फुक रांहषी तातन।”

1 पतरस 3:22

दंङ दुह स्वर्गो हखा अच़ा इलज़ा। हेंतेग दू दोर्तिंङ परमेश्वरो सुचंङ हासी भत्ते बे खास ठहरि बंङज़ा तोह, दंङ दू भत्ते स्वर्गदूत ए भत्ते अधिकारी दंङ शाक्ति तु टोईच़ी राज लहज़ा।

1 यूहन्ना 4:9

अंऊ दाह परमेश्वरे हेन्दंङ साते तहच़ा, दुह दिरंङ साते प्रगट शुई कि परमेश्वरे एनोह इच्च़ा योह संसारारिंङ च़रति कि हेनर दोऊ दोरच़ी अनंत जीवन खोकपोंई।

प्रकाशित वाक्य 1:5

दंङ यीशु मसीहू तरफे केतिंङ मोह्ड़े दाह ए शांति खोकसोतो, अतु बचनो टोईच़ी विशवास लेह तरपोंई दुह ए तोह सिमी थल यह्च़ा श्रींङे इलि दंङ दुह दि संसारो रज्ज़ा तु अधिकारी तोह। दोई हेंदंङ साते दाह लहज़ा दंङ हेंदिंङ बचाएच़ा, दोई एनोह शुहई दोरच़ी हेंदिंङ पापो दोरच़ी बचाएच़ा। दोई हेंदिंङ झांह ठ्रोह मीह बणाके चरच़तो, अतु परमेश्वर दोतु रज्ज़ा तोह दंङ दोई हेंदिंङ एनोह बाह परमेश्वरो थल्जी यहुदी पुरोहित बणाके च़रति। दोबि आदर ए अधिकार हमेशा खोकसा लोहतो। अमीन।