गलातियों 6:3 - लाहौली बाइबिल

³ छना कुचे अगर केहच़ी ञेंहच़ातंई कि अतुआ मदत लहज़िमी थल्जी केरे महस खास शुई दंङ केरे सिर्फ केनातिंङ ए मुर्ख बणाएच़ातोंई केरे धोंण ला खास माह शुई।

गलातियों 6:3 Iomraidhean Croise

लूको 18:11

फरीसी मीह खड़े शुहचे एनोह सेहमरिंङ दिह प्रार्थना लहज़ी लेहती, हे परमेश्वर, गेह कांह धन्यवाद लहज़ातग कि गेह ऊई मीहतु ठ्रोह लालची, अन्यायी ए कुकम लहज़ा माह तोग, दंङ माह दिह चुंगी लेहप्च़ातु ठ्रोह तोतोग।

प्रेरित 5:36

छना कुचे थोड़े अरे टेमो तुहई थियूदास मिंदंङ इच्च़ा मीह ज़ि दिह दावा लेह कुहते, कि गेह ला छा शुगाह; कुट्रा ते अच़ा इलि, कि गेह ला छा शुगाह। लगभग पी राह मीहरे दोऊ थले जोज़ातेर, पर दुह सच़ी च़रतिर ता दोऊ थल जोज़ा दोरे देखा-नोखा शुचे इलिर दंङ दोच़ी छिल्ला सोचेक्सी ताहरेर ध्वांए शुहबी माहरति।

रोमियो 12:16

इदि-अई दिऊ ध्वांए ध्यान तंही छना केनोह ध्यान तहच़ातन, घमण्डी था शुई पर दीन ए दुखी तंङ साते मेल जोल तंही केनातिंङ बुद्धिमान था समझेक्तुंई।

रोमियो 12:3

छना कुचे गेह दू मोह्ड़े दाह ओ वहज़ा ज़ि अंऊ गिह्बी खोकसी तोह, केहतु बिचंङ हर इच्च़ा रंङ साते कुट्रातग कि छना समझेची जूंस दुबे बड़के अरिला एनाबि था सोचेक्तुंई। पर छना परमेश्वरे केतिंङ अंयों विशवास रांहषी ततो दोऊ हिसाबे सुबुद्धिरंङ साते केनातिंङ समझेक्तुंई।

1 कुरिन्थियों 13:2

दंङ अगर गेह भविष्यवाणी लेह तरपोग, दंङ भत्ते भेद ए भत्ते पाहठी ज्ञान समझेक्पोग, देर तचेक कि अगर गिह्बी परमेश्वरो टोईच़ी पूरा विशवास तोह कि गेह गोह बि थलका लेह तरपोग, दंङ ऊईतिंङ साते दाह माह तहज़ातग, दंङ गेह छल्ले माह शुगाह।

1 कुरिन्थियों 3:18

अगर केहतु बिचंङ अरिला दि सोचेक्च़ा कि दू दि संसारो मीहतु नज़रारिंङ ज्ञानवान तोह, दंङ केतिंङ दि संसारो नज़रारिंङ केनातिंङ मुर्ख बणाषी जूंशी तोह, ताकि केरे हेले रिंङ परमेश्वरो तुईज़ी ज्ञानवान बणेंके तरपोंई।

1 कुरिन्थियों 8:2

अगर अच़िया समझेक्च़ा कि दोई छा ञेंहच़ा कि छना ठ्रोह ञेंहच़ी जूंस।

2 कुरिन्थियों 12:11

गेह मुर्ख बणेंके इलिग, पर दि केरे ए शुई अच़ि गिह्बी झांह लहच़िमी थल्जी मज़बूर लहरिन। केतिंङ ता गिऊ षटणा लहज़ी जूंशी तोहई, छना कुचे अगर गेह छोह् ला जोगे माह तोग, तांला गेह दोतंङ बे छल्ले धिरा रिंङ कम माह तोग, अंऊ झांह ठ्रोह कंड्रातोर कि दोरे भत्ते प्रेरित बे मोह्ड़े तोतोर।

2 कुरिन्थियों 3:5

हेंज़ी दि माह कुट्रातंई कि हेंदु कछंङ हेंदु दोरच़ी छा लहज़िमी काबलियत तोह; पर परमेश्वर हेंदिंङ दि काबलियत रंड्रा।

गलातियों 2:6

यरूशलेमो कलीसिया ओ दू अगुवा ज़ि, अंऊ खबरा रिंङ सिखाएच़ातेर दोबि लहसिमी थल्जी गेह मज़बूर माह लहरिर। गिह्बी दि गप्पो दोरच़ी छल्ले फर्क माह पढेक्पी कि दोरे अगुवा अंयों खास तोतोर, छना कुचे परमेश्वर धकते कि रूप खंड्रा अपेहल ला न्याय माह लहज़ा।

गलातियों 2:9

अंऊ मीहरे कलीसिया ओ अगुवा समझेक्च़ातंई, मतलब याकूब, बरनबास, कैफा ए यूहन्ना, दोच़ी मोह्ड़े दाह ओ दू वाईदा सेहच़ी चरच़ातोर अंऊ गिह्बी खोकसा तोह। दोच़ी हेंदंङ साते गुह्ट्र मिलाके दि कंङातोर कि दोरे हेंदंङ साते राजी तोईरे। दोरे दि गप्पो थल्जी राजी शुईरे कि हेनर ऊईजाति तु कछंङ रूठे खबर सुनाएच़िमी थल्जी योंई दंङ दोरे यहुदी तु कछंङ।

2 तीमुथियुस 3:13

पर मदम मीहरे ए धोखेबाज़ मीहरे ऊई ला मदम कम लोहर दोरे मीहतिंङ धोखा रमोर दंङ दोतिंङ ला ऊईज़ि धोखा रमोर।

याकूब 1:22

सिर्फ परमेश्वरो बचनो रेड्रा केतिंङ धोखा थारांई; केतिंङ दुह लेह जुंशी तोह अंऊ परमेश्वरे कुट्रा।

याकूब 1:26

अगर अच़िया एनाबि भक्त समझेक्च़ा, पर मांजी गप्पा कुट्रिमी थल्जी एनोह लेह रिंङ काबू माह तहज़ा दंङ दुह एनाबि धोखा रंड्रा, दंङ दोऊ भक्ति बेकार तोह।

1 यूहन्ना 1:8

अगर ञेंहच़ी कुंई कि हेंदिंङ छिल्ला पाप माह लंई दंङ घेंङाबि धोखा रंड्रातंई, दंङ ञेंहच़ी कांह सच्चाई टोहकठे विशवास माह लहज़ा तंई अंऊ परमेश्वरे कुट्रा।