गलातियों 4:21 - लाहौली बाइबिल

²¹ दंङ केरे, अंऊ मूसा ओ कानूनो अधीन शुहबी जुन्ज़ातंई! गिऊ गप्पा रेड्रुंई! गेह केतिंङ कमोग कि पवित्र शास्त्रा रिंङ, मूसा ओ कानूनो कताबा रिंङ छि च़ेहसी तोह।

गलातियों 4:21 Iomraidhean Croise

मरकुसो 10:3

यीशुज़ि दोतिंङ जवाब रें, “मूसा भविष्यवक्ताज़ि तलाको पाहठी छि आज्ञा रांहषी तोह?”

लूको 16:29

अब्राहमे दोबि कुहतो, दोतु कछंङ खबरदार लहच़िमी थल्जी मूसा ओ कानून ए भविष्यवक्तातु च़ेहसी कताबरे तोह। दोतिंङ दुह रेड्री ए दोतु भाषे लेह जूंस।

यहून्नो 10:34

यीशु ज़ि दोतिंङ जुबाब रेंई, “छि पवित्र शास्त्रा रिंङ झांह च़ेहसी माह, कि परमेश्वरे एनोह मीहतु सेंहणातिंङ कुंई, ‘गेह केतंङ साते कुट्रातग, कि केहरे सद शुई?’ ”

यहून्नो 12:34

दिरंङ मीहज़ी दोऊ हखा कुईर, ञेंहच़ी पवित्र शास्त्रा रिंङ दिह पढ़ेक्सी शुई, कि मसीह हमेशा श्रींङे बंङज़ोतो, दंङ केई छिले कुट्रातन कि मीहू योह बि रंगी रिंङ चढ़ाऐसी ज़रूरी तोह? दी मीहू योह अरी शुह?

यहून्नो 15:25

दंङ दिह दुह गप्पा पुरा लहज़ा अंऊ दोतु पवित्र शास्त्रारिंङ च़ेहसी तोह। दोई कुट्रा, “दोच़ी छा बजह मेह गेरंङ साते नफरत लहतोर।”

रोमियो 3:19

ञेंहच़ी ञेंच़ातंई कि कानून छिला कुट्रा, दुह मीहतंङ साते कुट्रा, अंऊ मुसाओ कानूनो अधीन तोतोर, ताकि मीहतिंङ बहाना बणाएट्रिमी दोरच़ी रोकेकी तरपोंई, दंङ संसारो भत्ते मीहरे परमेश्वरो फेंसला ओ अधीन शोर।

रोमियो 6:14

दंङ केहतु टोईच़ी पापो वश माह शोतो, छना कुचे केरे मुसाओ कानूनो अधीन माह तोंहि पर परमेश्वरो मोह्ड़े दाह ओ अधीन ए श्रींङमातंई।

गलातियों 3:10

झांह लेह अंयों मीहरे मूसा ओ कानूनो कमो टोईच़ी विशवास तहच़ातेर, दोरे परमेश्वरो शापो अधीन तोतोर, छना कुचे पवित्र शास्त्रारिंङ च़ेहसी तोह, “अंऊ मूसा ओ कानूनारिंङ च़ेहसी भत्ते गप्पो भाषे माह लहज़ातोर, दोरे परमेश्वरो शापो अधीन तोतोर।”

गलातियों 4:9

पर हेंतेग ता केरे परमेश्वरा बि ञेंहनि, दंङ परमेश्वरे केतिंङ ला ञेंहच़ा, दंङ केरे दू कमज़ोर ए निक्कमा शिक्षा ओ गुलाम शुहबिमी थल्जी छारिंङ यह्च़ी लेहकी तोतोंई? छि यह्च़ा केरे दोबारा दोऊ गुलाम शुहबी जुन्ज़ातंई आ?