गलातियों 6:2 - लाहौली बाइबिल

² अपेहल हेंदु बिचंङ अरिया मुसीबता रिंङ शोतो ता, दंङ हेंदिंङ इदि-अई दिऊ मदत लेह जूंशी तोह, दंङ झांह लेह हेनर मसीहू कानूनो भाषे लहज़ातंई।

गलातियों 6:2 Iomraidhean Croise

मत्ती 8:17

ताकि छि वचन यशायाह भविष्यवक्ताओ दोरच़ी कुहषी तोहई दुह पूरा शुहबी जूंस। “मसीह ऐनेह हेंदु कमज़ोरी लेहपशे केहते दंङ हेंदु टेहषी उठाके केहते।”

लूको 11:46

यीशुज़ि कुतोह, “हे कानून ञेंहच़ारे, केहतु टोईच़ी ला धिक्कार। केहच़ी दुह बोझ रे अंऊ दिबी कुरची मुशकिल तो, मीहतु टोईच़ी केट्रांई दंङ केहच़ी दुह बोझ केनोह ब्रेंज़ा रंङ साते ला मा थग्ज़ी।

यहून्नो 13:34

गेह केतंङ इच्च़ा खरकोई हुकुम रन्ड्रातग कि इदिऊ अईदिऊ रंङ साते दाह लांही; ध्वांए छना गेह केतंङ साते लहज़ातग, ध्वांए केहच़ी ला इदिऊ अईदिऊ रंङ साते दाह लांही।

यहून्नो 15:12

गिऊ हुकुम दिह तोह, कि छना गेह केतंङ साते दाह लहतग, ध्वांए केहरे ला इदिऊ अई दिरंङ साते दाह लांही।

रोमियो 15:1

हेनर अंऊ विशवासा रिंङ पक्‍का तोतोंई ञेंहच़ातंई कि दिह गप्पो दोरच़ी छल्ले फर्क माह पड़ेक्पा, पर हेनर दोतिंङ सिर्फ हेंदिंङ खुश लहज़िमी थल्जी माह शुह। हेंदिंङ दुह मीहतिंङ शक ओ टोईच़ी विचार लेह जूंशी तोह अंऊ दि गप्पा तिंङ गलत ञेंहच़ातोर।

रोमियो 8:2

छना कुचे पवित्र आत्माज़ि केतिंङ दू जीवन रांहषी ततो अंऊ यीशु मसीहू दोरच़ी खोकसिरी दंङ दोई केतिंङ पाप ए मौतो दोरच़ी आज़ाद लहरी।

1 कुरिन्थियों 9:21

ठीक ध्वांए, ऊई जाति तंङ साते तोहई, दंङ दोतु ठ्रोह जीवन श्रींङज़ि लेहती, ताकि दोतिंङ ला प्रभु यीशु मसीह रिंङ रैंज़ा हपोग अंऊ कानूनो अधीन ए तोतोग।

गलातियों 6:5

छना कुचे भत्ते मीहरे एनोह कमो थल्जी ज़िमेवार तोतोर।

1 थिस्सलुनीकियों 5:14

दंङ हे गिऊ प्यारे विशवासी साथी रे, ञेंहच़ी केतंङ साते बिनती लहज़ातंई, कि केहच़ी दुह मीहतिंङ खबरदार लंहि अंऊ सुस्त शुहचे इलजी तोतोर, दंङ दुह मीहतिंङ उत्साहित लंहि अंऊ डरपोक तोतोर, दंङ अंऊ विशवासरिंङ कमज़ोर तोतोर दोतु मदत लंहि, दंङ भत्ते तंङ साते सहनशीलता रंङ साते बंङज़ु।

याकूब 1:25

दुह मीह अंऊ परमेश्वरो सिद्ध कानूनो ध्याना रंङ साते अध्धयन लहज़ा अच़ि मीहतिंङ पापो दोरच़ी मुक्त लहज़ा, दोई एनोह कमरिंङ झांह लेह आशीष खोकपोतो कि रेड्राते माह पेहषा, पर ध्वांए ए कम लहज़ा।

याकूब 2:12

दुह मीहतु ठ्रोह कुंई दंङ व्यवहार लंहि, अतु फेंसला नियम कानूनो ठ्रोह शोतो अंऊ हेंदिंङ आज़ाद लेह च़रच़ा।

याकूब 2:8

अगर केरे पवित्रशास्त्रो दि बचनो हिसाबे, “कि केई केनोह पड़ोसीरंङ साते केनोह बराबर दाह लोहू” दंङ हेले पवित्रशास्त्रो भत्ते बे खास कानून मनेक्च़ा ते रूठे लहज़ातंई।

1 पतरस 2:24

अपेहल मसीह सिए इलि, दंङ हेंदु पापो थल्जी क्रूसो टोईच़ी दोऊ फुका बि तकलीफ रेंईर ताकि हेनर पाप लेह बन्द लेह केओनि दंङ धर्मिकता रंङ साते श्रींङमी शुरू लोहनि। दंङ दू घाहो वहज़ा ज़ि अंऊ दोई सहन लहरी, हेनर ठीक शुहचे इलजे तोतोंई।

2 पतरस 2:21

गिऊ मतलब दि तोह, कि परमेश्वर दुह मीहतिंङ महसे सज़ा रमतो अंऊ मसीहू अम बि छोड़ेके चरच़ातोर बजाए दोतु अंऊ दोच़ी दोबि अपेहला ग्रहण ए माह लहरिर। दोतु थल्जी दि ठीक शुचंङ दोच़ी अपेहला दि ञेंए माह कि एनोह जीवना बि धर्मी तरीका रंङ श्रींङमी थल्जी छि लोहर। एंतेग दोच़ी ञेंहच़ातोर कि सही छि तोह पर दोच़ी परमेश्वरो दुह हुकुम मनेक्च़िमी रंङ साते इंकार लाहतोर अंऊ हेनर, प्रेरिता ज़ि दोतिंङ सिखाएकातेंई।

2 पतरस 3:2

गेह दि दिऊ थल्जी लहज़ातग, छना कुचे गेह जुंज़ातग कि केहच़ी दुह बचन हिद तंही, अंऊ परमेश्वरो भविष्यवक्ता ज़ि महस तुहई बेहच़ी कुहषी ताहरेर दंङ उद्धारकर्ता हेंदु प्रभु यीशु मसीहू शिक्षा हिद तंही अंऊ केतिंङ दुह प्रेरिता ज़ि शिक्षा रांहषी तातोर अंऊ केहतु कछंङ अंज़े तोईरे।

1 यूहन्ना 4:21

दंङ परमेश्वरो दोरच़ी हेन्दिंङ दि हुकुम खोकसा तोह, कि अच़िला एनोह परमेश्वरारंङ साते दाह तहच़ा, दोई एनोह विशवासी न्वा रंङ साते ला दाह लोह।