गलातियों 5:16 - लाहौली बाइबिल

¹⁶ गेह केतंङ साते कुट्रातग, कि केतिंङ पवित्र आत्माओ अगुवाई हिसाबे श्रींङमी बि ज़रूरत तोह। ताकि केरे पापमय फुको हिटी पूरा लेह मरपोंई।

गलातियों 5:16 Iomraidhean Croise

रोमियो 6:12

झांह लेह पापमय हिटी केनातु जीवनारिंङ राज लेह थारोंऊ, केहच़ी केनातु पापमय हिटी ऊ हिसाबे कम थालंही।

रोमियो 8:1

झांह लेह, एंतेग अंऊ यीशु मसीह रिंङ तोतोर, दोतु टोईच़ी सज़ाओ हुकुम माह। (छना कुचे दोरे फुको हिसाबे माह पर आत्माओ हिसाबे जोज़ातोर।)

1 कुरिन्थियों 7:29

हे गिऊ प्यारे साथी विशवासी रे, गेह दि कुट्रातग, कि मसीहू वापिस अपिमी ध्याड़ा महस माह झांह लेह चाहे केहतु मेच़ा तोह या माह, दि पाहठी महस चिंद लहज़िमी ज़रूरत माह। पर प्रभु सेवा लहज़िमी पाहठी सोचेक्सा लंहि।

2 कुरिन्थियों 7:1

हे गिऊ प्यारे साथी विशवासी रे, अपेहल परमेश्वरे हेंदंङ साते वाईदा लोहतो, दंङ अतंई हेनर फुक ए सेहमो भत्ते पाहठी बुराई दोरच़ी हेंदिंङ शत्‌ह तोहनि, दंङ परमेश्वरो बेह्द चेहके हेंदिंङ भत्ते रिति रंङ पवित्र जीवन श्रींङमी कोशिश लंहि।

गलातियों 3:17

अंऊ गेह कुट्रातग दोऊ मतलब दि तोह कि, “परमेश्वरे अब्राहमा रंङ साते वाईदा लहसी तहरे दोबि पुरा लहज़िमी कसम लहसी तहरे। वाईदा लहज़िमी पि राह ए निंज़ो सा सालो थल मूसा ओ कानूने माह ता परमेश्वरो वाईदा योह्च़ी तरपोतो दंङ माह ए परमेश्वरो वाईदा बि ध्यांए लेह च़रच़ा।”

गलातियों 6:8

छना कुचे अंऊ मीह दू ए लहज़ा अंऊ दोऊ पापी स्वाभाव जुंज़ा, दंङ दोई खमतो कि दि दोऊ थल्जी मौत रेंज़ा हपतो। पर अंऊ मीह परमेश्वरो आत्माओ हिटी पूरा लहज़ा दोई खमतो कि आत्मा दोबि अनंत जीवन रमतो।

इफिसियों 2:3

ञेंरे ला तुहई कि ए ठ्रोह जीवन श्रींङमातंई, दंङ पापी स्वाभावो हिटी पूरा लहज़ातेर, अंऊ ला हेंदु मदम हिटी दंङ मदम विचार ञेंहतु दोरच़ी लोहवातेर ञेंहच़ी दू ए लहज़ातंई। ऊईतु ठ्रोह, ञेंरे ला स्वाभाविक रूपारिंङ ज़ि मदम तोतोर, दंङ परमेश्वरो सज़ाओ अधीन तोहनि।

कुलुस्सियों 2:11

अपेहल केहच़ी मसीहू टोहकठे विशवास लहतंई, दंङ केहतु खतना मीहतु दोरच़ी माह शुई छना यहुदी मीहच़ी लेह, पर मसीहू दोरच़ी केहतु खतना शुहचे इलि अंऊ केहतु पापी स्वाभाव बि केहतु दोरच़ी शत्‌ह लेह च़रति।

1 पतरस 1:14

परमेश्वरो हुकुमो भाषे लंहि छना कुचे केरे दोऊ कटुरे शुई। दंङ दू मदम कम थालंही अतिंङ केरे दू मुक्का लहज़िमी हिटी तहज़ातंई, अपेहल केरे परमेश्वरो सच्चाई माह ञेंहच़ातंई।

1 पतरस 1:22

छना कुचे हेले ओ भाषे लहज़िमी रंङ साते केतिंङ पापो दोरच़ी शुद्ध लेह चरच़ातंई, हेंतेग केतिंङ केनातु साथी विशवासी तंङ निष्कपट दाह लेह जूंशी तोह। इदि-अई दिरंङ साते महसे ए भत्ते सेहमे दाह लेह जारी तंही।

1 पतरस 2:11

हे प्यारे साथी विशवासी रे, गेह केतंङ साते बिनती लहज़ातग कि केरे दि संसारारंङ परदेशी ए यात्री तु ठ्रोह तोतोंई। गेह केतिंङ चेतावनी रंड्रातग कि दू भत्ते मदम फुको हिटी ओ दोरच़ी बचेक्तेंई छना कुचे दू केहतु केनातु आत्माओ खिलाप हमेशा लड़ाई लहज़ा।

1 पतरस 4:6

दिए वहज़ा तोह कि सिए मीहच़ी ला मसीहू पाहठी रूठे खबर रेड्रीर। दोतु फुका बि भत्ते मीहतु ठ्रोह सच़ी लेहती, पर हेंतेग दोरे आत्मारिंङ हमेशा परमेश्वरा रंङ साते बंङज़ातोर।