गलातियों 5:7 - लाहौली बाइबिल

⁷ केरे ता केनातु आत्मिक ज़रका रिंङ ला रूठे रंङ ज़रका रैंईनि। अच़ि केतिंङ तुंखा शुहबिमी दोरच़ी रोकेक्सी ततो कि केरे सच्चाई बि था ञेंहनि।

गलातियों 5:7 Iomraidhean Croise

मत्ती 13:21

छना कुंई ता दोच़ी परमेश्वरो बचन एनोह सेहमो अंद्रेग महसे टेम तचेक बसाके माह तहच़ि। पर अपेहल विशवासो बज़ाहज़ि छिल्ला दुख या सताव अति ता दुहरे दुए मुका विशवासो दोरच़ी थलका यह्च़ा य्वातोर।

प्रेरित 6:7

दंङ परमेश्वरो बचन फेलेके इलि, दंङ यरूशलेम शहरंङ चेला तु गिनती महस शुहचे इलि दंङ महसे यहुदी पुरोहितज़ि ला यीशु मसीहू टोहकठे बिशवास लहज़िमी दिह शिक्षा स्वीकार लहरिर।

रोमियो 10:16

पर भत्ते मीहच़ी दू रूठे खबरो टोईच़ी विशवास माह लहरिर। यशायाह भविष्यवक्ता ज़ि कुट्रा, “हे प्रभु, थोड़े मीहच़ी ए हेंदु रूठे खबरो टोईच़ी ए विशवास लहज़ातोर।

रोमियो 15:18

छना कुचे मसीह गिऊ वहज़ा ज़ि छि लहसी ततो गिह्बी दि गप्पा कुट्रीमी हिम्मत तोह, कि गेह ऊईजाति तु मीहतिंङ परमेश्वरो कछंङ हपिमी काबिल तोतोग। अपेहल दोच़ी गिऊ सग थाषातेर दंङ गिऊ कम तंङातेर दंङ दोच़ी परमेश्वरो टोहकठे विशवास लहरिर।

रोमियो 16:26

पर हेंतेग परमेश्वरो हुकुमो हिसाबे परमेश्वरो रूठे खबर भविष्यवक्ता तु कताबो दोरच़ी भत्ते जातिऊ मीहतिंङ कांहषी तोह, कि विशवासा रंङ साते हुकुमो भाषे लहज़ा बणेंके इलांई।

रोमियो 2:8

पर अंऊ मतलबी तोतोर ए सच्चाई माह मनेक्च़ातोर, पर मदम लहज़ी जुन्ज़ातोर, परमेश्वर दोतु टोईच़ी एनोह रोहष प्रगट लोहतो।

रोमियो 6:17

केरे पापो गुलाम तोईनी, पर हेंतेग केहच़ी दुह शिक्षा ओ भाषे लहज़ातंई, अंऊ केतिंङ खोकसिरी। झांह लेह गेह परमेश्वरो धन्यवाद लहज़ातग।

1 कुरिन्थियों 9:24

छना कि ज़रका ता भत्ते ज़ि रंड्री, पर इनाम इदि ए रेंज़ा शिलज़ी? केरे ध्वांए ए ज़रका रांही, कि केरे द्रक्शे योंई।

2 कुरिन्थियों 10:5

हेनर हेंदु कल्पनारे, दंङ हर इच्च़ा जोरे गप्पा बि, अंऊ परमेश्वरो पहचानो विरोधारिंङ खड़े शवात, खण्डन लहज़ातंई; दंङ हर इच्च़ा भावनाओ टोईच़ी कब्ज़ा लहच़ी मसीहू आज्ञाकारी बणेंके केट्रातंई।

गलातियों 2:2

गेह दोर दिऊ थल्जी इलिगा छना कुचे परमेश्वरे गिह्बी इबिमी थल्जी कुहते। दंङ अपेहल गेह दोर तोईग दंङ गेह अगुवा तंङ साते सामटे ठ्रोह दोहरिगा दंङ दोतिंङ दू रूठे खबरो पाहठी कंड्रीगा अंऊ गेह ऊईजाति तु बिचंङ प्रचार लहज़ी लेहकी तोईगा। ताकि झांह शुहबी मेस, कि गिऊ दि टेमो या थलेकी दू मेहनत शुहके शोतो।

गलातियों 3:1

हे नासमझ, गलातिया शहरो विशवासी रे, गेह ता साफ रूपा रिंङ ए रूठे रंङ केतिंङ समझाएक्च़ा, कि यीशु मसीह केहतु थल्जी क्रूसो टोईच़ी छारिंङ सिए इलि। दंङ केरे छारिंङ दोऊ दोरच़ी ऊईतार शुचि इलि? अच़ि केरे भटकागी च़रतिर?

गलातियों 5:10

पर गेह परमेश्वरो टोहकठे भरोसा लहज़ातोग कि दोई केतिंङ ऊई मीहतु हप्सी शिक्षा ओ टोईच़ी विशवास लहज़िमी दोरच़ी बचाके च़रपोतो। बल्कि केरे गिऊ शिक्षाओ भाषे लोहनि। छना कुचे अंऊ केहतु थल्जी परेशानी पैदा लहज़ा दू अरिला छारिंङ माह शोतो, परमेश्वरो दोरच़ी सज़ा खोकपोतो।

2 थिस्सलुनीकियों 1:8

दंङ अंऊ परमेश्वराबि माह सेहचातोर, दंङ हेंदु प्रभु यीशु मसीहू रूठे खबर स्वीकार माह लहज़ातोर दोतिंङ दोई सज़ा रमतो।

इब्रानियों 11:8

विशवास लहज़िमी रंङ साते ए अब्राहमा बि इच्च़ा ठहरि रिंङ इबिमी थल्जी बुलाएकते, दंङ दू परमेश्वरो हुकुम मनेक्च़ा इच्च़ा झांह ठ्रोह ठहरि अच़ा इलि, अंऊर परमेश्वर दोबि दोऊ हिस्सा ओ ज़मीन रंड्रीमी तते, दंङ दोई दि माह ञेंहच़ाते कि दू अंऊखा इबि तहरे; तांला हुंच़ा इलि।

इब्रानियों 12:1

हेंदु कछंङ झांह ठ्रोह महस मीहरे तोतोर अंऊ दोतु विशवासे दि कंड्रा कि विशवासो मतलब छि शुहबी। दिऊ थल्जी अतंई हेंज़ी हर इच्च़ा रूकावट दंङ पाप बि शत्‌ह लेह, हेंदिंङ अंऊ अमरिंङ जोज़िमी तोह, दोऊ टोईच़ी जोज़ातंई।

इब्रानियों 5:9

परमेश्वरे मलिकिसिद्को ठ्रोह दोबि यहुदी महापुरोहित ओ आदर रांही, दोबि सिद्ध बणाएति दंङ दू भत्ते मीहतु थल्जी उद्धारो शुरूआत बणेंके इलि अंऊ दोऊ हुकुमो भाषे लहज़ातेर।

1 पतरस 1:22

छना कुचे हेले ओ भाषे लहज़िमी रंङ साते केतिंङ पापो दोरच़ी शुद्ध लेह चरच़ातंई, हेंतेग केतिंङ केनातु साथी विशवासी तंङ निष्कपट दाह लेह जूंशी तोह। इदि-अई दिरंङ साते महसे ए भत्ते सेहमे दाह लेह जारी तंही।