गलातियों 4:8 - लाहौली बाइबिल

⁸ अपेहल केरे परमेश्वरा बि माह ञेंहच़ातंई, दू मुक्का केरे दोऊ परगर तोईनी, अंऊ हेले रिंङ परमेश्वर माशुहरे।

गलातियों 4:8 Iomraidhean Croise

यहून्नो 1:10

दुह संसारारंङ तोहई, दंङ संसार दोऊ दोरच़ी बणाएषी तोहई, दंङ संसारो मीहज़ी दुह सेहच़ी मरतिरे।

प्रेरित 14:12

दंङ दोच़ी बरनबास बि यूनानी सग ज्यूस ओ मिन रेंईर दंङ पोलुस बि हिर्मेस ओ मिन रेंईर, छना कुचे दुह मोह्ड़े प्रचारक तोई।

प्रेरित 17:23

छना कुचे गेह ज़ोज़ा ते दुह मुक्का केहतु पूजा लहज़िमी समान खंड्री लेह्की तोईग, दंङ इच्च़ा ध्याड़ा झांह ठ्रोह इच्च़ा बेदी तंङरि, अतु टोईच़ी च़ेहसी तोहई, अंजान सद्द् तु थल्जी। झांह लेह अतु केहच़ी पता मेह अराधना लहज़ातंई गेह केतिंङ दोऊ पाहठी सुनाएपोग।

रोमियो 1:23

दोच़ी हमेशा श्रींङे बंङज़ा परमेश्वरो महिमा छोड़ेके, नाशवान मीहतु ए, प्यारे तु, दंङ चोपायो ए, घुष्टि जीवा तु ए मुर्ति तु अराधना लहज़ातोर।

रोमियो 1:28

दंङ दोच़ी परमेश्वरा बि ञेंच़िमी कोशिश मलाहरिरे दंङ परमेश्वरे ला दोतिंङ दोतु निकम्मे सेहमो टोईच़ी छोड़ेके केहरी दोच़ी अनुचित कम लोहर।

1 कुरिन्थियों 1:21

परमेश्वरे एनोह ज्ञाना रिंङ दि खंई कि दि संसार मीहतु ज्ञानो दोरच़ी दोबि अपेहल ला ञेंई मरपोतो, झांह लेह दोई दू मीहतिंङ बचाच़िमी थल्जी अंऊ विशवास लहज़ातोर दि रूठे खबरो प्रचारो इस्तेमाल लहरिर, हालांकि रे मीहरे दिबी मुर्खता चेहच़ातोर।

1 कुरिन्थियों 12:2

केहच़ी ञेंहच़ातंई कि केरे विशवासी बणेक्पिमी तुहई छना ठ्रोह जीवन श्रींङमातंई। दंङ केरे टटे मुर्ति तु थल्जी जोज़िमी थल्जी भटकेगी इलजी तोतोंई।

1 कुरिन्थियों 8:4

दंङ हेंतेग, गेह बलि ज़ेइमी पाहठी सवालो जबाब रंड्री जुंज़ातग। ञेंहच़ी ञेंहच़ातंई कि मुर्ति सच्चा भगवान माह शुह, दंङ सिर्फ इच्च़ा ए सच्चा परमेश्वर तोह।

गलातियों 4:3

ध्वांए ठ्रोह परमेश्वरा बि ञेंहच़ी बे तुहई ए हेनर दू रिति-रिवाज़ ए कानूनो गुलाम तोईनी अंऊ दि संसारारिंङ तोह।

इफिसियों 4:18

दोरे ता परमेश्वरो गप्पा समझेकी मरच़ातोर। छना कुचे दोरे परमेश्वरा बि माह ञेंहच़ातोर दंङ ज़िद्दी तोतोर, परमेश्वरो दुह खरकोई जीवन दोतु दोर्तिंङ माह, अंऊ दोई हेंदिंङ रंड्रा।

1 थिस्सलुनीकियों 1:9

छना कुचे दोच़ी ऊईतिंङ कंड्रातोर कि अपेहल ञेंरे केहतु कछंङ अंदेंई, दंङ केहच़ी छना ठ्रोह ञेंहतु स्वागत लहज़ातंई। दंङ केरे छना मुर्ति पूजा ओ दोरच़ी शत्‌ह शुहचे परमेश्वरो हखा किरच़ातंई, ताकि श्रींङे ए सच्चे परमेश्वरो सेवा लोंहई,

1 थिस्सलुनीकियों 4:5

केतिंङ ऊईजाति तु ठ्रोह अंऊ परमेश्वराबि माह ञेंहच़ातोर, मांजी कमो हिटी लेह माह जूंस।

2 थिस्सलुनीकियों 1:8

दंङ अंऊ परमेश्वराबि माह सेहचातोर, दंङ हेंदु प्रभु यीशु मसीहू रूठे खबर स्वीकार माह लहज़ातोर दोतिंङ दोई सज़ा रमतो।

1 पतरस 4:3

इलज़ा दू टेमारिंङ केहच़ी संसारिक मीहतु ठ्रोह मदम लहज़िमी थल्जी महस टेम बर्बाद लेह चरच़ातंई, छना कि कुकम ए वासना, महस तुंङमी ए ऐश-मस्ती लहज़ी, दंङ दोतु मुर्ति तु पूजा, अंऊ दोतंङ परमेश्वरे नफरत लहज़ा।

1 यूहन्ना 3:1

विचार ता लंहि, कि बाह परमेश्वरे हेन्दंङ साते अंयों दाह लहसी ततो, कि हेनर परमेश्वरो कटुरे शोंई दंङ हेनर दोऊ ए कटुरे शुंई, पर रेह मीहरे दि संसारो शुहरे दोरे दिह माह ञेंच़ातोर कि हेनर परमेश्वरो कटुरे शुंई, छना कुचे दोच़ी बाह परमेश्वर बि माह ञेंच़ातोर।