गलातियों 4:3 - लाहौली बाइबिल

³ ध्वांए ठ्रोह परमेश्वरा बि ञेंहच़ी बे तुहई ए हेनर दू रिति-रिवाज़ ए कानूनो गुलाम तोईनी अंऊ दि संसारारिंङ तोह।

गलातियों 4:3 Iomraidhean Croise

मत्ती 11:28

ए भत्ते खरे कम लहज़ाए बोझे दबेकि (कुरची) मीहरे, गिऊ कछंङ अतंई; गेह केतिंङ नह्च़ी (आराम) रमोग।

यहून्नो 8:31

दंङ यीशु ज़ि दोरे यहुदी मीहतु हखा अच़ि यीशु ऊ टोहकठे विशवास लहतेर, कुंई, “अगर केहरे गिऊ शिक्षा रेड्राते दुह मनेक्च़ातन, ता हेले केहरे गिऊ चेलार शोन।

प्रेरित 15:10

अगर झांह तोह, दंङ केहच़ी दि कुचे परमेश्वरो परीक्षा छिले लह्ज़ातंई, दि कुट्रा दोतिंङ हेंदु भत्ते रिति-रिवाज़ो भाषे लहज़ी जुंशी तोह? छना कुचे हेंदु बाह-मेमे ज़ि ए देर तचेक कि तोग तचेक हेनर ला दोतु भाषे लहज़िमी जोगे माह तोहई।

रोमियो 7:14

छना कुचे ञेंहच़ी ञेंच़ातंई कि कानून ता आत्मिक शुह, पर गेह मीह शुगाह दंङ पापो गुलाम शुगाह।

रोमियो 8:15

छना कुचे केतिंङ गुलामी आत्मा खोकसी माह, कि यह्च़ा बेवा योंई पर पवित्र आत्मा हेंदिंङ परमेश्वरो कटुरे बणाएशा, अतिंङ हेनर हे बाह, हे पिता कुचे हाऊष रंड्रा तंई।

2 कुरिन्थियों 11:20

छना कुचे अंऊ मुक्का केतिंङ अच़िया परगर बणाके केट्रा, या दू भत्ते लेहपच़े च़रच़ा अंऊ केहतु कछंङ तोह, या केतिंङ धोखा रंड्रा, या सोचेक्च़ातोर कि दोरे केहतु बे महस बेहतर तोतोर, या केहतु मोहतिंङ चटे केट्रा, दंङ केहच़ी सहन लहज़ातंई।

गलातियों 3:19

दंङ परमेश्वरे छना ठ्रोह इस्राएलो मीहतिंङ मूसा ओ कानून रांई? दूता अपराधो वहज़ा ज़ि थले रें च़रति, कि मूसाऊ कानून दू मुक्का तचेक बणेंके बंङज़ाते अपेहल तचेक कि अब्राहमो दू खानदान अच़ा माह अति, अतु पाहठी कि परमेश्वरे वाईदा लाहते। परमेश्वरे एनोह कानून स्वर्ग दूता तु दोरच़ी मूसा बि रांई, मूसा परमेश्वर ए मीहतु बिचंङ बिचवाई तोहई।

गलातियों 4:2

अपेहल तचेक कि बाहऊ ठहरेसी टेम पूरा शुहचे माह य्वात, धोंण तचेक दू योह रक्षा लहज़ार ए बंदोबस्त लहज़ार तु अधीन बंङज़ा।

गलातियों 4:24

दि झुल्ला मेच़िमी तु बराबरी झुह्ट वाईदा रंङ साते लेह जूंशी तोह। दू वाईदा अंऊ परमेश्वरे इस्राएलो मीहतंङ साते सीने गोह टोईच़ी लाहते, दू दासी हाज़िरा ओ ठ्रोह तोहई।

गलातियों 4:25

हाज़िरा सीने गोह बि दर्शाएच़ा अंऊ अरब देशा रिंङ तोह। दू तोंखी यरूशलेम शहरो ठ्रोह तोह अंऊ कि मीहरे मूसाओ कानूनो भाषे लहज़िमी दोरच़ी गुलाम तोतोर।

गलातियों 4:31

झांह लेह हे गिऊ प्यारे साथी विशवासी रे, हेनर दासी मेच़िमी मतलब कानूनो कटुरे माह शुई, पर विशवास लहज़िमी रंङ साते अज़ाद मेच़िमी ऊ कटुरे शुई।

गलातियों 4:8

अपेहल केरे परमेश्वरा बि माह ञेंहच़ातंई, दू मुक्का केरे दोऊ परगर तोईनी, अंऊ हेले रिंङ परमेश्वर माशुहरे।

गलातियों 4:9

पर हेंतेग ता केरे परमेश्वरा बि ञेंहनि, दंङ परमेश्वरे केतिंङ ला ञेंहच़ा, दंङ केरे दू कमज़ोर ए निक्कमा शिक्षा ओ गुलाम शुहबिमी थल्जी छारिंङ यह्च़ी लेहकी तोतोंई? छि यह्च़ा केरे दोबारा दोऊ गुलाम शुहबी जुन्ज़ातंई आ?

कुलुस्सियों 2:20

छना कुचे केहतु पापो स्वाभाव मसीह रंङ साते सिए इलज़ा, झांह लेह हेंतेग केतिंङ दि संसारो कानून मनेक्च़िमी ज़रूरत माह। दंङ केरे छारिंङ हेंतेग लाह दिह कानूनो भाषे लहज़ातंई, छना कि हेंतेग लाह संसार केतिंङ वशरिंङ लहज़ा।

कुलुस्सियों 2:8

खबरदार तोहई कि अरिया केतिंङ संसारो ज्ञान ए फालतु धोखा रंड्री माह जूंस, दिह गप्पारे मीहतु परम्परा ए संसारो शिक्षा ओ हिसाबे तोह। माह कि मसीहू दोरच़ी।

इब्रानियों 5:12

केरे महस टेम बेहच़ी विशवास लहज़ातंई। दंङ विशवास तचेक केतिंङ सिखाच़िमी जोगे शुचि इबि जूंशी तोहई। दिऊ बजाए, केतिंङ विशवास ला अतुआ ज़रूरत तोह अंऊ केतिंङ परमेश्वरो बचनो ओ पाहठी शिक्षा यह्च़ा कंङमोतो। केरे ता झांह शुचि तोंई, ञेंईनि कि कटुरे शुई। ड्हका बगत ज़ेईमी बजाए, केहच़ी अईता ला पानु जुंज़ातंई।

इब्रानियों 7:16

यीशु खास मीहू मतलब लेवीऊ खानदाना रंङ साते तालुक तहज़ा कानूनो वहज़ा ज़ि यहुदी पुरोहित माह बणेक्ति पर दू जीवनो सामर्थो दोरच़ी यहुदी पुरोहित बणेंके इलि अंऊ अपेहल ला योह्सोतो माह।