गलातियों 4:9 - लाहौली बाइबिल

⁹ पर हेंतेग ता केरे परमेश्वरा बि ञेंहनि, दंङ परमेश्वरे केतिंङ ला ञेंहच़ा, दंङ केरे दू कमज़ोर ए निक्कमा शिक्षा ओ गुलाम शुहबिमी थल्जी छारिंङ यह्च़ी लेहकी तोतोंई? छि यह्च़ा केरे दोबारा दोऊ गुलाम शुहबी जुन्ज़ातंई आ?

गलातियों 4:9 Iomraidhean Croise

मत्ती 11:27

गिऊ बाहे गिह्बी भत्तेधिर रांहषी ततो, बाह ए तोह अंऊ दोई योह बि सेहचा, सिर्फ इच्च़ाए योह तोह अंऊ दोई हेले बाहबि सेहचा, दंङ अंऊ मीहतिंङ गेह योह, अंङषातोग दोरे मीहरे बाहबि सेहपोर।

लूको 5:38

दिऊ थल्जी मीहच़ी खरकोई सरा खरकोई बरच़ु अंद्रेग पिंङषी।

यहून्नो 10:14

रूठे पोहाल गेह शुगाह; गेह घेंङौ मा रेसेहका, दंङ गिऊ मा रे ला गिह्बी सेहचातोर।

यहून्नो 10:27

गिऊ त्रैंई ज़ि गिऊ सग सेहचातोर दंङ गेह दोतिंङ सेहचातग, दंङ दोरे ला गिऊ थल-थल जोज़ातोर।

यहून्नो 17:3

दंङ अनंत जीवन दीह शुह कि मीहरे कनिंङ सेहपोर, मतलब सिर्फ इच्च़ा सच्चा परमेश्वरा बि, दंङ दोरे गिह्बी सेहपोर, मतलब यीशु मसीह बि, अरी केई च़रसी शुह।

रोमियो 8:29

छना कुचे अंऊ दोतिंङ दोई तुहई ए अंङषी चरच़तो दोतु थल्जी दि इरादा लेह चरच़तो कि दोरे दोऊ योह यीशु ठ्रोह शोर ताकि दू न्वारेतु बिचंङ जेठे शोतो।

रोमियो 8:3

छना कुचे अंऊ कम, मुसाओ कानून पापो स्वाभावो दोरच़ी कमज़ोर शुहचे लेह मरति, दोबि परमेश्वरे लहरी। दोई पापो प्रायश्चितो थल्जी एनोह योह बि ए पापी मीहू ठ्रोह पापो बलि ऊ थल्जी च़चे च़रति, झांह ठ्रोह परमेश्वरे पाप मय फुकारिंङ ए पापो सामर्थ थाक्शे च़रति।

1 कुरिन्थियों 13:12

दि जीवनारिंङ हेनर भत्ते धिर समझेगी मरच़ातंई। दि अंऊ आ चीज़ा बि भूधड़े ठ्रोह अर्शिरिंङ खंड्री ठ्रोह शुचि यवात। पर अंऊ मुक्का हेनर स्वर्गंङ यवातंई, दंङ हेनर भत्ते धिर रूठे रंङ समझेगी तरपोंई। छना कुचे हेनर परमेश्वरा बि सामटे खमोंई। एंतेग हेंदु ज्ञान अधूरा तोह। सिर्फ अंजा ध्याड़ा ए परमेश्वरा बि रूठे रंङ ञेंई तरपोंई,

1 कुरिन्थियों 15:34

खबरदार शुचे इलांई, पाप लहज़ी छोड़ेके च़रतुंई, गेह केतिंङ शार्मिंदा लहज़िमी थल्जी कुट्रातग, छना कुचे केहतु बिचंङ ज़ि रेह तु परमेश्वरा रंङ साते रूठे नाता माह।

1 कुरिन्थियों 8:3

पर अगर अरिया परमेश्वरारंङ साते दाह तहज़ा, दंङ परमेश्वर दू मीहबी ञेंहच़ा।

2 कुरिन्थियों 11:20

छना कुचे अंऊ मुक्का केतिंङ अच़िया परगर बणाके केट्रा, या दू भत्ते लेहपच़े च़रच़ा अंऊ केहतु कछंङ तोह, या केतिंङ धोखा रंड्रा, या सोचेक्च़ातोर कि दोरे केहतु बे महस बेहतर तोतोर, या केहतु मोहतिंङ चटे केट्रा, दंङ केहच़ी सहन लहज़ातंई।

2 कुरिन्थियों 4:6

झांह लेह कि परमेश्वरे कुहते, “हंयारो दोरच़ी छंङी चमकेक्पोतो,” दंङ परमेश्वरे छंङी ठ्रोह हेंदु सेहमरिंङ समझ रें च़रति, ताकि हेनर परमेश्वरो महिमा बि खंड्री तरपोंई अंऊ यीशु मसीह रिंङ प्रगट शवाह।

गलातियों 3:3

छि केरे धोंण नासमझ तोतोंई आ? केहच़ी पवित्र आत्मो ज़रिये मसीह रंङ साते केनातु खरकोई जीवन शुरू च़ुकातंई, छि दोबि एंतेग मीहतु कमो दोरच़ी योह्च़ी जुंज़ातंई आ?

गलातियों 4:3

ध्वांए ठ्रोह परमेश्वरा बि ञेंहच़ी बे तुहई ए हेनर दू रिति-रिवाज़ ए कानूनो गुलाम तोईनी अंऊ दि संसारारिंङ तोह।

इफिसियों 1:17

गेह प्रार्थना लहज़ातग कि परमेश्वर हेंदु प्रभु यीशु मसीहू महिमामय बाह, केतिंङ पवित्र आत्मा रमतो, अंऊ केतिंङ बुद्धिमान बणाके च़रपोतो दंङ परमेश्वरा बि केहतु टोहकठे प्रगट लोहतो, ताकि केहच़ी दू ञेंई तरपोंई।

2 तीमुथियुस 2:19

तांला परमेश्वरो मीहतु विशवास पक्‍का मुयांदो ठ्रोह बणेंकी बंङज़ा, दंङ दोऊ टोईच़ी झांह ठ्रोह शब्द च़ेहसी तोतोर, “कि प्रभु ज़ि ञेंहच़ा कि दोऊ मीहरे अरि शुहरे” दंङ दि ला कि “अच़िला परमेश्वरो अराधना लहज़ा दोबि बुराई लेह बंद लहज़ी जूंस।”

इब्रानियों 7:18

तुहई मूसा ओ कानून दू लेह मरति अंऊ दोतिंङ लेह जूंशी तोहई; दंङ छल्ले कमो जोगे माहशुबी रंङ साते लेहक्सा इलि।

2 पतरस 2:20

मीहरे संसारो बुराई दोरच़ी हुंच़ा इलिर अपेहल दोच़ी यीशु मसीह बि एनोह प्रभु ए उद्धारकर्ता ओ रूपा रिंङ ग्रहण लहरिर। पर हेंतेग यह्च़ा इच्च़ा फेरा बुराई रिंङ शुरू शुहचे इलजी तोतोर दंङ मदम कम दोतिंङ एनोह हिसाबे लेह चरच़तो, झांह लेह हेंतेग मसीह बि अस्वीकार लहज़िमी थल दोतु अंतिम दशा दोतु विशवासी शुहबी रंङ साते बे तुहई कि दशा बेहच़ी खराब शुहचे इलि।

1 यूहन्ना 5:20

दंङ दिला ला ञेंच़ातंई कि परमेश्वरो योह यीशु मसीह संसारारंङ अति, दंङ दोई हेन्दिंङ समझ रांहषी ततो, कि हेनर दुह सच्चे परमेश्वर बि सेहपोन; हेनर परमेश्वर रिंङ अंऊ हेले तोह बणेंके बंङज़ातंई। दंङ दोऊ योह यीशु मसीहरंङ बणेंके बंङज़ा तोंई, दुह ए सच्चा परमेश्वर शुह, दंङ दुह अनंत जीवन शुह।