गलातियों 6:9 - लाहौली बाइबिल

⁹ हेनर रूठे कम लहज़िमी रंङ साते परेशान शुहबी माह जूंस, छना कुचे अगर हेनर परेशान माह शोंई, दंङ परमेश्वरो ठीक टेमारिंङ ईनाम खोकपोंई।

गलातियों 6:9 Iomraidhean Croise

मत्ती 10:22

दंङ गिऊ टोहकठे विशवास लहज़िमी रंङ साते भत्ते मीहच़ी केतंङ साते बैर लोहर; पर अंऊ दुखो अनंत तचेक गिऊ टोहकठे पक्‍का विशवासरिंङ बंङज़ोतो, परमेश्वरे दुह बचाके च़रपोतो।

मत्ती 24:13

पर अंऊ जीवनो अंत तचेक गिऊ टोहकठे पक्‍का विशवासरिंङ बंङज़ोतो, परमेश्वरे दुह बचाके च़रपोतो।

मत्ती 25:17

ध्यांए अच़ि झुह्ट खोक्शते दोईला झुह्ट ऊहई कमाकतो।

मत्ती 9:19

यीशु अहच़ा एनोह चेला तंङ साते दोरंङ साते अच़ा इलि।

मरकुसो 3:3

यीशुज़ि करची गुहड़ो मीहरंङ साते कुहतो, “तुईज़ी अंज़े खड़े शुह।”

लूको 18:1

यीशु ज़ि एनोह चेला तिंङ दिऊ पाहठी इच्च़ा कथारिंङ कुंहई कि, रोज प्रार्थना लोहवा लांही दंङ निराश थाह शुई;

रोमियो 2:7

अंऊ मीहरे ड्काह बंङज़ा ते भलाई लहज़ा ते महिमा ए आदरो, अपेहल ला माह योह्सा जीवनो खोजारिंङ लेहकी बंङज़ातोर, परमेश्वर दोतिंङ अनंत जीवन रमतो;

1 कुरिन्थियों 15:58

झांह लेह हे गिऊ प्यारे साथी विशवासी रे, केनातु विशवासा रिंङ पक्‍का बंङज़ुंई दंङ गलत शिक्षा ओ वहज़ा ज़ि भटक्तेतुंई था, प्रभु थल्जी छि कम केहच़ी लहज़ातंई दोरिंङ हमेशा तुंखा शुई। छना कुचे दि ञेंहच़ा, कि छिल्ला धिर केहच़ी प्रभु थल्जी लोहनि दोऊ ईनाम केतिंङ पक्‍का खोकसोतो।

2 कुरिन्थियों 4:1

झांह लेह अपेहल हेंदु टोहकठे झांह ठ्रोह दया शुई, कि हेंदिंङ परमेश्वरो रूठे खबर प्रचार लहज़िमी सेवकाई खोकसिरी, दंङ हेंज़ी अपेहल ला हार माह खोकपोंई।

2 कुरिन्थियों 4:16

झांह लेह हेनर याहब माह छोड़ेक्च़ातंई; हेंदु धकते कि इन्सानी रूप कमज़ोर शुहचे यवात पर हेंदु तोंखी अन्तरात्मा हर ध्याड़ा खरकोई शुहचे यवाह।

2 कुरिन्थियों 9:6

पर गप्पा ता दि तोह, कि अंऊ दोई थोड़े एचाह, दोई थोड़े ब्लज़ोतो ला; दंङ अंऊ दोई महसे एचाह, दोई महसे ब्लज़ोतो।

इफिसियों 3:13

झांह लेह गेह विनती लहज़ातग कि अंऊ दुख केहतु थल्जी गिह्बी शुहबी लेहकी तोह, दोतु वहज़ा ज़ि परेशान शुहबी मेस, छना कुचे दि भत्ते केहतु महिमा ओ थल्जी तोह।

2 थिस्सलुनीकियों 3:13

हे गिऊ प्यारे साथी विशवासी रे, केरे भलाई लहज़िमी थल्जी हिम्मत था छोडे़क्तेंई।

इब्रानियों 12:3

यीशु उदाहरणो पाहठी सोचेक्तुंई, कि दोई दू पापी तु थल्जी अंयों सहन लहरी अंऊ दोरंङ धोंण नफरत लहज़ातेर। दोई दिऊ थल्जी दुख सहन लहरी, ताकि केरे निराश शुहचे हिम्मत छोड़ेके माह केईनि।

इब्रानियों 12:5

पर केरे दू हिम्मतो उपदेश पेहषा इलजी तोतोंई, अंऊ परमेश्वरे केतिंङ एनोह योह चेहके ते रंदे, “हे गिऊ योह, अपेहल प्रभु ज़ि केतिंङ दि एहसास दिलाएच़ा कि केहच़ी गलत लाहतंई, दंङ अपेहल दोई केतिंङ रैहच़तो ता केहच़ी हिम्मत छोड़ेक्तुंई था।

इब्रानियों 3:14

अगर हेनर हेंदु तुहई कि विशवासा बि थल मुक्का तचेक पक्‍का बणाके तोहनि, दंङ हेनर मसीहू सहभागी शुहचे योंई।

इब्रानियों 3:6

पर मसीह योह रूपारिंङ एनोह टबरातु थल्जी विशवासो जोगे तोह दंङ दू टबर हेनर शुई, अगर हेनर हेंदु उम्मीद रिंङ हिम्मत ए घमण्ड लहज़ी जारी तोहनि ता, दंङ हेनर परमेश्वरो मीहरे शुहनि।

याकूब 5:7

झांह लेह हे गिऊ प्यारे विशवासी साथी रे, प्रभु अपिमी तचेक ज़हके तंही। छना ज़मीनदार धरतीऊ रूठे फसलो उम्मीद तहच़ा मुण्डो ए थल मुक्को संदाण शुहबी तचेक धीरज़ा रंङ ज़हके तहच़ा।

1 पतरस 2:15

परमेश्वरे जुंज़ा कि केहच़ी केनातु रूठे कम दोरच़ी केहतु पाहठी गलत दोष लगाएच़ा मुर्ख मीहतु आह बन्द लेह तरपोंई अंऊ परमेश्वरा बि माह ञेंहच़ातोर।

1 पतरस 3:17

अगर हेंदु थल्जी परमेश्वरो दिए हिटी तोह, दंङ केनातु रूठे कमो दोरच़ी दुख खोकच़ातंई दंङ दुह दुख खोकसी रूठे तोह, दि हेंदु मदम कमो दोरच़ी दुख उठाएच़िमी बे महसे गुना रूठे तोह।

1 पतरस 4:19

झांह लेह, अंऊ मीहरे ध्वांए ठ्रोह दुख सहन लहज़ातोर छना परमेश्वरे जुंज़ा, दोतिंङ परमेश्वरो टोईच़ी विशवास लहज़ी जारी तहच़ि जूंशी तोह। परमेश्वरे हमेशा दू ए लहज़ी अंऊ दू लहज़िमी दोई वाईदा लहसी ततो दिऊ थल्जी अंऊ रूठे तोह दू लहज़ी जारी तंही।

प्रकाशित वाक्य 2:17

हर इच्च़ा अंऊ गिऊ खबर समझेक्सी जुंज़ा, दोबि दुह गप्पा ध्याना रंङ साते रेड्री जूंशी तोह अंऊ परमेश्वरो आत्मा कलीसिया रंङ साते कुट्रा। दोरे मीहरे अंऊ जीत हासिल लहज़ातोर, गेह दोतिंङ दुह मन्ना ओ दोरच़ी छा रमोग अंऊ ब्याके तोह, गेह दोतु बिचंङ भत्ते तिंङ इच्च़ा छंङसी रह्घ ला रमोग, अंऊ दोऊ टोईच़ी इच्च़ा खरकोई मिन च़ेहसी शोतो। अंऊ मीह दोबि खोकपोतो, दोबि छोड़ेके ऊई अरिला दुह मिन ञेंई मरपोतो।

प्रकाशित वाक्य 2:3

केई धीरज़ रंङ दुख सहन लहज़ातन, छना कुचे काह गिऊ टोईच़ी विशवास लहज़ातन, दंङ केई अपेहल ला सेवा लहज़ी बंद माह लहज़ातन।

प्रकाशित वाक्य 2:7

हर इच्च़ा अंऊ गिऊ खबर समझेक्सी ततो, दोबि दुह गप्पा ध्याना रंङ साते रेड्री जूंशी तोह अंऊ पवित्र आत्मा कलीसिया रंङ साते कुट्रा। अंऊ मीहच़ी जीत खोक्शातोर, दोतिंङ गेह जीवनो बुटो दोरच़ी फल ज़ेइमी अधिकार रमोग, अंऊ परमेश्वरो बगीच़ा स्वर्गारिंङ तोह।