इब्रानियों 1:1 - लाहौली बाइबिल

¹ तुहई जुगारिंङ परमेश्वरे भविष्यवक्तातु दोरच़ी हेंदु बाह मेमेतंङ साते महस फेरा शत्‌ह-शत्‌ह तरीका रंङ साते गप्पा लहरी।

इब्रानियों 1:1 Iomraidhean Croise

लूको 1:55

दोई अब्राहम ए दोऊ भत्ते खानदानो मीहतिंङ हमेशाऊ दाह कंड्रिमी थल्जी हिद लहसी ततो।”

लूको 1:72

दोई एनोह पवित्र वाईदा हिद लेह, ञेंहतु बाह-मेमेतु टोईच़ी दया लोहतो,

लूको 24:27

दंङ यीशु ज़ि मूसा ए भत्ते भविष्यवक्ताज़ि अंऊ ला गप्पा यीशु पाहठी पवित्रशास्त्रा रिंङ च़ेहसी तोह, दुह भत्ते गप्पारे दोतिंङ इच्च़ा-इच्च़ा लेह समझाएक्तो।

लूको 24:44

दंङ यीशु ज़ि दोतंङ साते कुंई, “दिहरे गिऊ दुह गप्पारे शुहरे, अंऊ गेह केतंङ साते बंङज़ा केतंङ साते कुहतेग, कि ज़रूरी तोह अंयों गप्पारे मूसाओ कानूना ए भविष्यवक्तातु ए भजनो कताबंङ, गिऊ पाहठी च़ेहसी भत्ते हेले साबित शोतो।”

यहून्नो 16:13

पर अपेहल दुह पवित्र आत्मा अपतो, अच़ि परमेश्वरो पाहठी सच्चाई कंबतो, दोई एनोह अधिकारंङ माह कोहतो पर दोई छि रेड्रोतो दंङ दुह ए कोहतो, दंङ अंजा गप्पातु पाहठी केतिंङ कंबतो।

यहून्नो 7:22

दिऊ बजह च़ि मूसा ए केतिंङ खतना लहज़िमी आज्ञा रांहषी ततो, दिह मशत कि दुह मुसाओ दोरच़ी शुह पर बाह मेमेतु टेमा च़ि तोह, दंङ केहरे अरामो ध्याड़ारिंङ मीहतु खतना लहज़ातंई।

यहून्नो 9:29

ञेंहच़ी ञेंहनी कि परमेश्वरे मूसा रंङ साते गप्पा लहरी; पर दिह मीहबी माह ञेंहनी कि दुह अंऊरच़ि अपा।”

प्रेरित 13:32

दंङ हेंतेग ञेंहरे केतिंङ दि रूठे खबर सुनाएच़ातंई। ञेंहच़ी केतिंङ दि कंड्रातंई कि परमेश्वरे हेंदु बाह मेमे तंङ साते छि वाईदा लहसी तहरे दोबि पूरा लाहतो।

प्रेरित 2:30

दुह भविष्यवक्ता तोहई, दोई ञेंहच़ाते कि परमेश्वरे कसम लेह दोरंङ साते वाईदा लह्सी तोह कि, “गेह कांह वंशो दोरच़ी इच्च़ा मीह बि कांह सिहासन रामोग।”

प्रेरित 28:23

दोहपल दुह यहुदी ज़ि पोलुसो थल्जी इच्च़ा ध्याड़ा ठहराति। दुह ध्याड़ा महस मीहरे दोऊ ठहरि ठ्रोहका शुहचे इलिर, दंङ पोलुस मुंजे बेहच़ी योंकले तचेक परमेश्वरो राजो पाहठी गवाही रंड्री लेहती, दंङ मूसाऊ कानूने ए भविष्यवक्तातु कताबंङ ज़ि यीशु पाहठी रूठे रंङ कंड्री लेहती।

प्रेरित 3:21

यीशु ऊ स्वर्गंङ बंङज़ी दोहपल तचेक ज़रूरी तोह अपेहल तचेक कि परमेश्वर भत्ते धिर खरकोई बणाके च़रपोतो। महस तुहई ए परमेश्वरे मीहतिंङ दिह कंड्रिमी थल्जी पवित्र भविष्यवक्तातु दोरच़ी झांह लहज़िमी वाईदा लहरी।

इब्रानियों 11:2

हेंदु बाह-मेमेतु झांह ठ्रोह विशवास तोहई। सिर्फ दिए वहज़ा ज़ि परमेश्वर दोतंङ साते खुश तोहई।

इब्रानियों 12:25

खबरदार बंङज़ुंई, दंङ परमेश्वर अंऊ केतंङ साते कुट्रा दोऊ हुकुमो भाषे लंहि। इस्राएलो मीहतिंङ सज़ा खोकसिरी अपेहल दोच़ी मूसा ओ चेतावनी रेड्रीमी दोरच़ी इंकार लेह च़रतिर। दिऊ थल्जी दि ञेंहतु थल्जी महस मदम शोतो अगर हेनर परमेश्वरो हुकुम भाषे माह लहज़ातंई अंऊ हेंदिंङ स्वर्गंङ ज़ि चेतावनी रंड्रा।

इब्रानियों 2:2

परमेश्वरे स्वर्गदूता तु वहज़ा ज़ि कानून रांहषी तते, दोबि हेले साबित लहज़ी च़रति। दंङ अच़िला दुह कानूनो भाषे माह लहज़ाते, दोबि दोऊ हिसाबे सज़ा खोकसोतो।

इब्रानियों 2:3

झांह लेह अगर हेनर दि महान उद्धारो अनदेखी लोहनि ता दंङ पक्‍का रूपारिंङ हेंदिंङ ला सज़ा खोकसोतो। प्रभु ज़ि ऐनाह तुहई ए दि उद्धारो पाहठी कंङाते, दंङ अंऊ दोच़ी प्रभु दोरच़ी रेड्री तरेर, दुह मीहतु वहज़ा ज़ि हेंदु थल्जी दि साबित शुचि इलि।

इब्रानियों 3:5

मूसा ता परमेश्वरो भत्ते घरबारो मीहतु सेवा लहज़िमी थल्जी विशवासो जोगे बंङज़िरी, अंऊ कम मूसा ए लहरी, दू सिर्फ दू गप्पातु सच्चा उदाहरण तोहई अंऊ परमेश्वरे तुंखा ओ थल्जी कोहतो।

इब्रानियों 4:8

ञेंहच़ी दि ला ञेंहच़ातंई कि परमेश्वरे अंऊ नहच़िमी ठहरि ओ वाईदा लहसी ततो, दू कनान देश माह शुह, अंऊर इबिमी थल्जी यहोशू ज़ि हेंदु बाह-मेमेतु अगुवाई लहरी। छना कुचे अगर दि कनान देश शुचंङ ता परमेश्वर अई इच्च़ा आरामो ध्याड़ो पाहठी गप्पा माह लंहीयां।

इब्रानियों 5:5

ध्वांए ठ्रोह, मसीह ज़ि ला यहुदी महापुरोहित बणाके एनोह आदर लहज़िमी फेंसला माह लहरी। बल्कि, परमेश्वरे मसीहू ओ हखा दि कुट्रा ते दोऊ आदर लहरी, कि “काह गिऊ योह शुनाह; तोग गेह घोषणा लहज़ातग कि गेह कांह ए बाह शुगाह।”

इब्रानियों 9:19

भत्ते बे तुहई, मूसा ओ कानूने मीहतिंङ भत्ते हुकुमो पाहठी कंङातो। दोऊ थल दोई रेंज़ा तु शुहई लेहपच़ी दंङ दोबि तिऊ अंदरेग केहच़ी च़रति। दंङ दोई दिबी कानूनो कताब ए भत्ते मीहतु टोहकठे पुरच़िमी थल्जी षेह्ई च़म ए ज़ूफा मिंदंङ इच्च़ा पौधा ओ ब्रन्ज़ इस्तेमाल लहरी।