गलातियों 6:12 - लाहौली बाइबिल

¹² अंऊ मीहरे ऊई यहुदी तिंङ खुश लहज़ी जुंज़ातोर, दोरे ए केतिंङ खतना लहज़िमी थल्जी दबाब केओर। दोरे दि सिर्फ दिऊ थल्जी लहज़ातोर ताकि मीहरे दोतिंङ दि प्रचार लहज़िमी वहज़ा ज़ि सताएपोर कि मसीह क्रूसो टोहकठे सिए इलि।

गलातियों 6:12 Iomraidhean Croise

मत्ती 23:27

हे कपटी रंड्रा यहुदी शास्त्री ए फरीसीरे केहतु टोईच़ी हाय! केरे चुना लहसी कब्र ठ्रोह शुई अंऊ धकतेखी ता सलठे तंङफी पर तोंङसी सी दोतु रूहसपारे भत्ते पाहठी गंदगी पिंङषी तोह।

मत्ती 23:28

ध्यांए केरे लाह धकतेखी मीहतिंङ धर्मी तंङफातंई, पर तोंङसी कपट ए, अधर्म ए पिंङषी तोहतोंई।

मत्ती 23:5

दोच़ी एनातु भत्ते कमारे मीहतिंङ कंड्रिमी थल्जी लाहतोर; दोच़ी एनातु जंतरा बिलेगदो दंङ एनातु खमज़ेतु झालर लहमे लहज़ातोर।

मत्ती 5:10

धन्य शुहरे दोरे, अरी सही कम लहज़िमी बजहच़ि खंहच़ातोर, छना कुचे स्वर्गो राज दोतु शोतो।

मत्ती 6:16

अपेहल केई ब्रत (उपबास) लोहन, दंङ मांजी सेहमो दोतु ठ्रोह मोहतिंङ केहतु उदासी शुहबी माह जूंस, छना कुचे दोरे दुखी तंङफी, ताकि मीहच़ी दोरे व्रतंङ च़ेहसी जूंस। गेह केतंङ साते हेले कुट्रतग दोच़ी एनोह ईनाम खोक्शे केहत्तोर।

मत्ती 6:2

दिऊ थल्जी अपेहल केई दान लोहन केई मोह्ड़े दिखावा थाह लोह छना झखसेमरंङ दोच़ी यहुदी सभा घरबारंङ ए गलीरिंङ लाह्तोर ताकि मीहज़ी दोतु तारीफ लहसी जूंस। गेह केतंङ साते हेले कुट्रातग दोच़ी एनातु प्रतिफल खोक्शे चरच़ातोर।

मत्ती 6:5

अपेहल केई प्रार्थना लोहन, दंङ मांजी सेहमो दोतु ठ्रोह थलोह ताकि मीहज़ी दोतिंङ खमोर ए दोतु बड़ई लोहर छना यहुदी सभा घरबारंङ ए सड़का रिंङ खड़े शुहचे प्रार्थना लेहई दोच़ी रूठे च़ेहसी। गेह केतंङ साते हेले कुट्रातग दोच़ी एनातु ईनाम खोक्शे केतोर।

लूको 16:15

यीशुज़ि दोतंङ साते कुहतो, केहच़ी ताह मीहतु तंङषी केनाहतिंङ धर्मी कंड्रातंई, पर परमेश्वरे केहतु सेहम ञेंहच़ा, छना कुचे छि चीज़ मीहतु थल्जी खास तोह, दुह परमेश्वर तुईज़ी अशुद्ध तोह।

लूको 20:47

दंङ दिहरे यहुदी शास्त्री मीहरे गरीब रंणीतु भत्ते टंगा-ढबाह, घरबार ज़े चरच़ातोर। दंङ मीहच़ी कंड्रिमी थल्जी महस टेम तचेक प्रार्थना लहज़ातोर। झांह ठ्रोह मीहतिंङ परमेश्वरे महस मोह्ड़े सज़ा रमतो।”

यहून्नो 7:18

अच़ि एनोहो दोरच़ी छा कुट्रा, दोई एनोहो ए तारीफ जुंज़ा, पर अच़ि एनोहो च़रच़ा दोऊ तारीफ जुंज़ा दुह ए ईमानदार शुह, दंङ दोऊ अंद्रेग बेईमानी माह।

प्रेरित 15:1

रेह यहुदी विशवासी मीहरे यहूदिया प्रदेशंङ च़ि अन्ताकिया शहरो हखा अतिरे दंङ ऊई विशवासी न्वारेतिंङ सिखाएच़ि लेहतिर कि; अगर मूसा ओ कानूनो हिसाबे केहतु खतना माह शुई सा ता केतिंङ उद्धार माह खोकसोतो।

प्रेरित 15:5

पर फरीसी मीहतु दलो बिचंङ अंऊ दोच़ी बिशवास लहतेर, दोतु बिचंङ च़ि थोड़े अरे मीहज़ी खड़े शुहचे कुट्री लेहतिर, “ऊईजाति बि खतना लहज़िमी थल्जी ए मूसा ऊई ला कानूनो मनेकच़िमी थल्जी हुकुम रंड्री जूंस।”

2 कुरिन्थियों 10:12

छना कुचे ञेंतिंङ दि याहब माह कि ञेंरे हेंदु तुलना दोतंङ साते गिनती लोहनि, या दोतंङ साते हेनर ठ्रोहका शोनि, अंऊ एनोह षटणा लहज़ातोर, दंङ एनाबि एनातु ए बिचंङ नाप तोल लहज़ा इदि-अई दिरंङ साते तुलना लहज़ा मुर्ख शोर।

2 कुरिन्थियों 11:13

छना कुचे झांह ठ्रोह मीहरे हप्सी प्रेरित, दंङ छलारंङ साते कम लहज़ा, दंङ मसीहू प्रेरित शुहबिमी हप्सी दावा लहज़ातोर।

गलातियों 2:14

पर अपेहल गेह खंईगा कि दोरे हेले रिंङ दुह सच्चाई ओ भाषे माह लहज़ातेर अंऊ रूठे खबर सिखाएच़ा दंङ गेह मीहतु तुईज़ी पतरसो हखा कुईग, “अपेहल काह इच्च़ा यहुदी शुहचे ला, ऊईतु जाति ओ रिति-रिवाज़ो भाषे माह लहज़ातन, दंङ काह ऊईजाति बि हेनर यहुदी तु रिति-रिवाज़ो भाषे लहज़िमी थल्जी दबाब छारिंङ केट्रातन?”

गलातियों 2:3

दोर्तिंङ रें मीहरे तोईरे अंऊ एनोह बचाएच़िमी थल्जी सिर्फ यीशु मसीहू टोहकठे विशवास माह लहज़ातेर पर यहुदी कानूनो टोहकठे ला विशवास लहज़ातेर। दोरे जासूसो ठ्रोह तोतोर दोरे ब्याके ठ्रोह अतिर ताकि हेंदु श्रींङमी तरीका ओ पाहठी ञेंहच़ोर छना कुचे मसीह हेंदिंङ आज़ाद लेह चरच़तो। हेले दू हेंदंङ यहुदी कानूनो भाषे लोहवा ते हेंदिंङ गुलाम बणाएषी जुंज़ातोर। पर हेंज़ी इच्च़ा मुक्का ला दोतु मांग स्वीकार माह लहरिन ताकि केरे रूठे खबरो सच्चाई रिंङ विशवास लहज़ी ज़ारी तोहनि। दोच़ी कुईर कि गिऊ साथी तीतुस ऊई जाति शुह, झांह लेह दोऊ खतना लेह जूंशी तोह। पर थल मुखंङ, अगुवा ज़ि दोबि खतना लहज़िमी थल्जी मज़बूर माह लहरिर।

गलातियों 5:11

हे गिऊ प्यारे साथी विशवासी रे, अगर गेह दि प्रचार लहज़ातग कि मीहतु खतना लेह जूंशी तोह, दंङ गिह्बी मुसीबतो सामना लेह माह पढ़ेक्पोतो। दंङ अगर गेह दि प्रचार माह लोहग ताकि उद्धार सिर्फ मसीहू क्रूसो दोरच़ी ए तोह, दंङ अरिला नाराज़ माह शोतो।

गलातियों 6:13

देर तचेक कि दोरे यहुदी विशवासी ला मूसा ओ कानूनो भाषे माह लहज़ातोर, पर दोच़ी जुंज़ातोर कि केहतु खतना शुहबी जूंस ताकि दोरे ऊई यहुदी तु तुईज़ी घमण्ड रंङ साते दि कंज़े तरपोर कि केहतु खतना दोतु वहज़ा ज़ि शुई।

फिलिपियों 1:15

दिह हेले शुह कि रेह मीहरे जलन ए लड़ाई झगड़ा ऊ वहज़ा ज़ि मसीहू प्रचार लहज़ा तोरे पर रेह मीहरे दि रूठे हिटीरंङ साते प्रचार लहज़ातोर।

फिलिपियों 2:4

हर इच्च़ा एनोह ए भलाई मशत, पर ऊईतु भलाई ला चिंद लंहि।

फिलिपियों 3:18

छना कुचे महसे मीहरे मांजी चाल ज़ोवातोर, अतु चर्चा गेह केतंङ साते घड़ी-घड़ी लहसी तरेग, दंङ हेंतेग ला क्रप्चे ते कुट्रा तोग कि केनातु व्यवहारो दोरच़ी मसीहू बलिदानो बैरी तोईनी।

कुलुस्सियों 2:23

दि कानून सच्चाई ऊ अमरिंङ जोज़िमी ठ्रोह तंङफा, छना कि एनाबि ए परमेश्वरो तरफे ज़बरदस्ती समर्पण लहज़िमी रंङ साते, हप्सी नम्रता ओ दोरच़ी दंङ एनोह फुका रंङ साते कठोर व्यवहार लहज़िमी रंङ साते, पर हेले रिंङ दि कानून मीहतिंङ दोतु मांजी हिटीर काबू लहच़िमी थल्जी मदत माह लहज़ा।