गलातियों 6:1 - लाहौली बाइबिल

¹ हे गिऊ प्यारे साथी विशवासी रे, अगर केतिंङ दि पता शोतो कि अरिया मीह छा अपराध लहसी ततो, दंङ केरे अंऊ आत्मिक तोतोंई, दोबि नम्रतारंङ साते सही अमरिंङ वापिस हपिमी थल्जी दोऊ मदत लंहि, ध्यान तंही कि केरे ला दुह पापा रिंङ पढेक्पि माह जूंस।

गलातियों 6:1 Iomraidhean Croise

मत्ती 11:29

गिऊ जुम केनातु टोईच़ी उठातुंई, दंङ गिऊ दोरच़ी ञेंई। छना कुचे गेह शांत ए सेहमो रूठे तोतोग: दंङ केहच़ी केनातु सेहमरिंङ आराम खोकपोंई।

मत्ती 26:69

पतरस धखकते ल्वाड़िंङ तोहई दंङ इच्च़ा मेच़िमी दोऊ कछंङ अंज़े कुहतो, “कांह लाह यीशु गलीली रंङ साते तोईन।”

मत्ती 26:75

दंङ पतरसबि यीशु कुट्री गप्पा हिद अति; “कुकड़ो झुह्ट फेरा हाऊष रंड्री बे तुई केई षुमु फेरा गिऊ इन्कार लोहुन।” दंङ धह्तेका इलजे हुक्शा, हुक्शा क्रप्चाते।

मत्ती 9:13

दिऊ थल्जी केहरे ईलांई दंङ दिऊ मतलब सिखेकतुंई, ‘कि गेह बलिदान माह पर दाह जुंज़ातग’ गेह दुह मीहतिंङ बुलाच़ि अंज़े माह शुगाह अच़ि एनाबि धर्मी चेहच़ातोर, दंङ दोतिंङ बुलाच़ी अंज़े शुगाह अच़ि एनाबि पापी चेहच़ातोर।”

रोमियो 14:1

अगर अरिया विशवासी न्वा विशवासा रिंङ कमज़ोर तोह, दंङ दोबि केनोह संगति रिंङ लेहपच़ी च़रतु, दोरंङ साते बहस थालंही कि दोबि छि लेह जूंशी तोह या छि लेह जूंशी माह।

रोमियो 15:1

हेनर अंऊ विशवासा रिंङ पक्‍का तोतोंई ञेंहच़ातंई कि दिह गप्पो दोरच़ी छल्ले फर्क माह पड़ेक्पा, पर हेनर दोतिंङ सिर्फ हेंदिंङ खुश लहज़िमी थल्जी माह शुह। हेंदिंङ दुह मीहतिंङ शक ओ टोईच़ी विचार लेह जूंशी तोह अंऊ दि गप्पा तिंङ गलत ञेंहच़ातोर।

रोमियो 8:6

फुका रंङ साते दाह लहज़ी ता मौत ए तोह, पर आत्मो टोईच़ी सेहम लगाएच़ी जीवन ए शांति तोह।

1 कुरिन्थियों 10:12

दिऊ थल्जी अगर झांह ठ्रोह मीह तोह ता अंऊ दि कुट्रा कि परमेश्वरो टोईच़ी दोऊ विशवास पक्‍का तोह, दंङ दोबि खबरदार बंङज़ी जूंशी तोह कि झांह शुहबी मेस कि दू अचानक विशवासो दोरच़ी भटकेगी योतो दंङ पाप लोहतो।

1 कुरिन्थियों 14:37

अगर अरिया मीह एनाबि भविष्यवक्ता या झांह ठ्रोह मीह चेहच़ा, अतिंङ पवित्र आत्माज़ि वरदान रांहषी ततो। दंङ दि ञेंई च़रतु कि, अंऊ गप्पा गेह केतिंङ चेहच़ातग, दू प्रभु हुकुम शुह।

1 कुरिन्थियों 2:15

दोरे मीहरे अंऊ दोतिंङ पवित्र आत्मा खोकसा तोह दू भत्ते चीज़ समझेगी तरपोर अंऊ पवित्र आत्मा सिखाएच़ा। पर अतु कछंङ पवित्र आत्मा माह दोरे दू मीहतु विचार समझेकी माह रपोर अतु कछंङ आत्मा तोह।

1 कुरिन्थियों 3:1

हे गिऊ प्यारे साथी विशवासी रे, अपेहल गेह केतंङ साते तोईगा केहतु डुह्गे शिक्षा कंज़े माहरतिगा छना गिह्बी आत्मिक मीहतंङ साते लेह जूंस। गेह झांह ठ्रोह गप्पा लहज़ी लेहती छना केरे दि संसारो शुई या छना कि केरे मसीह जीवनारिंङ कटुतु ठ्रोह शुई।

1 कुरिन्थियों 4:21

केहच़ी छि जुन्ज़ातंई कि गेह अंज़े केतंङ साते छि लोहग? अगर केहच़ी हेंतेग ला केनातु मदम तरीका ब्याड़ा माह लहज़ातंई दंङ गेह महस कठोर शुहचे केतिंङ रैहच़ोग। पर अगर केहच़ी केनातु मदम तरीका ब्याड़ा लेह केहतंई, दंङ गेह केहतु साते नम्रता ए दाह रंङ साते व्यवहार लोहग।

1 कुरिन्थियों 7:5

केरे इदि-अई दिरंङ साते शत्‌ह था बंङज़ुंई; पर सिर्फ रें टेम तचेक केनातु बिचंङ सहमति रंङ साते प्रार्थना लहज़िमी थल्जी, दंङ यह्च़ा मेच़ा ए गगसो ठ्रोह केरे यह्च़ा इच्च़ा साते बंङज़ुंई; झांह शुहबी मेस कि केरे केनातु हिटी काबू लहज़ी मरछ़ी रंङ, शेताने मदम जीवन श्रींङमी थल्जी केहतु परीक्षा लोहतो।

2 कुरिन्थियों 10:1

गेह दू ए पोलुस शुगाह अंऊ केहतु तुईज़ी डरपोक तोतोग, पर थाह्को थले केहतु हखा याहब लहज़ातग; गेह केतंङ साते मसीहू नम्रता, दंङ नगी शुहचे निवेदन लहज़ातग।

2 कुरिन्थियों 2:7

झांह लेह दिऊ थल दि रूठे तोह कि दोऊ अपराध माफ लंहि, अगर केरे दोबि माफ माह लहज़ातंई दंङ शायद दू धोंण दुखी शोतो कि निराशा रिंङ एनोह हार मनेकी च़रपोतो।

2 कुरिन्थियों 2:8

झांह लेह गेह केतंङ साते बिनती लहज़ातग, कि दोबि विशवास रंड्रातंई कि केरे हेले रिंङ दोरंङ साते दाह लहज़ातंई।

गलातियों 5:23

झांह ठ्रोह अंऊ ला मूसा ओ कानून माह अंऊ दि गप्पो खिलाप तोह।

गलातियों 6:18

हे गिऊ प्यारे साथी विशवासी रे, गेह प्रार्थना लहज़ातग कि प्रभु यीशु मसीहू मोह्ड़े दाह केरे भत्ते तंङ साते शोतो। अमीन।

1 थिस्सलुनीकियों 4:1

हे गिऊ प्यारे साथी विशवासी रे, थल मुखंङ ञेंरे प्रभु यीशु मसीहू मिंदंङ केतंङ साते बिनती लहज़ातंई दंङ केतिंङ समझाएक्च़तंई, कि केरे झांह ठ्रोह चाल ज़ोई अंऊ परमेश्वराबि खुश लोहतो। अंऊ गेह केतिंङ सिखाएकातग केरे तुहई बेहच़ी ध्यांए ठ्रोह तोहई, दंङ ञेंरे केतिंङ ध्यांए लहच़िमी थल्जी ऊई ला उत्साहित लोहनि।

2 थिस्सलुनीकियों 3:15

दोरंङ साते झांह ठ्रोह व्यवहार थालंही कि दुह केहतु बैरी शुह। पर इच्च़ा विशवासी न्वा चेहके दुह समझाएक्तुंई।

2 तीमुथियुस 2:25

हेंदिंङ दुह मीहतिंङ नम्रतारंङ साते समझाएक्ची जूंशी तोह अंऊ दोच़ी विरोध लहज़ातोर, झांह शुहबी तरपोतो कि परमेश्वर ए दोतिंङ सच्चाई ञेंहच़ी ए दोऊ हखा किरच़िमी मौका रमतो।

इब्रानियों 12:13

दंङ देर ए नोर खंड्रिमी बे ता, यीशु कछंङ पिचा सीधा अमरिंङ ज़ोवा लंहि ताकि हेंदु बिचंङ अंऊ मीहरे आत्मिक तरीका रंङ कमज़ोर तोतोर, दोरे भटकेच़ी मेस, पर दोतु विशवास पक्‍का शुहबी जूंस।

इब्रानियों 13:3

कैदीतु झांह ठ्रोह हाल-चाल रूहक्पा लंहि, कि झांह ञेंहनि कि केरे ला दोतंङ साते कैद रिंङ तोतोंई। अंऊ मीहरे दुखी शवाहतोर, दोतु ला दि समझेके हाल-चाल रूहक्पा लंहि, कि केरे ला दोतु दुखारिंङ शामिल तोतोंई।

याकूब 3:13

केहतु बिचंङ ज्ञानवान ए समझदार अरि तोह? अगर केरे तोतोंई ता, केतिंङ दि रूठे जीवन श्रींङमी रंङ साबित लेह जूंशी तोह दंङ भत्ते नम्रता रंङ साते अंऊ केहतु ज्ञान बुद्धि रंङ साते अपा रूठे कमो दोरच़ी साबित लेह जूंशी तोह।

याकूब 3:2

हेनर महसे फेरा पेहषा। अगर अरिया मीह अंऊ ला दोई कवात दोरिंङ छिल्ला गलती माह लहज़ातग, दंङ दुह सिद्ध मीह शुह; दंङ एनोह भत्ते फुको टोईच़ी नियंत्रण लेह तरच़ा।

1 पतरस 3:15

बल्कि मसीह बि केनातु सेहमरिंङ प्रभु चेहके दोऊ अराधना लंहि, अगर अच़िया दू उम्मीदो पाहठी रूहक्पोतो ता अंऊ विशवासी शुहबी रंङ साते हेनर भत्तेरे सांझा लहज़ातंई, दंङ हमेशा दोबि समझाएच़िमी थल्जी तेयार बंङज़ुंई, पर दि नम्रता ए आदरा रंङ साते लंहि।

1 यूहन्ना 5:16

अगर अच़िया एनोह विशवासी न्वाबि झांह ठ्रोह पाप लहच़ी तंङफोतो, अतु नतीज़ा मौत माह शोतो, अंऊ दिऊ फल सिमी ए शोतो, दंङ बिनती लंहि दंङ परमेश्वर दोबि दोतु थल्जी, अंऊ झांह ठ्रोह पाप लहरी अतु नतीज़ा सिमी माह शोतो। पाप झांह ठ्रोह ला शुहबी अतु नतीज़ा मौत तोह, दिऊ थल्जी प्रार्थना लहच़िमी थल्जी माह कुट्रा।