इब्रानियों 1:2 - लाहौली बाइबिल

² पर दि अन्तिम ध्याड़ारिंङ ञेंहच़ी हेंदु योह दोरच़ी गप्पा लहरिन। परमेश्वरे एनोह योह दोरच़ी भत्ते संसारो रचना लहरी दंङ दोबि भत्ते चीज़ा तु वारिस बणाके च़रति।

इब्रानियों 1:2 Iomraidhean Croise

मत्ती 13:39

अच़ि दुश्मने दोरे एहच़ते दुह शेतान शुह; वलज़ी संसारो योहसी, दंङ वलज़ारे स्वर्गदूतारे शुहरे।

मत्ती 17:5

पतरस अईता कुट्री ए लेहकी तोहई इच्च़ा छंङसे डुह दोतु टोईच़ी अच्च़ा अति, दुह डुए दोरे कपची च़रति दंङ दोतु हखा डुह बिचंङज़ि परमेश्वरे कुंहई, “दिह गिऊ प्यारे योह शुह अतंङ साते गेह राजी तोतोग; दिऊ रेड्रुंई।”

मत्ती 21:38

पर ज़िमेदारा ज़ि योह खंऐ एनातु बिचंङ कुह्तोर दिए ता दिह ज़मीनो वारिस शुह। अतंई, हेंज़ी दी ला स्चे च़रपोंई, दंङ दिऊ हिस्सा लेहपच़े च़रपोंई।

मत्ती 26:63

पर यीशु चुप्पे बंङज़ी। दंङ यहुदी महापुरोहिते दोबि कुह्तोर, “गेह कनिंङ पिंङी परमेश्वरो वाईदा रंड्रातोग कि अगर कांह परमेश्वरो योह मसीह शुनाह ता, दंङ एतंङ कुड़ु।”

मत्ती 28:18

यीशुज़ि दोतु कछंङ अंज़े कुंई, “स्वर्ग ए धरतीऊ भत्ते अधिकार गिह्बी रांहषी तोह।

मत्ती 3:17

दंङ स्वर्गंङज़ि परमेश्वरो सग अति: “दिह गिऊ प्यारे योह शुह अतंङ साते गेह महस खुश तोतोग।”

मरकुसो 1:1

परमेश्वरो योह यीशु मसीहू पाहठी रूठे खबरो शुरूआत झांह ठ्रोह शुई।

मरकुसो 12:6

दंङ दुह मालिको कछंङ इच्च़ा ए मीह केह्षा इलि, अंऊ दोऊ प्यारे योह तोहई। दोई दोबि दी सोचेके च़रति कि दुरेह गिऊ योहू आदर लोहतो।

मरकुसो 12:7

दंङ अपेहल दुह ज़िमदाराज़ि दुह योह तंङरीर दंङ एनातु बिचंङ कुतोह कि, ‘दिए ता दिह ज़मीनो वारिस शुह। अतंई, हेंज़ी दी ला स्चे चरपोई, दंङ दी भत्ते ज़मीन हेंदु शुहचे योतो।’

यहून्नो 1:10

दुह संसारारंङ तोहई, दंङ संसार दोऊ दोरच़ी बणाएषी तोहई, दंङ संसारो मीहज़ी दुह सेहच़ी मरतिरे।

यहून्नो 1:14

दंङ बचन इच्च़ा मीहू रुपंङ अति; दंङ मोह्ड़े दाह ए सच्चाईरङ परिपूर्ण शुहचे हेंदु बिचंङ डेरा लहरी, दंङ हेंज़ी दोऊ धिंङघा महिमा खंणी छना पिता (परमेश्वरो) इच्च़ा योह।

यहून्नो 1:3

परमेश्वरे दोऊ दोरच़ी भत्ते धिर बणाएठ्री शुह, दंङ छिला धिर दुह मेह बणाएषी माह शुह।

यहून्नो 13:3

यीशु दिह ञेंहच़ाते कि दोबि भत्ते चीज़ो टोहकठे अधिकार रांहषी ततो दंङ दिह ला कि दुह परमेश्वरो दोरच़ी अंज़े शुह दंङ परमेश्वरो कछंङ वापिस इबिमी तोह।

यहून्नो 13:32

दंङ परमेश्वरे ला योहू महिमा लोहतो दंङ दोई युरनाह लोहतो।

यहून्नो 15:15

हेंतेग बे गेह केतिंङ परगर माह कोहग, छना कुचे परगर बि पता माह शुबी कि दोऊ मालिके छि लाह; पर गेह केतिंङ मित्र कुहतग, छना कुचे अंऊ गप्पा गेह घेंङौ पिता परमेश्वरो दोरच़ी रेड्रातग, दुह भत्तेर केतिंङ कंज़े च़रतग।

यहून्नो 16:15

छिला धिर पिता परमेश्वरो तोह, दुह भत्ते धिर गिऊ शुह; दिऊ थल्जी गेह केतंङ साते कुहतग, कि दोई गिऊ गप्पातु दोरच़ी केतिंङ कंबतो।

यहून्नो 17:2

छना कुचे केई दोबि भत्ते मीहतु टोहकठे राज लहज़िमी अधिकार रांहषी तातन, कि दोई दोतिंङ अनंत जीवन रमतो, अतिंङ केई दोऊ हवाले लहसी तातन।

यहून्नो 3:16

छना कुचे परमेश्वरे संसारो मीहतंङ साते झांह ठ्रोह दाह लहरी कि दोई एनोह इच्च़ा योह रें च़रति, कि अच़िला दोऊ टोहकठे विशवास लोहतो दुह नाश माह शोह्तो, पर दोच़ी अनंत जीवन खोक्पोर।

यहून्नो 3:25

दोर्तिंङ यूहन्ना ओ चेला तु अरीया यहुदी मीह रंङ साते रिवाज़ो हिसाबे शुद्ध शुहबिमी पाहठी बहस शुई।

यहून्नो 5:26

छना कुचे अंऊ रीतिरंङ पिता परमेश्वरे ऐनाह जीवन तहच़ा, ध्वांए दोई गिह्बी ला दिह अधिकार रांहषी ततो कि गेह घेंङा ए जीवन तोईग;

यहून्नो 5:27

छना कुचे गेह मीहू योह शुगाह, पिता परमेश्वरे गिह्बी भत्ते मीहतु न्याय लहज़िमी अधिकार रांहषी ततो।

यहून्नो 9:29

ञेंहच़ी ञेंहनी कि परमेश्वरे मूसा रंङ साते गप्पा लहरी; पर दिह मीहबी माह ञेंहनी कि दुह अंऊरच़ि अपा।”

प्रेरित 10:36

केतिंङ दुह रूठे खबरो पाहठी पता तोह, अंऊ परमेश्वरे ञेंहतु थल्जी मतलब इस्राएल देशो मीहतिंङ रंदे। दोई शांति ऊ पाहठी रूठे खबर सुनाएती अंऊ मीहतिंङ यीशु मसीहू टोहकठे बिशवास लहज़िमी दोरच़ी खोकसी तरपोतो। दि मीह यीशु सिर्फ इस्राएली मीहतु प्रभु माह शुह पर दुह भत्ते मीहतु प्रभु शुह।

प्रेरित 2:17

‘परमेश्वरे कुट्रा अन्तो ध्याड़ारिंङ झांह शोतो, कि गेह घेंङौ आत्मा भत्ते मीहतङ रमोग दंङ केहतु योहरे ए मियोर भविष्यवाणी लोहर, दंङ केहतु छ़ोकरार दर्शन खमोर, दंङ केहतु सेंहणा च़ि मंहङ खमोर।’

रोमियो 1:4

दंङ पवित्र आत्माओ शाक्ति रंङ साते दुह सिमी दोरच़ी श्रींङे इबिमी सामर्थ रंङ साते परमेश्वरो योह साबित शुहचे इलि। दुह यीशु मसीह हेंदु प्रभु शुह।

रोमियो 8:17

अगर हेनर परमेश्वरो कटुरे शुई ता दोऊ वारिस ला शुई, पर परमेश्वरो वारिस ए मसीह रंङ साते वारिस तोईनी। अगर हेनर यीशु रंङ साते दुख उठाएपोंई, दंङ हेनर दोऊ महिमा रिंङ ला सहभागी शुहचे योंई।

1 कुरिन्थियों 2:7

पर अंऊ ज्ञानो हेंज़ी गप्पा लहज़ातंई दू ज्ञान परमेश्वरो ज्ञान शुह अंऊ ब्याके तोहई। हेंतेग तचेक अरिला दिबी माह ञेंहच़ाते। परमेश्वरे धरती बणाषी बे तुहई ए फेंसला लहज़ी चरच़ाते कि दोऊ ज्ञान हेंदिंङ महिमा रमतो।

गलातियों 4:4

पर अपेहल दू टेम अति अतु योजना परमेश्वरे बणाक्ते, दंङ परमेश्वरे एनोह योह दि संसारारिंङ च़रति, दंङ दू इच्च़ा मीहू रूपा रिंङ जेह्कते। दुह यहुदी जेह्के, मूसा ओ कानूनो अधीन दिऊ थल्जी बंङज़िरी,

इफिसियों 1:10

अपेहल दि हिटी पूरे शुहबिमी टेम अपतो, दंङ परमेश्वर स्वर्ग ए धरतीऊ चीज़ातिंङ मसीहू अधीन लेह च़रपोतो, ताकि मसीह भत्ते चीज़ो मुख्या शोतो।

इफिसियों 3:9

दंङ गिह्बी दि ब्याके योजना बि भत्ते तिंङ समझाच़िमी थल्जी ला अंङषी तोहई। परमेश्वर अंऊ भत्ते संसारो रचायिता शुह, दोई तुहई शुरूआत बेहच़ी ए दि योजना गुप्त तहसी तते,

इब्रानियों 1:5

पवित्र शास्त्रारिंङ अपेहल अच़िया माह कंड्रीर कि परमेश्वरे दू भत्ते अरिया स्वर्गदूता तु हखा कुई, अंऊ दोई एनोह योह हखा कुई, “काह गिऊ योह शुनाह; तोग गेह घोषणा लहज़ातग कि काह गिऊ योह शुनाह” “दंङ, दोई झांह एनोह अरिला स्वर्गदूतो हखा माह कुई” “कि गेह दोऊ बाह बणेक्पोग, दंङ दू गिऊ योह बणेंके योतो।”

इब्रानियों 1:8

पर योह पाहठी कुट्रा, “कांह परमेश्वर शुनाह, कनु राज हमेशा तचेक बणेंके बंङज़ोतो, काह केनोह राजारिंङ धर्मिकता रंङ साते राज लोहतो।

इब्रानियों 11:3

विशवासो दोरच़ी ए ञेंहच़ी ञेंच़ातंई, कि भत्ते संसारो रचना परमेश्वरो बचनो दोरच़ी शुहचे शुह। झांह लेह हेंज़ी छिल्ला खंड्रातंई दू चीज़ो दोरच़ी बणेषी शुह अतिंङ खंड्री मरपोंई।

इब्रानियों 2:3

झांह लेह अगर हेनर दि महान उद्धारो अनदेखी लोहनि ता दंङ पक्‍का रूपारिंङ हेंदिंङ ला सज़ा खोकसोतो। प्रभु ज़ि ऐनाह तुहई ए दि उद्धारो पाहठी कंङाते, दंङ अंऊ दोच़ी प्रभु दोरच़ी रेड्री तरेर, दुह मीहतु वहज़ा ज़ि हेंदु थल्जी दि साबित शुचि इलि।

इब्रानियों 3:6

पर मसीह योह रूपारिंङ एनोह टबरातु थल्जी विशवासो जोगे तोह दंङ दू टबर हेनर शुई, अगर हेनर हेंदु उम्मीद रिंङ हिम्मत ए घमण्ड लहज़ी जारी तोहनि ता, दंङ हेनर परमेश्वरो मीहरे शुहनि।

इब्रानियों 4:14

यीशु अंऊ स्वर्गो हखा इलज़ा, दू परमेश्वरो योह शुह। दू हेंदु भत्ते तु यहुदी महापुरोहित शुह। झांह लेह अतंई हेनर दू विशवासा बि छोड़ेके पक्‍का रंङ साते बंङज़ोंई अपि हेंज़ी भत्ते तु तुईज़ी स्वीकार लाहतंई।

इब्रानियों 5:8

हालांकि यीशु परमेश्वरो योह तोहई, तांला दोई एनोह दुखो दोरच़ी परमेश्वरो भाषे लहज़ी सीखेति।

इब्रानियों 7:28

छना कुचे मूसा ओ कानून ता कमज़ोर मीहतिंङ मोह्ड़े पुरोहित नियुक्त लहज़ा; पर दू वाईदा अंऊ मूसा ओ कानूनो थल अति दोई परमेश्वरो योह बि यहुदी महापुरोहितो रूपारिंङ अंङे च़रति। अंऊ हमेशा ओ थल्जी हेंदु सिद्ध मोह्ड़े पुरोहित बणेंके इलि।

इब्रानियों 7:3

अतु माह बाह, माह याह, माह छा खानदान तोह, अतु माह ध्याड़ो शुरूआत तोह, दंङ माह ए जीवनो अंत तोह; पर परमेश्वरो योह ठ्रोह दू हमेशा ओ थल्जी यहुदी पुरोहित तोह।

1 पतरस 1:20

दि संसारो रचना बे तुहई, परमेश्वरे दि सोचेके चरच़ाते कि यीशु मसीह छुड़ाएसा शोतो। पर दू केहतु मदत लहज़िमी थल्जी दि अंतिम ध्याड़ा रिंङ दि संसारारंङ प्रगट शुई।

2 पतरस 3:3

भत्ते बे तुहई खास गप्पा दिह तोह कि दंङ अन्तिम ध्याड़ा बे ठीक तुहई, रेह झांह ठ्रोह मीह तंङफोर अतु जीवन दोतु मदम हिटी ऊ वशारिंङ तोह। दोरे दोऊ कछंङ अपिमी विचारो मज़ाक लोहर।

यहूदा 1:18

दोच़ी केहतु हखा कुट्रातेर, कि “अन्तिम ध्याड़ारिंङ, झांह ठ्रोह मीहरे शोर अंऊ प्रभु ए दोऊ मीहतु मज़ाक उड़ाएपोर। दिरे दुह मीहरे शुरे अंऊ दोतु ज़िंदगी रिंङ दोतु मदम कमो हिटीऊ वशारिङ तोह।”