गलातियों 6:7 - लाहौली बाइबिल

⁷ अगर हेंज़ी दि सोचेक्पोंई कि हेनर परमेश्वरा बि धोखा रें तरपोंई, दंङ हेनर हेंदिंङ धोखा रंड्रातंई। छना कुचे मीह अंऊ धिर एपोतो दू ए ब्लज़ोतो।

गलातियों 6:7 Iomraidhean Croise

लूको 16:25

पर अब्राहमे कुहतो, हे योह, हिद लोहऊ कि केई केनोह ज़िन्दगीरिंङ रूठे चीज़ा रंङ साते आराम लहतन। दंङ दिह लाज़रे ला महसे दुख उठाके चरच़तो, दा हेंतेग दिह देर्तिंङ सुख शांतिरंङ साते तोह दंङ कांह टेहषीरिंङ तंड़पेक्पी लेहकी तोतन।

लूको 21:8

यीशु ज़ि कुहतो, “खबरदार तोहई कि केरे भरमासी मेस, महस मीहच़ी गिऊ अधिकारो दावा लहच़ी अपोर दंङ कोहर, गेह मसीह शुगाह, दंङ दोतु थले था ईलांई।

1 कुरिन्थियों 15:33

अंऊ मीहच़ी झांह ठ्रोह गप्पा लहज़ातोर दोतु ठ्रोह मुर्ख थाबणेंक्तुंई, “मदम संगति रूठे मीह ला मदम लेह केट्री।”

1 कुरिन्थियों 3:18

अगर केहतु बिचंङ अरिला दि सोचेक्च़ा कि दू दि संसारो मीहतु नज़रारिंङ ज्ञानवान तोह, दंङ केतिंङ दि संसारो नज़रारिंङ केनातिंङ मुर्ख बणाषी जूंशी तोह, ताकि केरे हेले रिंङ परमेश्वरो तुईज़ी ज्ञानवान बणेंके तरपोंई।

1 कुरिन्थियों 6:9

केतिंङ पता तोह कि, अन्याय लहज़ा मीहरे बाह परमेश्वरो राजो वारिस माह शोर; अरिया धोखारिंङ केतिंङ दि सोचेकच़ी मज़बूर लहज़ी माह जूंस कि केरे मदम कम लेह तरपोंई तांला बाह परमेश्वरो मीहतु बिचंङ ज़ि इच्च़ा बणेंके बंङज़ुंई, धोखा रिंङ था बंङज़ुंई, छना कुचे माह कुकम लहज़ा, माह मुर्तिओ पूजा, माह ऊईतु मेच़िमी ऊ लालच, माह लुचपन, माह गंङमी-गंङमी रंङ साते कुकम लंहि।

2 कुरिन्थियों 9:6

पर गप्पा ता दि तोह, कि अंऊ दोई थोड़े एचाह, दोई थोड़े ब्लज़ोतो ला; दंङ अंऊ दोई महसे एचाह, दोई महसे ब्लज़ोतो।

गलातियों 6:3

छना कुचे अगर केहच़ी ञेंहच़ातंई कि अतुआ मदत लहज़िमी थल्जी केरे महस खास शुई दंङ केरे सिर्फ केनातिंङ ए मुर्ख बणाएच़ातोंई केरे धोंण ला खास माह शुई।

इफिसियों 5:6

दिरे मीहतु दोरच़ी मुर्ख था बणेक्तेंई अंऊ दि पापो थल्जी बहाना बणाएषिमी कोशिश लहज़ातंई। छना कुचे दिए कमो दोरच़ी परमेश्वरो रोहष हुकुम माह मनेक्च़ा दोतु टोईच़ी भड़केक्पा।

2 थिस्सलुनीकियों 2:3

दि गप्पो पाहठी अंऊ रीतिरंङ साते अतुआ धोखा रिंङ थादेंई। छना कुचे प्रभु यीशु मसीहू यह्च़ा वापिस अपिमी बे तुहई, इच्च़ा ध्याड़ा अपतो अपेहल महस मीहच़ी परमेश्वरो विरोध लोहर। “दंङ दुह मदम मीह अपतो अतु नाश शुहबी ज़रूरी तोह।”

याकूब 1:22

सिर्फ परमेश्वरो बचनो रेड्रा केतिंङ धोखा थारांई; केतिंङ दुह लेह जुंशी तोह अंऊ परमेश्वरे कुट्रा।

याकूब 1:26

अगर अच़िया एनाबि भक्त समझेक्च़ा, पर मांजी गप्पा कुट्रिमी थल्जी एनोह लेह रिंङ काबू माह तहज़ा दंङ दुह एनाबि धोखा रंड्रा, दंङ दोऊ भक्ति बेकार तोह।

1 यूहन्ना 1:8

अगर ञेंहच़ी कुंई कि हेंदिंङ छिल्ला पाप माह लंई दंङ घेंङाबि धोखा रंड्रातंई, दंङ ञेंहच़ी कांह सच्चाई टोहकठे विशवास माह लहज़ा तंई अंऊ परमेश्वरे कुट्रा।

1 यूहन्ना 3:7

प्यारे कटुरे, अतुला धोखा रिंङ था अतंई। अच़ि धर्मो कम लहज़ा दुह ए मसीहू बराबर धर्मी तोह।

यहूदा 1:18

दोच़ी केहतु हखा कुट्रातेर, कि “अन्तिम ध्याड़ारिंङ, झांह ठ्रोह मीहरे शोर अंऊ प्रभु ए दोऊ मीहतु मज़ाक उड़ाएपोर। दिरे दुह मीहरे शुरे अंऊ दोतु ज़िंदगी रिंङ दोतु मदम कमो हिटीऊ वशारिङ तोह।”