गलातियों 5:10 - लाहौली बाइबिल

¹⁰ पर गेह परमेश्वरो टोहकठे भरोसा लहज़ातोग कि दोई केतिंङ ऊई मीहतु हप्सी शिक्षा ओ टोईच़ी विशवास लहज़िमी दोरच़ी बचाके च़रपोतो। बल्कि केरे गिऊ शिक्षाओ भाषे लोहनि। छना कुचे अंऊ केहतु थल्जी परेशानी पैदा लहज़ा दू अरिला छारिंङ माह शोतो, परमेश्वरो दोरच़ी सज़ा खोकपोतो।

गलातियों 5:10 Iomraidhean Croise

प्रेरित 15:24

ञेंहच़ी दी रेड्री तातंई कि ञेंहतु बिचंङ ज़ि रेहज़ि दोहर इलजे, केतिंङ एनोह गप्पा ओ परेशान लेह च़रतिर; दंङ केहतु दिमागारिंङ उल्लझन पैदा लेह च़रतिन पर ञेंहच़ी दोतिंङ हुकुम रांहषी माह शुह।

1 कुरिन्थियों 5:5

दंङ दू मीह अंऊ पापी व्यवहार लहज़ा, दोबि केनातु कलीसिया ओ दोरच़ी धकतेखा हुंज़ी च़रतुंई दंङ दू मीहबी शेतानो हवाले लेह च़रतुंई, ताकि दि उम्मीद लेह तरपोंई कि दू एनोह दोरच़ी पश्चाताप लोहतो, छना कुचे अगर दू पश्चाताप लोहतो, दंङ दू हेले रिंङ दू ध्याड़ा रिंङ बचेकी योतो अपेहल प्रभु ज़ि न्याय लोहतो।

2 कुरिन्थियों 1:15

गिह्बी उम्मीद तोहई कि काह गिह्बी समझेगी तरपोन दंङ दिऊ थल्जी गेह कनिंङ भत्ते बे मुण्डा दोईमी सकिम लहतेग। झांह ठ्रोह केतिंङ गिऊ दोरच़ी झुह्ट पाहठी सफरो आशीष खोकच़ातंई।

2 कुरिन्थियों 10:2

गेह दि बिनती लहज़ातग, कि रें मीहच़ी कुहषी तातोर कि ञेंरे दि संसारो मीहतु ठ्रोह कम लहज़ातंई। झांह लेह अपेहल गेह अपोग दंङ गिह्बी उम्मीद तोह कि गिह्बी दोतंङ साते डगडग शुहचे लेह्पोतो। गेह पक्‍का शुहचे निवेदन लहज़ातग कि अपेहल गेह अपोग दंङ गिह्बी केतंङ साते झांह ठ्रोह व्यवहार लहज़ी जूंशी माह।

2 कुरिन्थियों 10:6

दंङ तेयार बंङज़ातंई कि अपेहल केरे भत्ते पाहठी मसीहू आज्ञाकारी शुहचे योंई, दंङ तोग हर इच्च़ा पाहठी आज्ञा माह मनेक्च़िमी दू मीहबी सज़ा रांई।

2 कुरिन्थियों 13:10

झांह लेह गेह केतिंङ दि गप्पा चेहच़ातग, दिबे तुहई कि गेह केहतु कछंङ अपोग ताकि गिह्बी केतिंङ सज़ा रें घेंङौ अधिकारो इस्तेमाल लहज़िमी ज़रूरत माह पढ़ेक्पोतो अंऊ प्रभु ज़ि गिह्बी रांहषी ततो। छना कुचे गेह केहतु अधिकारो इस्तेमाल केहतु विशवास पक्‍का लहज़िमी थल्जी लहज़ातग माह कि नाश शुहबिमी थल्जी।

2 कुरिन्थियों 2:3

दंङ गेह दि गप्पा केतिंङ झांह लेह चेहरिगा, कि झांह शुहबी मेस, कि गिऊ अपिमी मुका, अतु दोरच़ी गिह्बी खुशी खोकसी जूंस, गेह दोतंङ साते दुखी शोहग; छना कुचे गिह्बी केहतु भत्ते तु टोईच़ी दि गप्पाऊ विशवास तोह, कि अंऊ गिऊ खुशी तोह, दुह ए केहतु भत्ते तु ला तोह।

2 कुरिन्थियों 2:6

झांह ठ्रोह मीहबी केहतु बिचंङ ज़ि महसे विशवासी ज़ि सज़ा रैंइर, दू ए झोबड़ी शुह।

2 कुरिन्थियों 5:16

झांह लेह हेंतेग बे हेनर मीहतु नज़रारिंङ अतु ला न्याय माह लहज़ातंई। वोई इच्च़ा टेम तोहई, अपेहल ञेंहच़ी मसीह बि मीहतु नज़रे खयांतेंई, पर हेंतेग ञेंहच़ी झांह माह लहज़ातंई।

2 कुरिन्थियों 7:16

गेह महसे खुश तोतोग, कि केहतु तरफे गिह्बी हर गप्पारंङ विशवास शवात।

2 कुरिन्थियों 8:22

दंङ दि झुल्लाकु तंङ साते ञेंहच़ी अई इच्च़ा विशवासी न्वा चरच़ातंई। अपि ञेंहच़ी घड़ी-घड़ी परखेगी महस गप्पारिंङ खुश खोकशातंई; पर हेंतेग केहतु टोईच़ी दोऊ महस विशवास तोह, झांह लेह दू ऊई ला महस खुश तोह।

गलातियों 1:7

सिर्फ इच्च़ा हेले ए रूठे खबर तोह, पर गप्पा दि तोह कि, रेह मीहरे मसीहू पाहठी रूठे खबर बि खावाएच़ि जुंज़ातोर, दंङ दू मीहच़ी केतिंङ धोखा रंड्रातोर।

गलातियों 2:6

यरूशलेमो कलीसिया ओ दू अगुवा ज़ि, अंऊ खबरा रिंङ सिखाएच़ातेर दोबि लहसिमी थल्जी गेह मज़बूर माह लहरिर। गिह्बी दि गप्पो दोरच़ी छल्ले फर्क माह पढेक्पी कि दोरे अगुवा अंयों खास तोतोर, छना कुचे परमेश्वर धकते कि रूप खंड्रा अपेहल ला न्याय माह लहज़ा।

गलातियों 3:1

हे नासमझ, गलातिया शहरो विशवासी रे, गेह ता साफ रूपा रिंङ ए रूठे रंङ केतिंङ समझाएक्च़ा, कि यीशु मसीह केहतु थल्जी क्रूसो टोईच़ी छारिंङ सिए इलि। दंङ केरे छारिंङ दोऊ दोरच़ी ऊईतार शुचि इलि? अच़ि केरे भटकागी च़रतिर?

गलातियों 4:11

छिल्ला धिर केहच़ी लहज़ातंई दोऊ वहज़ा ज़ि गिह्बी बेह्द तोह, कि झांह शुहबी मेस कि अंऊ मेहनत गेह केहतु थल्जी लहसी शुह दुह शुह्के शुचि योतो।

गलातियों 4:17

दोरे मीहरे अंऊ यहुदी कानूनो टोहकठे जोर रंड्रातोर, दू केतिंङ एनोह मंडली रिंङ शामिल शुहबिमी थल्जी भत्ते कोशिश लहज़ातोर, पर रूठे मकसदो थल्जी मशत, दोतु मकसद ता केतिंङ गिऊ दोरच़ी शत्‌ह लहज़ी तोह ताकि केरे दोऊ चेला बणेंके योंई।

गलातियों 4:20

गेह महस जुंज़ातग कि गेह एंतेग केतंङ साते बंङज़ोग ताकि गेह केतंङ साते नह्की शुहचे गप्पा लेह तरपोग। छना कुचे गिऊ समझरिंङ अपिमी माह कि गेह केतंङ साते छि कोहग।

गलातियों 5:12

रूठे शुचंङ, कि अंऊ मीहरे केहतु थल्जी परेशानी पैदा लहज़ातोर, दोरे एनाबि नपुंसक बणाके केओर।

गलातियों 5:7

केरे ता केनातु आत्मिक ज़रका रिंङ ला रूठे रंङ ज़रका रैंईनि। अच़ि केतिंङ तुंखा शुहबिमी दोरच़ी रोकेक्सी ततो कि केरे सच्चाई बि था ञेंहनि।

गलातियों 6:17

तुंखा अच़िला गिह्बी दुख था रांही, छना कुचे गिऊ फुकारिंङ अंऊ दाग तोतोर दोच़ी कंड्रातोर कि गेह यीशु मसीहू इच्च़ा प्रेरित शुगाह।

फिलिपियों 3:15

हेनर भत्तेर अंऊ पक्‍का रंङ मसीह रिंङ विशवास लहज़ातंई झांह सोचेक्सी जूंस दंङ अगर अंऊ आ गप्पारिंङ केहतु ऊई ए विचार शुई ता परमेश्वर दोबि ला केहतु टोईच़ी प्रगट लेह च़रपोतो।

2 थिस्सलुनीकियों 3:4

दंङ ञेंतिंङ प्रभुरिंङ केहतु टोहकठे भरोसा तोह, कि अंऊ-अंऊ आज्ञा ञेंहच़ी केतिंङ रंड्रातंई, दोतिंङ केहच़ी मनेक्च़ातंई, दंङ मनेक्च़ा ला लोहनि।

1 तीमुथियुस 1:20

गेह दोतु बिचंङ ज़ि हुमिनयुस ए सिकंदर मिन्दु गंङमी बि कलीसिया ओ दोरच़ी धकते हुंज़े चरच़ातग, दंङ दोतिंङ शेतानो शाक्ति ऊ हवाले लेह चरच़ातग ताकि दोरे सिखेपोर कि परमेश्वरो बुराई लेह माह जूंस।

फिलेमोंन 1:21

गेह कनु आज्ञाकारी शुहबिमी भरोसा तहच़ि ते, कनिंङ चेहच़ातग, दंङ दि ञेंच़ातग, कि छिल्ला धिर गेह कुट्रतग केई दोबि लाह बढ़ के लोहन।