गलातियों 4:6 - लाहौली बाइबिल

⁶ छना कुचे हेनर परमेश्वरो कटुरे शुई दिऊ थल्जी परमेश्वरे एनोह योह ऊ आत्माबि हेंदु सेहमरिंङ च़रति, अंऊ परमेश्वरा बि “हे अब्बा, ‘हे बाह’ कुचे ते हाऊष रंड्रातंई।”

गलातियों 4:6 Iomraidhean Croise

मरकुसो 14:36

छना कुचे केई भत्ते धिर लेह तरपोन। दि दुखो घड़ी गिऊ तुईज़ी ऐखा लेह च़रतु। तांला गेह छना जुंज़ातेग ध्वांए मा शुह, दंङ केई छी जुंज़ातन ध्वांए ए शुह।”

लूको 11:13

अगर केरे मांजी शुहचे केन्दु कटुतिंङ रूठे धिरारे रंड्री ञेंहच़ातंई दंङ केहतु स्वर्गो पिता परमेश्वरे एनोह पेट्रातिंङ पवित्र आत्मा ज़रुर रमतो?”

लूको 11:2

यीशुज़ि दोतंङ साते कुहतो, “अपेहल केहच़ी प्रार्थना लाहनी दंङ झांह ठ्रोह प्रार्थना लोहवा लांई; हे ञेंहतु बाह कांह अरी सर्गंङ तोतोन; कांह मिन पवित्र मनेक्च़ी जूंस कांह राज अंज़े जूंस।

यहून्नो 14:16

दंङ गेह पिता परमेश्वरारंङ साते बिनती लोहग, दंङ दोई केहतु थल्जी हमेशा साते बंङज़ा इच्च़ा मदतगार बि रमतो।

यहून्नो 15:26

गेह पिता परमेश्वरो दोरच़ी केहतु थल्जी इच्च़ा मदतगार च़रपोग। दुह अरी पवित्र आत्मा तोह दंङ अंऊ सच्चाई तोह दोबि प्रगट लाह। अपेहल दुह अपतो ता दोई केतिंङ गिऊ पाहठी कंबोतो।

यहून्नो 16:7

तांला गेह केतंङ साते हेले कुट्रातग, कि गिऊ इबि केहतु थल्जी रुठे तोह, छना कुचे अगर गेह य्वातग माह, ता दुह मदतगार केहतु कछंङ माह अपतो, पर अगर गेह योग, ता दोबि केहतु कछंङ च़रपोग।

यहून्नो 3:34

छना कुचे अतिंङ परमेश्वरे च़रति, दोई परमेश्वरो गप्पा लहज़ी: छना कुचे दिह ए दुह ए शुह अतिंङ परमेश्वरे पवित्र आत्मा भरपूरी रंङ साते रांहषी ततो।

यहून्नो 7:39

यीशु ज़ि दीह गप्पा पवित्र आत्माओ पाहठी कुहते, अंऊ दोऊ टोहकठे विशवास लहज़ा दोरे खोकसिमी तरेर; पवित्र आत्मा अईता तचेक तक्सी माह तोहई, छना कुचे परमेश्वरे अईता यीशु ऊ महिमा प्रगट लहसी माह तोहई।

प्रेरित 16:7

दंङ दोच़ी मुसिया प्रदेशो कछंङ पिचे, बितुनिया प्रदेशो हखा इबिमी जुन्ज़ातेर; पर यीशु आत्माज़ि दोतिंङ इबी मा रेंई

रोमियो 5:5

दंङ उम्मीदारंङ शार्मिन्दगी माह शुहबी, छना कुचे पवित्र आत्मा अंऊ हेंदिंङ परमेश्वरे रांहषी ततो दोऊ दोरच़ी परमेश्वरे एनोह दाह रंङ साते हेंदु सेहम पिंङे केहतो।

रोमियो 8:9

पर अपेहल पवित्र आत्मा केहतु अंदरेग वास लहज़ा, दंङ केरे पापमय स्वाभावो वशारिंङ माह तोहनि, पर आत्माओ वशारिंङ तोतोंई अगर अतिंङ पवित्र आत्मा माह दंङ दू मसीहू मीह माह शुह।

1 कुरिन्थियों 15:45

पवित्रशास्त्रा रिंङ दि ला च़ेहसी तोह कि, “दि धरतीऊ मुण्डो मीह, मतलब आदम, श्रींङे प्राणी बणेंके इलि,” दंङ थल मुखो आदम, अंऊ कि मसीह शुह, दि दुह ए शुह अच़ि अनंत जीवन रंड्रा।

2 कुरिन्थियों 3:17

प्रभु ता आत्मा तोह; दंङ अंऊर ला प्रभु आत्मा तोह दोर्तिंङ कानूनो आज़ादी तोह।

इफिसियों 1:13

अपेहल केहच़ी सच्चाई ओ बचन, केनातु मुक्ति ऊ रूठे खबर, रेड्रीमी थल मसीह रिंङ विशवास लाहतंई दंङ मसीह रंङ साते हेंदु एकता ओ वहज़ा ज़ि, परमेश्वरे हेंदिंङ दू पवित्र आत्मा रांई अपि दोई एनोह मीहतिंङ रंड्रीमी वाईदा लहसी तते। पवित्र आत्मा इच्च़ा निशानो ठ्रोह तोह अंऊ दोई दर्शाएच़ा कि हेनर परमेश्वरो शुई।

इफिसियों 2:18

मसीह ज़ि हेंदु थल्जी छिल्ला धिर लहरी दोऊ वहज़ा ज़ि हेंतेग हेनर भत्तेर इच्च़ा पवित्र आत्माओ दोरच़ी बाहऊ कछंङ अपि तरपोंई।

इफिसियों 4:30

केनातु कमो दोरच़ी पवित्र आत्माबि दुखी थालंही, अंऊ केहतु छुटकारो थल्जी बयाना ओ रूपारिंङ रांहषी तोह।

इफिसियों 6:18

दंङ भत्ते मुक्का ए भत्ते पाहठी हेंदिंङ ध्वांए ए प्रार्थना ए बिनती लहज़ी जूंशी तोह। छना पवित्र आत्माज़ि हेंदु अगुवाई लहज़ा। झांह लेह चेहके बंङज़ेंई दंङ भत्ते परमेश्वरो मीहतु थल्जी हमेशा प्रार्थना लोहवा लंहि।

फिलिपियों 1:19

छना कुचे गेह ञेंच़ातग कि केहतु प्रार्थना ओ दोरच़ी, दंङ यीशु मसीह च़रसी, पवित्र आत्मो मदतो दोरच़ी, गिऊ कैदो दोरच़ी बचाके च़रपोतो

1 थिस्सलुनीकियों 4:8

झांह लेह अंऊ ला दि कानूनो भाषे माह लहज़ा, दोई मीहतिंङ मशत पर परमेश्वरो कानून माह ञेंहच़ा, अच़ि एनोह पवित्र आत्मा केतिंङ रांहषी ततो।

1 पतरस 1:11

मसीहू आत्मा भविष्यवक्ता तु अंदरेग तोह, अंऊ मसीहू दुख ए दू दुख थल खोकच़ा मोह्ड़े दाह ओ पाहठी दोतिंङ तुहई ए कंड्राते। भविष्यवक्ता ज़ि तुहई ए दि ञेंच़िमी कोशिश लहरिर, कि आत्मा दोतिंङ छि कंड्रा, दि भत्ते गप्पा अपेहल शोतो दंङ दि छना पूरे शोतो।

यहूदा 1:20

पर हे गिऊ प्यारे साथी विशवासी रे, केतिंङ इदि-अई दिऊ मदत लेह जूंशी तोह ताकि दुह पवित्र सच्चाई रिंङ अंऊ दोऊ टोईच़ी केहच़ी विशवास लहज़ातंई, इदि-अईदि बि बढाके तरपोंई। केतिंङ पवित्र आत्मो सामर्थो दोरच़ी मार्गदर्शन खोक्शे प्रार्थना लेह जूंशी तोह।

प्रकाशित वाक्य 19:10

अपेहल गेह रेड्रीगा ता गेह दुह मीहू तुईज़ी कोंङा शुहचे इलिगा अंऊ गेरंङ साते गप्पा लहज़ी लेहकी तोहई, छना कुचे गेह दोऊ अराधना लहज़ातेग। दोई गिऊ हखा कुई, “गिऊ अराधना थालोहू। परमेश्वरे ए तोह अतु कनिंङ अराधना लेह जूंशी तोह। छना कुचे गेह ला ध्वांए इच्च़ा परमेश्वरो सेवक शुगाह, छना काह तोतोन दंङ ध्वांए छना इच्च़ा ए अंगीकार लहसी कनु भत्ते साथी विशवासी तोतोर, अंऊ दोच़ी ञेंहच़ातोर कि यीशु ए दोतु प्रभु शुह। दिए सच्चाई अंऊ यीशु ज़ि प्रगट लहसी ततो, दोबि घोषणा लहज़िमी थल्जी पवित्र आत्मा मीहतिंङ दोऊ जोगे बणाएच़ा।”