गलातियों 4:4 - लाहौली बाइबिल

⁴ पर अपेहल दू टेम अति अतु योजना परमेश्वरे बणाक्ते, दंङ परमेश्वरे एनोह योह दि संसारारिंङ च़रति, दंङ दू इच्च़ा मीहू रूपा रिंङ जेह्कते। दुह यहुदी जेह्के, मूसा ओ कानूनो अधीन दिऊ थल्जी बंङज़िरी,

गलातियों 4:4 Iomraidhean Croise

मत्ती 1:23

“खंणुई, इच्च़ा ब्याह माह लहसी खोकटुंङ शोतो दंङ इच्च़ा गंङकटु जेह्पोतो, दंङ दोऊ मिन ‘इम्मानुएल’ शोतो अतु मतलब शुह, परमेश्वर हेन्दंङ साते तोह।”

मत्ती 3:15

यीशुज़ि दोबि जुबाब रन्दो, “हेंतेग ता ध्यांए शुहबी रांऊ, झांह लेह हेंज़ी दुह भत्ते धिर लोहन अंऊ परमेश्वरे जुंज़ातो।” दंङ यहून्ना दोऊ गप्पा मनेके इलि।

मत्ती 5:17

झांह थाह सोचेक्तुई, कि गेह मूसाऊ कानून ए भविष्यवक्तातु शिक्षा खत्म लहज़िमी थल्जी अंज़े शुगाह, पर पूरे लहज़ी अंज़े शुगाह।

मरकुसो 1:15

दंङ कुतोह, “ध्याड़ा पूरा शुहचे इलि, परमेश्वरो राज पिचे अन्ज़े तोत; मदम कमो दोरच़ी सेहम किर्ज़ुंई दंङ दि रूठे खबरो टोईच़ी विशवास लांही।”

लूको 1:31

दंङ खंणु कांह खोकटुंङ शोन, केई इच्च़ा योह बि जन्म रमोंन; केई दोऊ मिन यीशु केहू।

लूको 1:35

स्वर्गदूते दोबि जुबाब रेंई, “पवित्र आत्मा कनु टोईच़ी अपतो, दंङ परमप्रधान परमेश्वरो सामर्थ कनु टोईच़ी अपतो; दिऊ थल्जी कांह दोरच़ी जेह्की गंङकटु पवित्र शोतो दंङ, परमेश्वरो योह कहलाहएपोतो।

लूको 20:44

रज्ज़ा दाऊदे ताह दोबि प्रभु कुट्रा; दंङ दुह दोऊ योह छना शुई?”

यहून्नो 1:14

दंङ बचन इच्च़ा मीहू रुपंङ अति; दंङ मोह्ड़े दाह ए सच्चाईरङ परिपूर्ण शुहचे हेंदु बिचंङ डेरा लहरी, दंङ हेंज़ी दोऊ धिंङघा महिमा खंणी छना पिता (परमेश्वरो) इच्च़ा योह।

यहून्नो 3:16

छना कुचे परमेश्वरे संसारो मीहतंङ साते झांह ठ्रोह दाह लहरी कि दोई एनोह इच्च़ा योह रें च़रति, कि अच़िला दोऊ टोहकठे विशवास लोहतो दुह नाश माह शोह्तो, पर दोच़ी अनंत जीवन खोक्पोर।

यहून्नो 6:38

छना कुचे गेह घेंङौ हिटी मशत पर गिह्बी च़रच़ा ओ हिटी पुरा लहज़िमी थल्जी स्वर्गंङ च़ि अंज़े शुगाह।

यहून्नो 8:42

यीशु ज़ि दोतंङ साते कुंई, “अगर परमेश्वर केहतु बाह शुहचंङ ता केहच़ी गेरंङ साते दाह लंहीयां; छना कुचे गेह परमेश्वरो दोरच़ी अंज़े शुगाह; गेह घेंङा ए अंज़े माह शुगाह, पर दोइए च़रसी शुगाह।

प्रेरित 1:7

यीशु ज़ि दोतंङ साते कुंई, सिर्फ गिऊ बाह परमेश्वरो कछंङ अधिकार तोह दुह टेम फेंसला लहज़िमी तोह। “केतिंङ दि पता लगाच़िमी ज़रूरत माह कि दुह टेम अपेहल अपतो।”

रोमियो 1:3

दि रूठे खबर दोतु योह, हेंदु प्रभु यीशु मसीहू पाहठी तोह। दोऊ जन्म इच्च़ा मीहू रूपारिंङ रज्ज़ा दाऊदो खानदाना रिंङ शुई।

रोमियो 15:8

गेह कुट्रातग, कि अंऊ वाईदा बाह-मेमेतिंङ रांहषी तोहई, दू वाईदा तिंङ हेले लहज़िमी थल्जी, दंङ दि कंड्रिमी थल्जी कि परमेश्वर वफादार तोह, मसीह यहुदी मीहतु सेवक बणेंके इलि।

रोमियो 5:6

छना कुचे अपेहल हेनर कमज़ोर ए तोहनी, दंङ परमेश्वरो ठहरासी टेमा रिंङ मसीह हेनर मदम मीहतु थल्जी सिए इलि।

रोमियो 8:3

छना कुचे अंऊ कम, मुसाओ कानून पापो स्वाभावो दोरच़ी कमज़ोर शुहचे लेह मरति, दोबि परमेश्वरे लहरी। दोई पापो प्रायश्चितो थल्जी एनोह योह बि ए पापी मीहू ठ्रोह पापो बलि ऊ थल्जी च़चे च़रति, झांह ठ्रोह परमेश्वरे पाप मय फुकारिंङ ए पापो सामर्थ थाक्शे च़रति।

रोमियो 9:5

अब्राहम, इसहाक ए याकूब दोतु पूर्वज शुरे, दंङ फुको हिसाबे मसीह दोतु ए खानदानो तोह। परमेश्वर, अंऊ भत्ते तु टोहकठे राज लहज़ा, दोऊ हमेशा ओ थल्जी षटणा शुहबी जूंस। आमीन।

इफिसियों 1:10

अपेहल दि हिटी पूरे शुहबिमी टेम अपतो, दंङ परमेश्वर स्वर्ग ए धरतीऊ चीज़ातिंङ मसीहू अधीन लेह च़रपोतो, ताकि मसीह भत्ते चीज़ो मुख्या शोतो।

कुलुस्सियों 2:14

दिह झांह ठ्रोह तोहई छना परमेश्वरे हेंदु दोष पत्र लाह मिटाके च़रति, अंऊर हेंदु खिलाप दोष च़ेहसी तोहई। अपेहल मसीह क्रूसो टोईच़ी चढ़ाके च़रतिर दुह मुक्का दोई दुह दस्तावेज पूरी तरह शत्‌ह लेह च़रति।

1 तीमुथियुस 2:6

अच़ि पाप ए सिमी शाक्ति ओ दोरच़ी भत्ते मीह तिंङ आज़ाद लेह च़रच़िमी थल्जी एनाबि बलिदान लेह केहई दोऊ मौतो दोरच़ी, परमेश्वरे ठीक टेमारिंङ दि सबूत रें च़रति कि दुह भत्ते मीहतिंङ बचाएच़ी जुंज़ा।

1 तीमुथियुस 3:16

दंङ दिरिंङ छल्ले शक माह कि हेंदु विशवासरिंङ पक्‍का भेद तोह, मसीह इच्च़ा मीहू रूपारिंङ प्रगट शुई, दंङ पवित्र आत्माज़ि दुह परमेश्वरो योह साबित लहरी, दंङ स्वर्गदूता ज़ि दुह तंङातेर, दंङ परमेश्वरे दुह स्वर्गंङ रैंज़ा शिली। चेलाज़ि भत्ते ठाहरिरिंङ दोऊ प्रचार लहरिर। दंङ संसारो मीहच़ी दोऊ टोहकठे विशवास लहरिर।

इब्रानियों 2:14

छना कुचे अपि परमेश्वरे कटुरे कुह्चे बुलाएक्तो, दोतु इच्च़ा मीहू फुक तोहई। यीशु एनाह ए हेंदु ठ्रोह मीहू रूप धारण लहरी ताकि दोऊ मौतो दोरच़ी मौतो टोईच़ी अधिकार तहच़ा शेताना बि नाश लोहतो।

इब्रानियों 9:10

छना कुचे दोरे सिर्फ मीहतु ज़ेई ए तुंङमिमी चीज़ा तु पाहठी दंङ महसे सुज़िमी पाहठी कंड्रातेर अतु दोरच़ी मीहरे धकते च़ि संङा शुहचे यवातेर दि ज़रूरी तोहई कि दि कानूना बि दोहपल तचेक पूरा लोहर अपेहल तचेक कि परमेश्वरे मीहतंङ साते इच्च़ा खरकोई वाईदा माह लोहतो।

1 यूहन्ना 4:14

दंङ ञेंहच़ी योह बि तंङातेंई दंङ गवाही लाह रंड्रातंई कि बाह परमेश्वरे एनोह योह बि संसारो मीहतु पापो उद्धार लहच़िमी थल्जी च़रति।

1 यूहन्ना 4:2

परमेश्वरो आत्मा केहच़ी दि रीतिरंङ साते सेहषी तरपोंई, अंऊ ला मीह दि मनेके केट्रा, कि यीशु मसीह मीहू रूपारिंङ अति दुह परमेश्वरो दोरच़ी शुह।