गलातियों 6:10 - लाहौली बाइबिल

¹⁰ झांह लेह अंऊर तचेक मोका खोकसोतो हेनर भत्ते मीहतंङ साते भलाई लोहनि; खास लहज़ी साथी विशवासी तंङ साते।

गलातियों 6:10 Iomraidhean Croise

मत्ती 10:25

दिह झोबड़ी शोतो कि चेला एनोह गुरु बराबर शोतो, दंङ परगरो एनोह मालिको बराबर; अगर दोच़ी घरबारो घ्याता बि मांजी आत्माओ मुख्या, शेतान कुहषी ततोर, अगर दोच़ी गेह चुंङो मालिकारंङ साते मांजी व्यवहार लोहर दंङ दोबि लाह मांजी व्यवहार चुंङी टबरारंङ साते लाह लोहर।

मत्ती 12:50

छना कुचे अरी गिऊ स्वर्गो बाहऊ हिटीरंङ साते जोओतो दुह ए गिऊ न्वा शुह, गिऊ रिहंङ ए गिऊ याह शुह।”

मत्ती 25:40

दंङ गेह रज्ज़ा दोतिंङ जुबाब रमोग, “गेह केतंङ हेले कुट्रातग केहच़ी गिऊ दिह कवचि वे कवचि चेलारंङ साते लाह, दुह गेरंङ लाह।

मत्ती 5:43

केहच़ी दिह थहसी शोंई कि, व्यावस्थाज़ि कुट्रा कि केन्दु पड़ोसीतंङ साते दाह तोह दंङ केनोह बेरीतंङ साते बैर तहऊ।

मरकुसो 3:4

दोई दोतंङ साते रूह्कतो, “परमेश्वरो हुकुमो हिसाबे, अरामो ध्याड़ारिंङ रुठे लहज़ी ठीक शुह या मांजी लहज़ी? छि दोई हुकुम माह रौंआ कि, प्राण बचाची ठीक शुह आ सच़ी ठीक शुह?” दंङ अच़िला जवाब माह ई।

लूको 6:35

पर केनातु बैरीरंङ साते दाह लांही ए भलाई लांही, दंङ यह्च़ा वापिस खोकसिमी उम्मीदा उद्धार थारांई; दंङ केहतु थल्जी मोह्ड़े फल शोतो, दंङ केहरे परमप्रधान परमेश्वरो कटुरे शोनी, छना कुचे दोई मांजी दोतु टोईच़ी ला कृपा लाह।

यहून्नो 12:35

यीशु ज़ि दोतु हखा कुंई, “कि छंङी केहतु बिचंङ थोड़े ध्याड़ो शुह, अपेहल तचेक केतंङ साते छंङी तोह जोआ लांही; झांह शुबी मेस कि हंयार केतिंङ कपची च़रपोतो; अरी हंयारा रिंङ जोज़ा दोई माह ञेंहच़ा कि अंऊखा इपि लेहकी तोतोग।

यहून्नो 9:4

अच़ि गेह च़रसी शुगाह दु कम हेन्दिंङ नीरा नीरारिंङ लह्जी लह्पोतो! दुह रात अपिमी तोद, अपेहल छले कम माहशोर।

प्रेरित 6:7

दंङ परमेश्वरो बचन फेलेके इलि, दंङ यरूशलेम शहरंङ चेला तु गिनती महस शुहचे इलि दंङ महसे यहुदी पुरोहितज़ि ला यीशु मसीहू टोहकठे बिशवास लहज़िमी दिह शिक्षा स्वीकार लहरिर।

2 कुरिन्थियों 2:8

झांह लेह गेह केतंङ साते बिनती लहज़ातग, कि दोबि विशवास रंड्रातंई कि केरे हेले रिंङ दोरंङ साते दाह लहज़ातंई।

गलातियों 1:23

पर दुह विशवासी ज़ि घड़ी-घड़ी दिए रेड्रीर; कि “इच्च़ा टेमारिंङ अंऊ हेंदु सताएच़ा तोहई, एंतेग यीशु मसीह रिंङ दू ए रूठे खबरो प्रचार लहज़ा, अंऊ दोबि दुह नाश लहज़िमी कोशिश लहज़ाते।

इफिसियों 2:19

झांह लेह हेंतेग केरे ऊईजाति ऊ मीहरे परदेशी ए मुसाफिर माह केहषी, पर परमेश्वरो मीहतंङ साते संगी वासी (नातारे) ए दंङ परमेश्वरो टबर शुहचे इलांई।

इफिसियों 3:15

दू इच्च़ा ए तोह अंऊ विशवासी तु भत्ते टबरातु बाह तोह अंऊ दिरंङ साते सर्गंङ ए धरतीऊ टोईच़ी तोह,

इफिसियों 4:28

चोरी लहज़ा यह्च़ा चोरी थालोहू; पर दोबि ईमानदारी रंङ साते मेहनत लहज़ी जूंशी तोह, ताकि गरीब मीहतु मदत लहज़िमी थल्जी दोऊ कछंङ छा शोतो।

इफिसियों 5:16

केनोह हर इच्च़ा मोकाऊ इस्तेमाल बुद्धि रंङ साते भलाई लहज़िमी थल्जी लंहि, छना कुचे ध्याड़ा मदम तोह।

फिलिपियों 4:10

गेह प्रभुरिंङ महस खुश तोतोग कि हेंतेग धोंण ध्याड़ो थल केहतु विचार यह्च़ा गिह्बी ढबाह च़रच़िमी थल्जी शुई; पक्‍का ए केतिंङ तुहई लाह दिऊ विचार तोहई, पर केतिंङ मोका माह खोकसिरी।

कुलुस्सियों 4:5

हर मोका ओ रूठे रंङ इस्तेमाल लंहि दि कंड्रिमी थल्जी कि केरे विशवासी शुई दंङ अंऊ मीहरे यीशु मसीहू टोहकठे विशवास माह लहज़ातोर दोतंङ साते बुद्धिमानी रंङ साते बर्ताब लंहि।

1 थिस्सलुनीकियों 5:15

दि गप्पो ध्यान तंही कि अरिला ऊईतिंङ साते बुराई बदलारिंङ बुराई लेह माह जूंस; पर हमेशा इदि अई दिऊ ए भत्तेतंङ साते भलाई लहज़िमी कोशिश लोहवा लंहि।

1 थिस्सलुनीकियों 5:21

पर हर इच्च़ा खबर रूठे रंङ परखेक्तुंई, अंऊ रूठे तोह दोबि स्वीकार लंहि।

तीतुस 2:14

यीशु मसीह हेंदु थल्जी सिए इलि ताकि हेंदिंङ भत्ते पाहठी पापो दोरच़ी आज़ाद लोहतो दंङ हेंदिंङ शुद्ध लेह तरपोतो ताकि हेनर दोऊ खास मीहरे बणेंके योंई। अंऊ रूठे कम लहज़िमी थल्जी भत्ते तरफे समर्पित शोतो

तीतुस 3:8

दि गप्पा हेले तोह, अंऊ गेह हेंतेग-हेंतेग कंङातेग दंङ गेह जुंज़ातग कि कांह विशवासी तिंङ दि गप्पातु पाहठी पक्‍का रंङ साते सिखातु। झांह लेह कि अच़ि परमेश्वरो टोहकठे विशवास लहरिर, दोरे रूठे कमो थल्जी एनोह टेम रंड्रीमी थल्जी ध्यान रांई दि भत्ते तु थल्जी दि गप्पा रूठे ए फायदेमंद तोह।

इब्रानियों 13:16

केरे भलाई लहच़ी ए इदि-अई दिऊ मदत लहज़िमी थल्जी तेयार बंङज़ुंई, छना कुचे परमेश्वर झांह ठ्रोह बलिदाना रंङ साते खुश शवाह।

इब्रानियों 3:6

पर मसीह योह रूपारिंङ एनोह टबरातु थल्जी विशवासो जोगे तोह दंङ दू टबर हेनर शुई, अगर हेनर हेंदु उम्मीद रिंङ हिम्मत ए घमण्ड लहज़ी जारी तोहनि ता, दंङ हेनर परमेश्वरो मीहरे शुहनि।

इब्रानियों 6:10

छना कुचे केहच़ी रूठे कम लहज़ातंई दंङ हेंतेग ला केरे परमेश्वरो मिंदंङ परमेश्वरो मीहतु थल्जी दाह रंङ साते सेवा ओ कम लहज़ी लेहकी तोतोंई, झांह लेह परमेश्वर केतिंङ पेषतो माह छना कुचे दू धर्मी तोह।

1 पतरस 4:17

हेंतेग दि परमेश्वरो टेम तोह कि दू मीहतु न्याय लहज़ी शुरू लोहतो। भत्ते बे तुहई दू हेंदु विशवासी तु न्याय लोहतो, झांह लेह दू भयानक चीज़ा तु पाहठी सोचेक्तुंई अंऊ दू मीहतंङ साते शोतो, अंऊ परमेश्वरो रूठे खबर माह मनेक्च़ातेर।

1 यूहन्ना 5:1

अतु दि विशवास तोह कि यीशु ए मसीह शुह, दुह परमेश्वरो कटु शुह। दंङ अरिला बाह परमेश्वरारंङ साते दाह लहज़ा, दंङ दोई दोतंङ साते लाह दाह लोहतो अंऊ परमेश्वरो कटुर शोर।

3 यूहन्ना 1:10

झांह लेह अंऊ मुक्का गेह अपोग दंङ गेह कलीसियाओ मीहतंङ साते रूठे रंङ गप्पा लोहग कि दोई छि-छि लहच़ी लेहकी तोह, मतलब ञेंहतु टोहकठे हप्सी कमो दोष लगासी लेह्की तोत, धोंण ए मशत, दोरे ता एनर (रूठे खबर) प्रचार लहज़ा विशवासी न्वातिंङ स्वीकार ला माह लहज़ा, दंङ अच़ि दोतिंङ स्वीकार लहज़ी जुंज़ातोर, दोतिंङ मना लहज़ा, दंङ दोतिंङ कलीसिया ओ दोरच़ी धकतेखा हुंच़ी केट्रा।

3 यूहन्ना 1:11

प्यारे मित्रा, दुह मीहतु नकल थालोहू अंऊ बुराईओ कम लहज़ातोर, पर दुह मीहतु थले ज़ोज़ा अंऊ रूठे कम लहज़ातोर। अपेहल अच़िया रूठे कम लहज़ा दंङ दोई दि साबित लहज़ा कि गेह परमेश्वरो योह शुगाह दंङ अंऊ बुराई लहज़ा दोई परमेश्वर सेहतिर माह।

3 यूहन्ना 1:3

छना कुचे रेह साथी विशवासी ज़ि अंज़े ञेंतिंङ कंड्रा तोह कि काह परमेश्वरो हेले ऊ अमरिंङ श्रींङमी लेहकी तोतोन, दंङ गेह महस ए खुश शुईगा।