गलातियों 5:12 - लाहौली बाइबिल

¹² रूठे शुचंङ, कि अंऊ मीहरे केहतु थल्जी परेशानी पैदा लहज़ातोर, दोरे एनाबि नपुंसक बणाके केओर।

गलातियों 5:12 Iomraidhean Croise

यहून्नो 9:34

दोच़ी दोबि जुबाब रेंईर, कांह ता पापो दोरच़ी जेह्की शुनाह, “केई ञेंतिंङ छि कंड्रातन?” दंङ दोच़ी दुह मीह यहुदी सभा घरबारंङ च़ि धह्तेका हुंच़े च़रतिर।

प्रेरित 15:24

ञेंहच़ी दी रेड्री तातंई कि ञेंहतु बिचंङ ज़ि रेहज़ि दोहर इलजे, केतिंङ एनोह गप्पा ओ परेशान लेह च़रतिर; दंङ केहतु दिमागारिंङ उल्लझन पैदा लेह च़रतिन पर ञेंहच़ी दोतिंङ हुकुम रांहषी माह शुह।

प्रेरित 5:5

दिह गप्पा रेड्रिमी रंङ साते हनन्याह षोड़िंङ दह्चे इलि, दंङ दुह सिए इलि; दंङ हनन्याह रंङ साते छि शुह्ते दि गप्पा रेड्रा भत्ते मीहरे महसे बेवा इलिर।

प्रेरित 5:9

पतरसे दोरंङ साते रूहक्ति, “दिह छि गप्पा शुई, कि केरे झुल्ला प्रभु ऊ आत्माओ परख ओ थल्जी इच्च़ा साते सहमत शुचे इलिन? खंणु, कांह गगसा बि पथेक्च़ा दोरे पेतंङो कछंङ पिपि लेहकी तोतोर, दंङ कनिंङ ला धह्तेका रेंज़ा शोर।”

1 कुरिन्थियों 5:13

अंऊ मीहरे विशवासी माह तोर दोतु न्याय परमेश्वरे लहज़ा: पर छना पवित्र शास्त्रारिंङ च़ेहसी तोह, “दू कुकर्मी बि केनातु संगति बिचंङ ज़ि हुंच़ी च़रतुंई।”

गलातियों 5:10

पर गेह परमेश्वरो टोहकठे भरोसा लहज़ातोग कि दोई केतिंङ ऊई मीहतु हप्सी शिक्षा ओ टोईच़ी विशवास लहज़िमी दोरच़ी बचाके च़रपोतो। बल्कि केरे गिऊ शिक्षाओ भाषे लोहनि। छना कुचे अंऊ केहतु थल्जी परेशानी पैदा लहज़ा दू अरिला छारिंङ माह शोतो, परमेश्वरो दोरच़ी सज़ा खोकपोतो।

तीतुस 3:10

अंऊ मीहच़ी कलीसिया रिंङ फूट केट्रातोर, कनिंङ दुह मीहतिंङ कम से कम झुह्ट फेरे खबरदार लहज़ी जूंशी तोह कि दोई झांह लेहई बंद लेह च़रतु। दोऊ थल, दोतिंङ छोड़ेके च़रतु।