गलातियों 5:3 - लाहौली बाइबिल

³ गेह यह्च़ा केतिंङ हुकुम रंड्रा कुट्रातग कि अंऊ मीह दि उम्मीदा रंङ साते खतना लहज़ा कि परमेश्वरो तुईज़ी धर्मी सबित शुहचे योतो, दोबि मूसा ओ कानूनो रांहषी हर इच्च़ा हुकुमो भाषे लहज़ी जूंशी तोह।

गलातियों 5:3 Iomraidhean Croise

मत्ती 23:16

हे काणे अगुवारे, केहतु टोईच़ी धिक्कार! केहच़ी सिखाएच़ातोनि कि अच़ि अरीया मीह मंदिरो कसम लहरी ता दंङ दोबि छले फर्क माह पढ़ेक्पोतो। पर अच़िया मंदिरो ज़ङों कसम लहरी ता दोबि फर्क पढ़ेक्पोतो।

मत्ती 23:18

दंङ दिह ला सिखाएक्च़ातंई कि अच़िया मीह बेदीऊ कसम लहरी ताह छले फर्क माह पढ़ेक्पा, पर अगर अच़िया बेदीऊ टोईच़ी केहषी चीज़ो कसम लाह ता दोऊ फर्क पढ़ेक्पोतो,

लूको 16:28

छना कुचे गिऊ ङा न्वारे तोतोर; गेह जुंज़ातग कि दुह इलजे गिऊ न्वातिंङ खबरदार लोहतो, झांह शुहबी मेस कि दोहरेला दिह दुख खांची अपोर।

प्रेरित 15:1

रेह यहुदी विशवासी मीहरे यहूदिया प्रदेशंङ च़ि अन्ताकिया शहरो हखा अतिरे दंङ ऊई विशवासी न्वारेतिंङ सिखाएच़ि लेहतिर कि; अगर मूसा ओ कानूनो हिसाबे केहतु खतना माह शुई सा ता केतिंङ उद्धार माह खोकसोतो।

प्रेरित 2:40

पतरसे ऊई ला महसे गप्पा तंङ साते घड़ी-घड़ी खबरदार लहरी, “परमेश्वरा रंङ साते विनती लंहि ताकि दोई केतिंङ बचाएपोतो दंङ सज़ा रंड्री माह जूंस अपेहल दुह दि मांजी मीहतिंङ सज़ा रमतो अंऊ दोच़ी यीशु बि ठुकराएतिर!”

प्रेरित 20:21

गेह यहुदी मीहरे ए ऊईजाति मीहतिंङ शिक्षा रेंईगा, दुह भत्ते तंङ साते कुईगा कि दोरे एनोह पापो दोरच़ी सेहम किरच़ी च़रतुंई, दंङ ञेंहतु प्रभु यीशु मसीहू टोईच़ी विशवास लंहि।

रोमियो 2:25

खतना लहज़िमी फायदा सिर्फ दुह ए मुक्का तोह अपेहल केहच़ी कानूनो मनेक्च़ातंई। पर अगर केरे कानूनो माह मनेक्च़ातंई, दंङ केरे खतना लहसी यहुदी मीहरे दुह मीहतु ठ्रोह ए तोतोंई अंऊ यहुदी माह तोतोर दंङ अतु खतना शुहचे माह।

गलातियों 3:10

झांह लेह अंयों मीहरे मूसा ओ कानूनो कमो टोईच़ी विशवास तहच़ातेर, दोरे परमेश्वरो शापो अधीन तोतोर, छना कुचे पवित्र शास्त्रारिंङ च़ेहसी तोह, “अंऊ मूसा ओ कानूनारिंङ च़ेहसी भत्ते गप्पो भाषे माह लहज़ातोर, दोरे परमेश्वरो शापो अधीन तोतोर।”

गलातियों 5:2

गेह पोलुस, अंऊ गेह केतंङ साते कुट्री जुंज़ातग, दोबि ध्यानारंङ साते रेड्रुंई! अगर केरे परमेश्वरो नज़रारिंङ धर्मी शुहबिमी थल्जी खतना लहज़ातोनि, दंङ मसीह ज़ि छि केहतु थल्जी लहसी ततो, दोऊ छल्ले लस माह केहश्रोतो।

गलातियों 5:6

अगर हेनर यीशु मसीहू टोईच़ी विशवास लहज़ातंई दंङ खतना शुहबी ए खतना माह शुहबिमी छल्ले फायदा माह। पर ज़रूरी गप्पा दि तोह कि हेनर मसीहू टोहकठे विशवास लहज़ातंई दंङ परमेश्वर ए ऊई मीहतु थल्जी दाह तहच़ातंई।

इफिसियों 4:17

झांह लेह दू अधिकार रंङ साते अंऊ प्रभु ज़ि गिह्बी रांहषी तोह, गेह केतिंङ दि कुट्रातग कि केरे अविशवासी मीहतु ठ्रोह बेकार विचारा रंङ साते केनातु जीवन बरबाद था लंहि।

1 थिस्सलुनीकियों 4:6

दंङ केरे केनातु फुको हिटी पूरा लहज़िमी थल्जी केनातु विशवासी न्वारे तंङ खिलाप पाप थालांई, दंङ माह ए दोऊ थल्जी छा चाल लंहि, छना कुचे प्रभु यीशु दोतिंङ सज़ा रमतो अंऊ झांह ठ्रोह कम लहज़ा तोर। छना कि ञेंहच़ी मुण्डारिंङ ए केतंङ साते कुहषी तातंई दंङ हिद ला लाहतंई।

1 यूहन्ना 4:14

दंङ ञेंहच़ी योह बि तंङातेंई दंङ गवाही लाह रंड्रातंई कि बाह परमेश्वरे एनोह योह बि संसारो मीहतु पापो उद्धार लहच़िमी थल्जी च़रति।