गलातियों 5:1 - लाहौली बाइबिल

¹ मसीह ज़ि हेंदिंङ मूसाओ कानूनो भाषे लहज़िमी दोरच़ी आज़ाद लेह च़रति, ताकि ञेंरे यह्च़ा अपेहला दुह कानूनो गुलाम माह बणेक्पोंई। झांह लेह केनातु आज़ादी रिंङ अटल बंङज़ुंई दंङ केनातिंङ यह्च़ा। गुलाम थाह बड़ेक्तुंई।

गलातियों 5:1 Iomraidhean Croise

मत्ती 23:4

दोच़ी भत्ते पाहठी कानून बणाएच़ातोर दुह मनेक्च़ी मीहतु थल्जी खरे तोह, दोरे ज़बरदस्ती मीहतु दोरच़ी दुह कानून मनेक्च़ी लहज़ातोर; पर दोच़ी ऐनाह च़ि दुह कानून माह मनेक्च़ातेर।

लूको 5:38

दिऊ थल्जी मीहच़ी खरकोई सरा खरकोई बरच़ु अंद्रेग पिंङषी।

प्रेरित 15:10

अगर झांह तोह, दंङ केहच़ी दि कुचे परमेश्वरो परीक्षा छिले लह्ज़ातंई, दि कुट्रा दोतिंङ हेंदु भत्ते रिति-रिवाज़ो भाषे लहज़ी जुंशी तोह? छना कुचे हेंदु बाह-मेमे ज़ि ए देर तचेक कि तोग तचेक हेनर ला दोतु भाषे लहज़िमी जोगे माह तोहई।

रोमियो 6:14

दंङ केहतु टोईच़ी पापो वश माह शोतो, छना कुचे केरे मुसाओ कानूनो अधीन माह तोंहि पर परमेश्वरो मोह्ड़े दाह ओ अधीन ए श्रींङमातंई।

रोमियो 6:18

परमेश्वरे केरे पापो वशो दोरच़ी छुड़ाके च़रति झांह लेह केरे परमेश्वरो दास शुहचे इलि ताकि केहच़ी दुह ए लंहि अंऊ सही तोह।

रोमियो 7:3

झांह लेह अगर गगसो श्रींङरिए दू अरिया ऊई गंङमी शुहचे इलि ता दू कुकम लहज़ा शोतो, पर अगर गगसा सिए इलि ता, दंङ दू, दू कानूनो दोरच़ी युप्सा योतो, देर तचेक कि अगर दू अरिया ऊई गंङमी शुहचे इलि ता दू कुकम लहज़ा माह शोतो।

रोमियो 7:6

पर हेनर दू कानूनो थल्जी सिए इलोन, अच़ि इच्च़ा फेरा हेनर बंदी बणाके केहते, झांह लेह हेनर एंतेग कि कानूनो दोरच़ी आज़ाद शुहचे ईलोईं ञेंरे परमेश्वरो सेवा युई तरीका रंङ च़ेहसी कानूनो ठ्रोह माह लहज़ातंई, पर खरकोई तरीका रंङ परमेश्वरो आत्माओ अगुवाई ओ दोरच़ी लहज़ातंई।

रोमियो 8:15

छना कुचे केतिंङ गुलामी आत्मा खोकसी माह, कि यह्च़ा बेवा योंई पर पवित्र आत्मा हेंदिंङ परमेश्वरो कटुरे बणाएशा, अतिंङ हेनर हे बाह, हे पिता कुचे हाऊष रंड्रा तंई।

रोमियो 8:2

छना कुचे पवित्र आत्माज़ि केतिंङ दू जीवन रांहषी ततो अंऊ यीशु मसीहू दोरच़ी खोकसिरी दंङ दोई केतिंङ पाप ए मौतो दोरच़ी आज़ाद लहरी।

1 कुरिन्थियों 15:58

झांह लेह हे गिऊ प्यारे साथी विशवासी रे, केनातु विशवासा रिंङ पक्‍का बंङज़ुंई दंङ गलत शिक्षा ओ वहज़ा ज़ि भटक्तेतुंई था, प्रभु थल्जी छि कम केहच़ी लहज़ातंई दोरिंङ हमेशा तुंखा शुई। छना कुचे दि ञेंहच़ा, कि छिल्ला धिर केहच़ी प्रभु थल्जी लोहनि दोऊ ईनाम केतिंङ पक्‍का खोकसोतो।

1 कुरिन्थियों 16:13

खबरदार बंङज़ुंई, विशवासा रिंङ ढकाह तोहई, हिम्मत तंही, दंङ विशवासा रिंङ पक्‍का शुहचे तोहई।

1 कुरिन्थियों 7:22

छना कुचे छना परमेश्वरो हालातरिंङ परमेश्वरे अंङे चरच़तो ए बुलासी ततो, दंङ दू इच्च़ा आज़ाद मीहू ठ्रोह तोह छना कुचे प्रभु यीशु ज़ि दोबि दोऊ पापो दोरच़ी आज़ाद लेह चरच़तो, दंङ ध्वांए अंऊ आज़ादो हालातरिंङ बुलासी ततो, दोरे मसीहू परगर शुहचे इलजी तोतोर।

2 कुरिन्थियों 11:20

छना कुचे अंऊ मुक्का केतिंङ अच़िया परगर बणाके केट्रा, या दू भत्ते लेहपच़े च़रच़ा अंऊ केहतु कछंङ तोह, या केतिंङ धोखा रंड्रा, या सोचेक्च़ातोर कि दोरे केहतु बे महस बेहतर तोतोर, या केहतु मोहतिंङ चटे केट्रा, दंङ केहच़ी सहन लहज़ातंई।

2 कुरिन्थियों 3:17

प्रभु ता आत्मा तोह; दंङ अंऊर ला प्रभु आत्मा तोह दोर्तिंङ कानूनो आज़ादी तोह।

गलातियों 3:25

पर हेंतेग कि मसीह अच़ा अंजा दंङ हेनर दोऊ टोहकठे विशवास लेह तरपोंई दंङ हेंतेग हेंदिंङ मार्गदर्शनो थल्जी ए हेंदु देखभालो थल्जी कानूनो ज़रूरत माह।

गलातियों 4:26

पर सारा ओ बराबरी दू यरूशलेम शहरंङ साते लेह तरपोंई अंऊ स्वर्गंङ तोह। दुह आज़ाद मेच़िमी तोह। दंङ दोऊ कटुरे ला आज़ाद तोतोर। दुह कटुरे हेनर भत्तेरें विशवासी शुई, अंऊ दोतु याह सारा शुह।

गलातियों 4:31

झांह लेह हे गिऊ प्यारे साथी विशवासी रे, हेनर दासी मेच़िमी मतलब कानूनो कटुरे माह शुई, पर विशवास लहज़िमी रंङ साते अज़ाद मेच़िमी ऊ कटुरे शुई।

गलातियों 4:9

पर हेंतेग ता केरे परमेश्वरा बि ञेंहनि, दंङ परमेश्वरे केतिंङ ला ञेंहच़ा, दंङ केरे दू कमज़ोर ए निक्कमा शिक्षा ओ गुलाम शुहबिमी थल्जी छारिंङ यह्च़ी लेहकी तोतोंई? छि यह्च़ा केरे दोबारा दोऊ गुलाम शुहबी जुन्ज़ातंई आ?

गलातियों 5:13

हे गिऊ प्यारे साथी विशवासी रे, केतिंङ परमेश्वरो केतिंङ आज़ाद शुहबिमी अंङे चरच़ाते, झांह लेह केतिंङ मूसा ओ कानूनो भाषे लहज़िमी ज़रूरत माह। केनोह दि आज़ादी बि केनोह फुको हिटी पूरा लहज़िमी ज़रिया थाबणेएक्तुं, पर इदि-अई दिरंङ साते दाह लंहि दंङ इदि-अई दिऊ सेवा लंहि।

इफिसियों 6:14

झांह लेह परमेश्वरो सच्चाई बि केनोह ऊमतु छिरतु ठ्रोह छ़ुह्च़ी च़रतुंई, दंङ केनातु धार्मिकता बि कवचो ठ्रोह लेहकी च़रतु।

फिलिपियों 1:27

सिर्फ धोंण ए लंहि कि केहतु चाल-चलन मसीहू रूठे खबरो जोगे शोतो। कि चाहे गेह अंज़े ते केतिंङ खमोग, चाहे गेह अपोग ए माह, केहतु पाहठी दि रेड्रोग कि केरे इच्च़ा इरादारिंङ पक्‍का तोहईं दंङ इच्च़ा सेहम शुहचे रूठे खबरो विशवासो थल्जी मेहनत लोहवा तंही।

1 थिस्सलुनीकियों 3:8

दि ञेंई कि केरे प्रभु टोहकठे पक्‍का विशवास लहज़ातंई दंङ दि हेंदु थल्जी खरकोई जीवनो ठ्रोह तोह छना कुचे हेंतेग केरे प्रभुरिंङ खड़े बंङज़ोंई ता दि हेंदु ज़िंदगी श्रींङमी बि (याहब रंड्रा) जोगे बणाके केट्रा।

2 थिस्सलुनीकियों 2:15

झांह लेह हे गिऊ प्‍यारे साथी विशवासी रे, खड़े बंङज़ुंई, दंङ दुह गप्पातु टोहकठे विशवास लोहवा लंहि, अंऊ ञेंहच़ी केतंङ साते बंङज़ा या डाको दोरच़ी केतिंङ सिखाएक्तुंई।

इब्रानियों 10:23

हेंतेग हेनर बिना छा शक मेह हेंदु दू उम्मीद रिंङ अटल बंङज़ोंई, छना कुचे हेनर परमेश्वरो टोईच़ी दोऊ वाईदा पूरा लहज़िमी थल्जी विशवास लेह तरपोंई।

इब्रानियों 3:14

अगर हेनर हेंदु तुहई कि विशवासा बि थल मुक्का तचेक पक्‍का बणाके तोहनि, दंङ हेनर मसीहू सहभागी शुहचे योंई।

इब्रानियों 3:6

पर मसीह योह रूपारिंङ एनोह टबरातु थल्जी विशवासो जोगे तोह दंङ दू टबर हेनर शुई, अगर हेनर हेंदु उम्मीद रिंङ हिम्मत ए घमण्ड लहज़ी जारी तोहनि ता, दंङ हेनर परमेश्वरो मीहरे शुहनि।

इब्रानियों 4:14

यीशु अंऊ स्वर्गो हखा इलज़ा, दू परमेश्वरो योह शुह। दू हेंदु भत्ते तु यहुदी महापुरोहित शुह। झांह लेह अतंई हेनर दू विशवासा बि छोड़ेके पक्‍का रंङ साते बंङज़ोंई अपि हेंज़ी भत्ते तु तुईज़ी स्वीकार लाहतंई।

1 पतरस 2:16

एंतेग केरे पापो गुलाम माह तोईनि छना कुचे केरे हेंदु प्रभु यीशु मसीह दोरच़ी आज़ाद शुचे शुई। पर केरे केनातु आज़ादी ओ इस्तेमाल मदम कमो थल्जी छल्ले बहाना था बणेंक्तुंई। पर परमेश्वरो सेवका तु व्यावहार लंहि।

2 पतरस 2:19

दोरे मीहतंङ साते वाईदा लहज़ातोर कि अगर दोच़ी दोरे हिद लोहर, दंङ दोच़ी छि जुंज़ातोर दोच़ी लहज़ी तरपोर छना कुचे दोतु अरिला मालिक माह। पर सच्चाई दि तोह कि दोरे एनाह ला एनोह मदम रिति रिवाज़ो गुलाम तोतोर। छना कुचे अरिला अंऊ ला चीज़ो आदि शवाह, दोबि अंऊ दोई लहज़ा दोऊ ए दोरच़ी गुलाम बणाके केट्रातोर।

यहूदा 1:3

हे गिऊ प्यारे साथी विशवासी रे, हालांकि गेह केतिंङ परमेश्वरो पाहठी छा चेहच़ातग, अंऊ दोरिंङ हेनर भत्तेर सहभागी तोतोंई गेह दि दबाब महसूस लहज़ातग कि केतिंङ उत्साहित लहज़िमी थल्जी च़ेओग कि हेले ओ शिक्षा ओ थल्जी संघर्ष लंहि। परमेश्वरे एनोह मीहतिंङ दि हेले इच्च़ा फेरा हमेशा ओ थल्जी रें चरच़तो अंऊ अपेहल ला माह लेहक्सतो।

प्रकाशित वाक्य 3:3

दुह शिक्षा बि हिद लोह अंऊ केई महस तुहई रेड्री तातन दंङ विशवास लाहतेन। छि कनिंङ सिखासी तोह दोऊ हिद लोह, केनोह बेपरवाही दोरच़ी पश्चाताप लोह। अगर काह बेपरवाही लहज़ी जारी तहज़ातन दंङ गेह अचानक अपोग, छना इच्च़ा चोर अपा, दंङ केई दुह टेम ला माह ञेंहच़ातन अपेहल गेह कनिंङ सज़ा रंड्रीमी थल्जी अपोग।