गलातियों 5:2 - लाहौली बाइबिल

² गेह पोलुस, अंऊ गेह केतंङ साते कुट्री जुंज़ातग, दोबि ध्यानारंङ साते रेड्रुंई! अगर केरे परमेश्वरो नज़रारिंङ धर्मी शुहबिमी थल्जी खतना लहज़ातोनि, दंङ मसीह ज़ि छि केहतु थल्जी लहसी ततो, दोऊ छल्ले लस माह केहश्रोतो।

गलातियों 5:2 Iomraidhean Croise

प्रेरित 15:1

रेह यहुदी विशवासी मीहरे यहूदिया प्रदेशंङ च़ि अन्ताकिया शहरो हखा अतिरे दंङ ऊई विशवासी न्वारेतिंङ सिखाएच़ि लेहतिर कि; अगर मूसा ओ कानूनो हिसाबे केहतु खतना माह शुई सा ता केतिंङ उद्धार माह खोकसोतो।

प्रेरित 15:24

ञेंहच़ी दी रेड्री तातंई कि ञेंहतु बिचंङ ज़ि रेहज़ि दोहर इलजे, केतिंङ एनोह गप्पा ओ परेशान लेह च़रतिर; दंङ केहतु दिमागारिंङ उल्लझन पैदा लेह च़रतिन पर ञेंहच़ी दोतिंङ हुकुम रांहषी माह शुह।

प्रेरित 15:5

पर फरीसी मीहतु दलो बिचंङ अंऊ दोच़ी बिशवास लहतेर, दोतु बिचंङ च़ि थोड़े अरे मीहज़ी खड़े शुहचे कुट्री लेहतिर, “ऊईजाति बि खतना लहज़िमी थल्जी ए मूसा ऊई ला कानूनो मनेकच़िमी थल्जी हुकुम रंड्री जूंस।”

1 कुरिन्थियों 16:21

गेह पोलुस दि नमस्कार घेंङौ गुह्ट्री च़ेहसी लेहकी तोतोग। अगर अच़िया प्रभु रंङ साते दाह माह लोहतो दंङ दुह श्रापित शोतो।

2 कुरिन्थियों 10:1

गेह दू ए पोलुस शुगाह अंऊ केहतु तुईज़ी डरपोक तोतोग, पर थाह्को थले केहतु हखा याहब लहज़ातग; गेह केतंङ साते मसीहू नम्रता, दंङ नगी शुहचे निवेदन लहज़ातग।

गलातियों 5:11

हे गिऊ प्यारे साथी विशवासी रे, अगर गेह दि प्रचार लहज़ातग कि मीहतु खतना लेह जूंशी तोह, दंङ गिह्बी मुसीबतो सामना लेह माह पढ़ेक्पोतो। दंङ अगर गेह दि प्रचार माह लोहग ताकि उद्धार सिर्फ मसीहू क्रूसो दोरच़ी ए तोह, दंङ अरिला नाराज़ माह शोतो।

गलातियों 5:6

अगर हेनर यीशु मसीहू टोईच़ी विशवास लहज़ातंई दंङ खतना शुहबी ए खतना माह शुहबिमी छल्ले फायदा माह। पर ज़रूरी गप्पा दि तोह कि हेनर मसीहू टोहकठे विशवास लहज़ातंई दंङ परमेश्वर ए ऊई मीहतु थल्जी दाह तहच़ातंई।

1 थिस्सलुनीकियों 2:18

झांह लेह ञेंहच़ी (मतलब गेह पोलुसे) महस फेरा केहतु कछंङ अपि जुंज़ातेग, पर शेताने हेंदिङ केहतु कछंङ अपि मरेंई दिऊ थल्जी महस रूकावट लहरी।

फिलेमोंन 1:19

गेह पोलुस घेंङौ गुह्ट्ररंङ दि चेहच़ातग कि गेह घेंङै दोऊ भुगतान लोहग; हालांकि केई तुहई बे दि ञेंहच़ा कि गेह अगर कांह मदत माह लाहइंयां ता, दंङ केई केनोह दोरच़ी दि खरकोई जीवन माह खोकच़तन, दिऊ थल्जी काह केनोह दिह जीवनो थल्जी गिऊ कर्ज़दार तोतोन।

इब्रानियों 4:2

छना कुचे हेंज़ी यीशु मसीहू पाहठी रूठे खबर थाह्सी तातंई। पर दोच़ी दिऊ टोहकठे विशवास माह लहरिर। झांह लेह, दू खबर दोतु थल्जी शुहके तोहई।